Американската влада ги снабдуваат радикалните исламистички групи во Ирак и во Сирија, со софтвер кој тие го користат во подготовката на терористичките напади, објави во саботата иранската телевизија за англиското говорно подрачје Press TV повикувајќи се на локални извори.

Според прилогот, помошта на бунтовниците од страна на САД се врши со посредство на Одделот за поддршка на сириската опозиција.Во моментов припадниците на повеќе екстремистички групи, како на пример ат-Такфир вал-Хиџра, сѐ почесто прибегнуваат кон современите средства за комуникација, вклучително и користењето на социјалните мрежи. Од друга страна, како што објави телевизијата, САД ги снабдува терористите со софтвер кој им овозможува да користат анонимен пристап до ресурсите на интернет.Американскиот политички аналитичар Ренди Шорт за Press TV изјави дека радикалната сунитска џихадистичка група Исламска држава (IS – порано Исламска држава во Ирак и на Левантот – ISIL), која веќе воспостави контрола над повеќе градови и стратешки места во северниот дел на Ирак, исто така, е направена по замисла на западните земји. Претходно иранскиот заменик министер за надворешни работи, Хосеин Амир Абдолхијан, исто така, тврдеше дека финансиската поддршка што САД ја доделуваат за сириската сунитска опозиција, доаѓа во рацете на екстремисите. Според него, движењето ISIL се формирано во Сирија со американска помоши и во Ирак каде што на власт се мнозинските шиити, ја игра истата улога на најсилен противник како и во Сирија каде што се бори против владините сили на претседателот Башар ал-Асад, кој потекнува од алавитската заедница, која е огранок на исламскиот шиитизам.„САД се обидуваат да го искористат ISIL, кој го создадоа САД, Велика Британија, Франција, Саудиска Арабија и Турција … како средство да се ослободи од актуелната власт во Ирак“, вели уште еден американски аналитичар, Вебстер Грифин Тарпли, во прилогот на иранската телевизија.„Американската позиција е дека ISIL е крајот на светот, но мораме да го истераме (ирачкиот премиер Нури ал-) Малики надвор од власта, во спротивно нема да добиеме ништо“, додава Тарпли.Според него, многу е сомнително што американската влада одбива да преземе конкретна акција против милитантите од ISIL во Ирак и покрај нејзината наклонетост да употребува воена сила каде и да е во светот.„САД никогаш не се стеснуваат да бомбардираат други земји. Тие радо го повлекуваат орозот и пукаат од колк. Во овој случај имаме интересна противречност, од една страна, зборуваме дека ISIL е крајот на светот, тоа е катастрофа, едноставно апокалипса, но, истовремено, нема бомбардирање“, вели Трапли. Меѓуконфесионалните нетрпеливости кои започнаа минатата година, кои во Ирак имаат историски корени од антагонизмот меѓу мнозинските шиити и сунитското малцинство, кулминираа на почетокот од јуни кога џихадистите од ISIL помогнати од другите сунитски бунтовнички групи составени од поранешни офицери во армијата на ликвидираниот диктатор Садам Хусеин, заземаа големи делови од земјата вклучително и значајни градови, како Тикрит и вториот по големина град Мосул.Ирачките сили кои во првите напредувања на бунтовниците се најдоа пред распад откако бунтовниците се заканија со напад врз главниот град Багдад, засилени со илјадници доброволци од шиитската заедница почнаа да преземаат операции за враќање на контролата во загубените покраини.Во вторникот мисијата на Обединетите нации соопшти дека во текот на насилствата на јуни загинале 2.417 Ирачани, што го прави најсмртоносниот месец досега во 2014 година. Исто така, повеќе од милион луѓе се раселени во Ирак./крај/мф/сн

Извор: Press TV