Египетските власти уапсиле двајца вработени на меѓународниот аеродром во летувалиштето Шарм-ел-Шејк, осомничени дека им помагале на терористите да ја подметната бомбата во рускиот патнички авиони кој на 31-ви октомври се урна на Синајскиот полуостров, објави во вторникот Reuters повикувајќи се на египетски безбедносни извори, откако претходно Москва потврди дека причината за најголемата воздухопловна трагедија во историјата на руската и советска цивилна авијација со 224 жртви е терористички напад.
 

Египетските власти уапсиле двајца вработени на меѓународниот аеродром во летувалиштето Шарм-ел-Шејк, осомничени дека им помагале на терористите да ја подметната бомбата во рускиот патнички авиони кој на 31-ви октомври се урна на Синајскиот полуостров, објави во вторникот Reuters повикувајќи се на египетски безбедносни извори, откако претходно Москва потврди дека причината за најголемата воздухопловна трагедија во историјата на руската и советска цивилна авијација со 224 жртви е терористички напад.

„Биле приведени вкупно 17 луѓе, двајца од нив им помогнале на лицата коишто ја поставиле бомбата во авионот во Шарм-ел-Шејк“, рекол еден од соговорниците на Reuters.

Но министерството за внатрешни работи на Египет ја негира информацијата за наводното апсења на двајца осомничени аеродромски службеници. „Таа информација воопшто не одговара на вистината“, соопштиле од службата за односи со јавноста на министерството.

Во меѓувреме електронското издание на весникот Al Ahram повикувајќи се на извор во министерството за воздухопловство на Египет, пренесува дека официјален Каиро не добил потврда од Москва дека причината за уривањето на рускиот патнички авион „Airbus A321A“ над Синај бил терористички чин.

Наспроти тоа, соговорникот на весникот рекол едека египетските власти ја водат истрагата за несреќата и сé уште немаат докази кои би ја потврдиле верзијата за терористички чин.

Меѓународниот тим иследници коишто го водат египетски стручњаци, а во кој се уште експерти од Русија, Франција и Ирска, уште не нашол докази за подметната бомба во рускиот патнички авион, рекол за Reuters друг претставник на египетското министерство за воздухопловство.

„Досега тимот што ја води истрага не најде никакви докази коишто би ја потврдиле теоријата дека авионот експлодирал како резултат на терористички чин“, рекол функционер кој сакал да остане анонимен.

По објавата на Кремљ за заклучокот на руската Федерална служба за безбедност (ФСБ) оти причината на падот на авионот е експлозија на импровизирана направа, портпаролот на британското министерство за надворешни работи за агенцијата ТАСС изјавил дека британскиот премиер Дејвид Камерон уште на 5-ти ноември на рускиот претседател Владимир Путин но ги дал доказите врз чијашто основа Лондон дошол до заклучокот за терористички напад како причина за падот на рускиот патнички авион над Синај.

Претходно во вторникот шефот на ФСБ, Алесандр Бортников, на средбата во Кремљ со рускиот претседател Владимир Путин и другите високи функционери објави дека станува збор за „терористички чин“.

„Недвосмислено може да се каже дека станува збор за терористички чин“, ми соопштил Бортников на Путин, се наведува во соопштението на Кремљ, „Во текот на летот импровизирана била активирана експлозивна направа со моќност еквивалентна на килограм тротил била“, истакнал челникот ФСБ.

Бортников рекол дека на остатоците од авионот се пронајдени траги од експлозив. Експлозијата на бомбата го разнела авионот во воздухот, половина час по полетувањето и на височина од над 9,400 метри, и тоа е причината поради којашто неговите делови се пронајдени на толку голема површина, како што претходно беше соопштено во радиус од 12 до 16 километри, рекол Бортников.

Рускиот претседател ветил на состанокот „дека ќе бидат пронајдени и ќе бидат казнети одговорните за нападот, на која и да е точка на планетата да се кријат“, за падот на рускиот авион за кој веднаш одговорноста ја презема Исламската држава.

„Болката за загубата нема да нé спречи да ги пронајдеме поединечно и да ги казниме злосторниците. Ќе ги најдеме на која да е точка на планетата и ќе ги казниме“, додал Путин на состанокот ко се одржувал до рано утрото во вторникот со високите воени функционери и тајните служби, како и шефот на дипломатијата Сергеј Лавров.

Руското воено воздухопловство ќе ги интензивира ударите врз џихадистите во Сирија, во врската со овие сознанија, најави во вторникот Путин.

„Воената операција на нашата авијација во Сирија не само што мора да продолжи, туку и да се интензивира за злосторниците да сфатат дека казната е неизбежна“, порачал рускиот претседател./крај/мф/сн

Извор: Макфакс