Раперот, хакерот и врбувачот на терористи познати како The Betales, останува само уште да се дознае кој од овие тројцата е „Џон“ којшто со сопствени раце пред камерата во името на џихадистичката групација Исламска држава го обезглави американскиот новинар на агенцијата AFP Џејмс Фоли, пишуваат во саботата британските медиуми.

Претходно седмицава милитантите од сунитската џихадистичка група Исламска држава, на интернет поставија видео материјал на кое маскиран припадник на движењето врши свирепа егзекуција на 40-годишниот американски новинар Џејмс Фоли грабнат на 22-ри ноември 2012 година во Сирија во близина на границата со Турција. Џихадистот на снимката им се обраќа на САД и вели дека тоа е одмазда на воздушните удари врз позициите на групата во Ирак. Разузнавачките агенции анализирајќи ја автентичноста на снимката со помош на експертите за лингвистика дојдоа до заклучокот дека припадникот на Исламската држава кој се претстави како „Џон“ заканата ја изрекува на англиски јазик со специфичен акцент што покажува дека тој е роден во Лондон или во југоисточна Англија. Претходно седмицава оваа информација ја потврди и британскиот премиер Дејвид Камерон.Според податоците на американското Федерално биро за истраги (FBI) и британските MI5 и Скотланд јард, коишто ја водат истрагата, џелатот на Фоли припаѓа на тројката терористи од британско потекло, коишто себеси се нарекуваат „The Beatles“, пишува весникот The Daily Mail. Тројката којашто е вклучена на листата осомничени, имаат сличен глас и акцент, раст и други препознатливи белези, според кои се трага по „Џон“. Сите тие имаат нешто повеќе од 20 години, и исто така сите тие, според разузнавачките служби, се борци на Исламската држава.Најмногу веројатност дека е извршителот на снимката се дава за 23-годишно момче по име Абдул-Маџид Абдел Бари. Тој порано работел како музичар, рап изведувач, чија музика често била емитувана на британското Radio 1. Бари го напуштил својот дом во западен Лондон во вредност од милион фунти, изјавувајќи дека „остава сѐ поради Алах“. Потоа тој повеќепати на Twitter објавувал за своите „воени подвизи“. На микроблогот објавил и своја фотографија на којашто во рацете држи отсечена глава на сириски војник.Печатената верзија на британскиот дневен весник The Sun објави дека според експерти гласот и говорот карактеристични за изразот на Бари практично целосно се совпаѓаат со гласот на мажот кој го обезглави Фоли. Според оперативните разузнавачки сознанија, тој е во моментов лидер на британското џихадистичко трио „The Beatles“ кое исто така се нарекуваат и „Лавови“.Вториот осомничен е Абу Хусеин ал-Британи, со вистинско им Џунаид Хусеин, кој потекнува од англискиот град Бирмингем. Во 2012 година тој бил притворен за кражба на лични информации на поранешниот британски премиер Тони Блер. Притоа бил ослободен со кауција и побегнал во Сирија. Според разузнавачите, тој им помага на џихадистите да вршат кибернетички напади врз мрежите на британските банки и политичарите. И тој на интернет објавувал фотографии на кои е вооружен со „калашников“.Третиот осомничен е Абу Абдула ал-Британи, која активно ги користел социјалните мрежи за врбување млади лица да им пристапуваат на џихадистите. Весникот The Times пишува дека тајната британска служба MI5 дошла до него најмногу благодарејќи на информациите на интернет. Покрај тоа, специјалниот компјутерски софтвер кој го користи британското разузнавање потврдило големо ниво на веројатност дека гласот на „Џон“ е токму неговиот.Како што пишува уште The Daily Mail, британските полициски и разузнавачки служби имаат намера да направат пребарувања на домовите на неколку британски државјани, за попрецизно да се идентификуваат џихадистите. Во Велика Британија, исто така, дошла и поголема група експерти на FBI кои ќе помагаат во истрагата на британските колеги./крај/мф/сн

Извор: Макфакс