Меѓународната заедницата во неделата на донаторската средба во египетската престолнина во Каиро вети 5,4 милијарди американски долари за палестинската енклава Појасот Газа која беше речиси целосно разорена во педесетодневната војна со Израел ова лето, а САД побраа од Израелците и од Палестинците со целосна сериозност да се вратат на мировните преговори.

Катар на меѓународната конференцијата за обновување на Газа вети далеку најголема донација од милијарда долари. САД, пак, најавија „моментална помош“ од 212 милиони од вкупно 400 милиони долари во следната година, додека Европската унија ќе донира 450 милиони евра.Педесетина земји и меѓународни организации чии претставници учествуваа на конференцијата во Каиро „ветија приближно 5,4 милијарди долари (4,3 милијарди евра)“, од што половината за обновување на Газа, коишто ќе ги уплатата „што побрзо“, изјави норвешкиот министер за надворешни работи Берг Бренде, чија земја заедно со Египет беше коорганизатор на конференцијата. Но не наведе за што ќе биде потрошена втората половина од ветената помош.Американскиот државен секретар Џон Кери беше многу решителен на оваа донаторска конференција и порача дека „меѓународната заедница е подготвена да финансира, но дека нема повеќе да се задоволува со примирје. Треба да продолжат мировните преговори“ започнати 2013 година, кои пропаднаа во април, порача шефот на дипломатијата на САД. „Оваа конференција треба да обезбеди не само пари, туку и ново ветување од сите страни дека ќе работат на мирот (…). Сѐ друго ќе биде инаку само привремено, а не долгорочно решение“, рече Кери.Претседателот на палестинската самоуправа, Махмуд Абас, оцени дека енклавата којашто трипати војуваше во последните шест години, ѝ е неопходна помош од 4 милијарди долари.Како што пренесуваат агенциите, и генералниот секретар на ОН, Бан Ки-мун бил многу остар, велејќи дека населението во енклавата „очајнички сака да види резултати во своето секојдневие“. „Повторно сме тука“, рекол потсетувајќи дека во 2009 година меѓународната заедница во Египет ја одржа првата донаторска конференција за Газа. „Циклусот на изградба и разорување продолжува и сѐ е полош“, се пожали челникот на светската организација.Бан притоа најави дека во вторник ќе отпатува во Газа во прва посета од војната ова лето. Таму ќе допатува директно од Каиро. „Во вторникот ќе ја посетам Газа за директно да ги слушнам луѓето“, изјави Бан на прес-конференцијата.Меѓународната заедница очекува од Израел да попушти со блокадите кои пред осум години ги наметна на Појасот Газа.Палестинскиот челник Махмуд Абас на конференцијата во Каиро го повика Советот за безбедност на ОН да донесе обврзувачка резолуција којашто би одредила временска рамка за воспоставување на палестинска држава. Нагласи дека меѓународната заедница треба да обезбеди „сериозни преговори“ кои би овозможиле конечно решение на палестинското прашање.Израелскиот министер за надворешни работи Авигдор Либерман порача по тој повод дека Израел е неопходниот фактор на обновувањето на Појасот Газа, иако неговите претставници не беа повикани на донаторската конференција во Каиро. „Газа не може да биде обновена без соработка и учество на Израел“, изјави Авигдор за израелските медиуми.Израел, кој Појасот Газа ја држи во строга блокада од 2006 година, може дефакто да спречи но и да го олесни доставувањето на помош на палестинската енклава, Израелските власти бараат гаранција дека исламистичкото палестинско движење Хамас кое ја контролира Газа, нема да ја искористи меѓународната помош во воени цели. Хамас и другите палестински фракции кои учествуваа во војната ова лет, исто така, не беа повикани на донаторската конференција во Каиро./крај/мф/сн

Извор: AFP/Reuters