Интернет страницата на руската телевизија на англиски јази RT објави документи за кои се тврди дека се на екстремната сунитска групација Исламската држава најдени кај нејзини заробени борци, кои наводно укажуваат за нафтените зделки на исламистите извозот во Турција.

Во прилогот се зборува дека документите, какви што пред повеќе месеци објави еден офицер на опозицската сунитска војска, паднале во рацете на припадниците на курдската милиција Единици за заштита на народот (YPG) кои ги заробиле борците на Исламската држава во текот на борбите за градот Шадади во северна Сирија, а потоа предадени на дописникот на телевизијата RT кој снимал прилог во областа. Курдската милиција, исто така, заробила џихадистички борци од Турција, Саудиска Арабија и други земји, кои раскажале за врските што Исламската држава ги имала во соседна Турција.

Градот Аш-Шадади, е еден од најголемите нафтоносни јазли во североисточна Сирија, а во него екипата на RT влегла само неколку дена откако курдската милиција ги потисна од него џихадистите.

„Повеќето снимки се направени во Шадади, град со околу десет илјади жители. Борците на Исламската држава се полекувале брзо, оставајќи зад себе многу работи, вклучително и важни документи коишто потоа ние ги пронајдовме“, вели режисерот на RT, чие име не се открива поради безбедносни причини.

Кога курдските борци на YPG започнале со настапувањето, џихадистичките борци многу брзо започнале да се повлекуваат Шадади, и во таа брзина оставиле многу лични предмети, документи за идентификација, документи на Исламската држава, па дури и војнички цокули, се вели во прологот. „Во некои станови дури најдовме и делови од брадите кои ги бричеле, бидејќи бегајќи милитантите се облекуваа во цивилна облека“, вели режисерот.

Сепак, некои од бунтовниците биле заробени од курдските единици, коишто сега се главни сведоци за начинот на кој е организирана и на кој функционирала Исламската држава во Сирија.

Меѓу другите, бил заробен и борец од турско потекло, кој рекол дека мнозинството од исламистите кои доаѓаат во редовите на Исламската држава минуваат низ територијата на неговата земја. Но, како што се вели во прилогот, потврдил дека ниту властите ниту пограничните служби не им правеле пречки.

„Кога ја минував границата, беше околу 10 часот утрото. Никој не нé запра. Без проблеми ја минавме границата“, изјави заробениот турски борец. Според неговото сведочење во документарниот филм, на границата има распоредени многу турски војници, но тие не го попречуваат протокот на оние кои сакаат да ѝ се приклучат на Исламската држава.

„Ова е важна област од воен аспект гледно. Но при преминувањето на границата никој не нé попречуваше“, вели заробеникот во исечокот од филмот.

Според него, најверојатно тоа е така затоа што Турција ја користи Исламската држава за свои цели. „Турција и Исламската држава имаат ист непријател – YPG (курдските Единици за заштита на народот). Турција самата не сака да ги валка рацете во тоа, сака да се ослободи од својот непријател со туѓи раце“, смета заробениот исламист.

Како потврда дека странските џихадистичките борци слободно ја преминувале територијата на Турција курдските борци на новинарите им покажале пакет со запленети пасоши на лица од различни земји – Либија, Тунис, Бахреин, Казахстан па и од Русија.

На снимките на RT се прикажани пасоши на луѓе со престојувалишта во Сратовската и Волгоградската област, во Дагестан, вклучително и на жени. Во сите тие пасоши имало штембил за влез во Турција.

Овие документи, вклучително и спомнатите руски внатрешни и надворешни пасоши, паднале во рацете на курдските борци од YPG откако го заземале Шадади. Според нивните претпоставки, станува збор за документи кои морале да ги предадат при пристапувањето на Исламската држава, и оти тие веројатно веќе се мртви.

Тој, исто така, сведочел и дека Исламската држава продава нафта во Турција во толкав обем „што тоа не може да остане незабележано“ од турските власти.

„Се тргува со нафта, тоа точно го знам… Покрај тоа, тие (Турците) заменуваа со Исламската држава прехранбени продукти и други неопходни продукти. Исламската држава е под ембарго и не ѝ е едноставно да набавува храна. Потоа им се укажува и помош во снабдувањето со пари, оружје, муниција. Помош од таков вид. И сето тоа се прави отворено“, вели наводниот турски борец.

Дека производството и продажбата на нафтата од страна на Исламската држава се водела на индустриско ниво и професионално, покажуваат и запленетите документи, се вели натаму во прилогот. Меѓу нив во инсертите се прикажуваат формулари на ткн „Одделот за нафта и гас на министерството за природни ресурси на Исламската држава“ за нафта, која била испратена во јануари 2016 година со цистерни.

Доколку се веродостојни тие документи, возачите ја купувал нафтата од Исламската држава по цени од 12 до 26 долари за барел. Пратките оделе од наоѓалиштата Кабиба, Режура, Макхул и Ал-Хејир. Се цитира еден документ кој е датиран од 23-ти јануари годинава од нафтоносното поле Кабиба биле продадени 383 барели по цена од 13 долари по барел, вкупно 4.979 долари.

Уште еден документ, официјален допис за прием на работа на споменатото ткн Министерство, во вилаетот (покраината) Ал-Барака за два нови инженера, е прикажан во прилогот. Овој документ многу прецизно и подробно ги опишува должностите на новите лица, поправка на опрема, оштетена во воздушни удари, поставување нови нафтоводи итн. Вкупно во оваа област во канцеларијата „министерството“ имало 17 „вработени“ меѓу кои и пет надзорници и неколку работници.

Според најавата, во RT сега ги монтираат материјалите од нивните истражувања во документарен филм, кој ќе биде завршен за околу еден месец./крај/мф/сн

Извор: РИА Новости