Рускиот министер за надворешни работи Сергеј Лавров во саботата навечер побара американска поддршка за рускиот предлог за хуманитарна помош на цивилните жртви во судирите во источна Украина, а американскиот претседател Барак Обама и британскиот премиер Дејвид Камерон по телефонскиот разговор објавија дека секоја руска хуманитарна мисија во Украина би била неприфатлива и незаконска, додека украинскиот претседател Петро Порошенко изјави дека е подготвен да прифати меѓународна хуманитарна помош, а бунтовниците се подготвени на примирје.

Шефот на руската дипломатија Сергеј Лавров го повикал американскиот државен секретар Џон Кери „за да ја истакне неопходноста од итните мерки за спречување на хуманитарната криза која директно му се заканува на југозападот на Украина“, каде што на повеќе стотици илјади жители на двата града Луганск и Донецк кои ги контролираат проруските бунтовници а четири месеци се под напад на украинската армија, се без електрична енергија, вода и секакви телекомуникациски врски, а недостигаат и храна и лекови, соопшти руското министерството за надворешни работи.Лаворов „ги повика САД да ја поддржат руската иницијатива за организирање хуманитарна мисија во југозападот (на Украина) во соработка со сите надлежни меѓународните тел“. Кери одговорил дека „токму на тоа работи во моментов со украинските власти“.Во Луганск локалните власти ја оценија ситуацијата како критична, имајќи предвид дека цела седмица во градот нема електрична енергија и вода, како последица од насочените бомбардирања на украинската армија. Исто така, се наведува и дека речиси нема и гориво и хранаРусија на вонредната седница во ОН во петокот предложи да биде организирана хуманитарна мисија или да се воспостават хуманитарни коридори за да му се помогне на цивилното население во источна Украина. Западот и Киев ја одбија оваа иницијатива дека наводно поради страв дека тоа ќе биде изговор за инвазија. САД притоа многу лесно го добија рускиот предлог за испраќање хуманитарна помош во Украина. „Секоја дополнителна руска интервенција во Украина би била сосема неприфатлива и би се сметала за инвазија на Украина“, изјави во петокот американската амбасадорка во ОН, Саманта Пауер.Истиот став во саботата навечер го повторија и американскиот претседател Барак Обама и британскиот премиер Дејвид Камерон, по меѓусебниот телефонски разговор. „Двајцата челници изразија голема загриженост поради информацијата дека руски воени возила ја минале границата и влегле во Украина, како и дека руските воени сили започнале вежби за ‘хуманитарна интервенција’“, соопшти кабинетот на премиерот на Велика Британија.„Премиерот и претседателот сосема јасно рекоа дека секоја таква наводна хуманитарна мисија би била неоправдана и нелегитимна“, се истакнува во соопштението.Подоцна во текот на ноќта американскиот претседател Обама на истата тема имал телефонски разговор со германската канцеларка Ангела Меркел при што заклучиле дека „секоја руска интервенција во Украина под изговор за хуманитарна помош е неприфатлива“ без изрична согласност на Киев. „Двајцата челници се согласија дека секоја руска интервенција во Украина, и а под ‘хуманитарен’ изговор е неприфатлива без јасно и официјални согласување на украинската влада, Со тоа би бил прекршен меѓународниот закон и би настанале дополнителни последици“, соопшти Белата куќа, очигледно алудирајќи на нови санкции против Москва. Се истакнува дека Обама и Меркел уште еднаш ѝ упатиле повик на Русија да се обиде на најде политичко решение на кризата. Претходно Киев изјави дека „спречил обид на Русија да испрати воени сили во Украина под изговор за мировна мисија со цел да испровоцира голем воен судир“, што Москва го отфрли карактеризирајќи го како „бајка“.Москва демантираше дека нејзини сили воопшто имале намера да влезат во Украина, за што всушност ја обвинува Киев. „Тешко ни е да разбереме што е намерата на Киев. Немаше никаков обид на руските сили да влезат на украинската територија“, порача Дмитриј Песков, портпаролот на Кремљ.Во меѓувреме украинскиот претседател Петро Порошенко во телефонскиот разговор со германската канцеларка Ангела Меркел соопшти дека е подготвен да прифати меѓународна хуманитарна мисија во источниот град Луганск, но под услов да биде меѓународна, невооружена и да минува преку граничните премини кои ги контролира Киев. За тоа Порошенко веќе разговарала со претседателот на Меѓународниот комитет на Црвениот крст (ICRC) Петер Маурер и со други меѓународни, партнери, соопшти неговиот кабинет. Подготвени сме да прифатиме хуманитарна помош, доколку таа мисија биде меѓународна, без никаква воена придружба и доколку минува преку граничните премини кои ги контролираат украинските граничари“, истакнува Порошенко во соопштението.Проруските бунтовници соопштија, пак, дека се подготвени на прекин на огнот со киевската влада. „Спремни сме за прекин на огнот за да се спречи ширењето на хуманитарната катастрофа во Донбас“, изјави Александр Захарченко, етнички Украинец кој пред две дена стана премиер на самопрогласената Народна Република Донецк, во соопштението за ситуацијата во областа каде што се водат борби.Предупреди дека Донецк, важен индустриски центар и средиште на отпорот на бунтовниците со над милион жители, се соочува со недостиг од храна, вода и електрична енергија, но истакна дека бунтовниците се подготвени да гои бранат градот по секоја цена.„Во случај на напад на градот бројот на жртвите е биде многу голем. Немаме хуманитарни коридори. Нема резерви на лекови… и резервите на храна се при крај“, изјави Захарченко.Украински функционери оценувајќи дека станува збор за слабост на бунтовниците одговорија дека се подготвени на прекин на огнот, но под услов бунтовниците да го положат оружјето, што сигурно ќе биде одбиено. Украинската армија тврди дека постепено го стега обрачот околу двата бунтовнички града Донецк и Луганск, но сѐ уште не може да ја пресече територијата со кои тие се поврзани./крајмф/сн

Извор: Макфакс