Повеќе од една година по исчезнувањето на 43 студенти во јужно Мексико, градоначалникот на градот во кој се најдени полујагленосани тела уапсен е заедно до водачот на бандата осомничена за нивното убиство, пишуваат во петокот локалните медиуми.

Адан Касарубиас, водач на бандата Гуерерос Унидос (Обединети воини), е уапсен во операција која ја извеле полицијата и војската во градот Куернавака. Со негов во друштво бил и градоначалникот на Кокула, Ерик Улисес Рамирез, кој исто така е уапсен, како и еден пратеник во мексиканскиот конгрес од левичарската Партија на демократската револуција, на којашто ѝ припаѓа и градоначалникот Рамирез.Во градот Угуала, близу Кокула, 43 студенти на учителската школа исчезнаа на 26-ти септември 2014 година. Досега со анализа на ДНК се идентификувани останки на само еден студент. Не се знае што навистина се случило со студентите кои дошле да протестираат во градот Игуала. Според верзијата на настаните којашто ја изнесе мексиканската влада, студентите биле уапсени од полицијата во Игуала, а биле убиени до членовите на Гуерерос Унидо, кои ги изгореле нивните тела и ги фрлиле на ѓубриште. Семејствата на исчезнатите и експерти не се согласуваат со оваа верзија, и бараат нова истрага.На 29-ти септември исчезнаа 43 студенти од Атцојинапе кои претходните денови, на 26-ти септември, дошле да протестираат во Игуала и да собираат финансиска помош, а по завршување на протестот тргнале кон своите домови со автобуси на јавниот транспорт. Според искази на очевидци, врз автобусите пукале полицајци и вооружени мажи припадници на нарко картелот Гуерерос Унидос, и потоа студентите ги одвеле во непознат правец.Мексиканска полиција од сојузната држава Гереро ги објави нивните фотографии и понуди награда од милион пезоси за информации кои би довеле до сознанија за исчезнатите студенти. Опишувајќи ја сојузната истрага како едена од најкомплицираните, обвинителот  опиша што се случувало со студентите од учителската школа во Ајотсинапи. Жртви се мажи повеќето во 20-те години од животот кои оделе на колеџот и со автобуси и комбија оделе на протестите во Игуала на протестот против финансиските тешкотии во кои било нивното училиште.Учителската школа е стара 80 години и е позната како левичарски бастион, а нејзините студенти се познати по активизмот.Обивинителството минатиот ноември објави дека тројца мажи, уапсени во врска со нивното исчезнување, признале дека погубиле голем број лица за кои се верува дека се исчезнатите студенти. Според нивните искази, полицајците ги предале жртвите на тројца мажи кои припаѓаат на нарко картелот Гуерерос Унидос.Мексиканската полиција ги уапси поранешниот градоначалник на Игуала кој беше во бегство, Хозе Луис Абарка, и неговата сопруга, осомничени дека го поттикнале нападите во коишто шест лица се убиени а исчезнаа 43 студенти, во аферата која со месеци наназад го потресува Мексико и ги доведува во тешка ситуација тамошните власти.Истрагата покажала дека градоначалникот, кога дознал дека студентскиот протест ќе попречи еден негов официјален јавен настан, му наредил на началникот на полицијата во Игуала, Фелипе Флорес Веласкез, да ги сопре демонстрантите. Шефот на полицијата кој во меѓувреме беше суспендиран и сменет, сѐ уште се наоѓа во бегство.Властите досега уапсиле повеќе од 80 лица во врска со исчезнатите студенти. Обвинителството на прес-конференција ги прикажа снимките од признанието на тројцата криминалци, фотографии на местата за одложување отпад на кој телата се запалени и графички и видео прикази на отстранувањето на останките.Грабнувањето на студентите предизвика протести во целата земја и сериозно ја поткопа вербата во ветувањето на претседателот Енрико Пења Нето дека Мексико во текот на неговиот мандат ќе стане побезбедна земја./крај/мф/сн

Извор: Reuters