Курдските борци кои го бранат сирискиот северен град Кобани побараа во саботата од меѓународната коалиција под водство на САД, да ги засилат ударите врз џихадистите на Исламската држава кои го стегаат обрачот околу овој град на самата граница со Турција, во кој продолжуваат борбите.

Според податоците на Сириската опсерваторија за човекови права (SOHR), во борбите изминатите три седмици за Кобане, каде џихадистите контролираат повеќе од 40 отсто од градот и се на само километар од границата со Турција, загинале 553 луѓе, од кои 298 се припадници на Исламската држава. Од тоа 20 се цивили од кои 17 биле егзекутирани од џихадистите кои во петокот го зазема штабот на курдските борци, зградата на цивилната администрација и ги контролираат сите источни населби, како и неколку населби во североисточните и југоисточните делови од градот, пренесува AFP.Тоа значи дека истовремено кога Исламската држава ги засилува своите сили, на курдските сили единствен слободен правец им е кон север кон турската граница. Курдски воен командант во сирискиот град Камишли, изјави дека илјадници борци се подготвени да заминат за Кобане, доколку Турција го отвори тој коридор.Курдските сили се соочуваат со неизбежен пораз во Кобани, доколку Турција не ја отвора својата граница да ги пропушти курдските доброволци и да го пропушти оружјето, што Анкара досега не сака да го стори. Коалицијата ги засили нападите врз позициите на Исламската држава во околината и во самиот град Кобане (Ајин ал-Араба, на арапски). Најголемата курдска воена формација Единиците за заштита на народот (YPG) соопшти дека нападите ѝ нанеле штети на Исламската држава, но дека во последните два дена се со помал ефект. Американската армија соопшти дека во петокот и во саботата извела девет воздушни напади против џихадистите во Кобани. Во нападите била погодена борена позиција на Исламската дражва и три помали единици, оштетен е еден команден центар и уништени се три камиона. Еден американски функционер во петок изјави дека сите луѓе веројатно ќе бидат погубени, доколку Кобани падне во рацете на Исламската држава, која веќе контролира големи делови во Сирија и Ирак, на кои прогласи „исламски калифат“.Висок чад се издигал во саботата над Кобане, а истрелите од разни оружја биле речиси постојани, пренесува репортерот на Reuters кој ја следи ситуацијата од турската страна на границата.Додека мнозинството од цивилното население веќе го напушти Кобане, 500 до 700 главно постари луѓе и натаму останаа во градот, а меѓу 10 и 13 илјади се во близина на граничната област меѓу Сирија и Турција, изјави високиот претставник на ОН за Сирија, Стефан де Мистура, предупредувајќи дека тие можат да бидат масакрирани.Курдски воен командант кој за Reuters зборувал од Кобане, изјави дека Исламската држава на боиштето донесла нови тенкови и артилерија, додека уличните борби го отежнуваат воздушните удари врз џихадисите. „Имаме проблем, а тоа се борбите меѓу куќите“, изјави Есмат ал-Шејк, командант на одбраната на Кобане.Воздушната кампања против Исламската држава во Ирак влезе во третиот месец, а во Сирија во третата седмица, но дури следната седмица во вторник воените шефови на антиџихадистичката коалиција на 21 земја која ја предводат САД ќе се соберат во Вашингтон да направат процена на стратегијата особено во поглед на трагедијата што му се заканува на Кобане./крај/мф/сн

Извор: AFP/Reuters