Адвокатот на американскиот милијардер Роберт Дарст, кој случајно признал три убиства коишто со години беа нерешени, изјави дека неговиот клиент е невин и е подготвен да се соочи со судот, пренесуваат американските медиуми.

Американскиот милијардер Роберт Дарст, чие семејство е сопственик на неколку капитални недвижности на њујоршки Менхетен беше уапсен во саботата под обвинение за убиство во Њу Орлеанс, во сојузната држава Луизијана. Беше приведен по налог за апсење од обвинителот од Лос Анџелес, додека влегувал во хотел во Њу Орлеанс во кој бил пријавен под лажно име.

Дарст бил снимен како вели „ги убив сите“ во документарниот филм за неговата поврзаност со три нерасветлени убиства, на неговата прва сопруга Кетлин Дарст, на пријателката Сјузен Берман и на повозрасен сосед Морис Блек.

Во 2001 година Дарст беше уапсен во Галвстон, во Тексас, каде што живееше во тој период, под обвинение за убиство на неговиот сосед. Сепак, бизнисменот успеа во 2003 година да ја убеди поротата дека тој дејствувал во самоодбрана и ја избегна долгогодишната затворска казна.

Сега 71-годишниот Роберт Дарст е осомничен за вмешаноста во убиството во 2000 година на својата пријателка Сјузен Берман, како и за исчезнувањето на неговата прва сопруга Кетлин Дарст во 1982 година. Тој беше осомничен за исчезнувањето на сопругата, но во истрагата тврдеше дека последен пат кога е видел само ја испратил на воз.

Минатата седмица медиумите пишуваа дека обвинителството на Лос Анџелес повторно ја отворила истрагата за убиството на Сјузен Берман, а сега истражителите издале налог за апсење на Дарст. Обвинителите го поврзаа со убиството на Берман којашто наводно знаела некои за него опасни поединости во врска со исчезнувањето на сопругата на Дарст. Но за ова убиство никогаш против него немало доволно докази.

Самиот милијардер изјавуваше дека нема „ниту најмалку претстава“ за тоа кој би можел да ја убие неговата пријателка и не знае што се случило со неговата прва сопруга.

Во неделата бизнисменот беше обвинет за убиство. Во понеделникот беше изведен пред судија во Њи Орленас и прифати да биде префрлен во Лос Анџелес, каде што треба да му се суди за убиството на Берман од 2000 година.

Адвокатот Чип Луис смета дека апсењето на Дарст е спроведено во координација со екипата на документарецот на телевизијата HBO „Проклетство: Животот и смртта на Роберт Дарст“(The Jinx: The Life and Deaths of Robert Durst) во чијашто последна епизода емитувана во неделата навечер, Дарст случајни ги признава трите убиства. „Тоа е тоа, фатен си“, си рекол самиот себеси додека микрофонот по интервјуто му останал вклучен. „Што, поп ѓаволите, сторив? Ги убив сите, секако“, се слуша на снимката. Според снимателската екипа, тој и натаму го носел вклучениот микрофон во бањата од хотелскиот апартман по завршувањето на снимањето на интервјуто.

Во 2001 година Дарст беше уапсен во Галвстон, во Тексас, каде што живееше во тој период, под обвинение за убиство на неговиот сосед. Сепак, бизнисменот успеа да ја убеди поротата дека тој дејствувал во самоодбрана и ја избегна долгогодишната затворска казна.

Според магазинот Forbes, богатството на Дарст се проценува на 4,4 милијарди долари. Семејството на бизнисменот поседува 11 деловни изгради на Менхетен. Покрај тоа, сопственик е и на 10 отсто од акциите на облакодерот на Светскиот трговски центар – 1, изграден на местото од „кулите близнаци“, урнати во терористичките напади од 11-ти септември 2001 година./крај/мф/сн

Извор: Макфакс