Ширум светот милијарди луѓе го славена во средата навечер раѓањето на Исус Христос, според грегоријанскиот календар, а челникот на Римокатоличката црква, папата Франциск во Ватикан ги повика верниците да му дозволат на Господ да влезе во нивните животи и да им помогне да се борат против темнината.

Во Витлеем, местото каде што се родил Исус Христос, се собраа повеќе илјади христијански верници а полноќната литургија во црквата на Исусовото раѓање ја предводеше латинскиот патријарх Фуад Твал, главниот католички поглавар во Светата земја. Тој ги повика муслиманите, евреите и христијаните да „живеат заедно како рамноправни со меѓусебно почитување“.

Во својата беседа, патријархот Твал повика на „мир во Ерусалим“ каде што судирите меѓу Палестинците и Израелците продолжуваат со месеци. Повика на обновување на палестинската енклава Појасот Газа, којашто годинава беше разорена од 50-дневната војна меѓу исламистичкото движење Хамас и Израел во која вкупно загинаа 2.200 луѓе.

На прославувањето присуствуваше и палестинскиот претседател Махмуд абас, кој повика на ставање крај на теророт и екстремизмот. „Овој Божик испраќаме посебна порака до светот, а таа „Сé што сакам за Божик е правда“, изјави Абас пред полноќната литургија.

Во Витлеем пристигна и мала група христијани од Газа која беше дочекана со силни емоции. Тие добија дозвола да минат преку територијата на Израел на патот кон другата палестинска енклава – Западниот брег. Таму Витлеем годинава особено беше украсен а на божикната елка на главниот плоштад лампионите беа црвени, црни и бели, боите коишто се застапени на палестинското знаме. Дедо Мраз делеше колачиња, а се пееја и божикни песни.

Токму на христијаните кои годинава на Блискиот исток се соочија со одамна невидени прогони и крвопролевања, папата Франциск испрати обемно писмо. „За многумина од вас, божикните песни ќе ги следат солзи и воздишки“, се истакнува во писмото. На литургијата на Плоштадот свет Петар во Ватикан пред околу 5.000 верници, рече дека Божик е време да се потсетиме на Божјата порака на мирот. „Прашањето коешто новородениот син Божји ни го поставува ’Му дозволувам ли на Бога да ме сака? Имаме ли храброст со нежност да ги прифатиме блиските лица кои се соочуваат со тешкотии и со проблеми, и колку на денешниот свет му е потребна нежност“, рече поглаварот на Римокатоличката црква. Папата Франциск предупреди и на проблемот со рамнодушноста едни кон други, кога секој мисли само на себе, и недостиг од топлина на меѓучовечкиот однос.

Пред мисата во базиликата на свети Петар, Папата телефонски разговараше со христијанските бегалци во логор во северен Ирак, крај градот Ербил., главниот град на автономната покраина ирачки Курдистан. Таму илјадници христијани се засолнаа од прогонот на џихадистите од Исламската држава.. „Вие сте како Исус во ноќта на раѓањето, присилени на бегство. Вие сте како Исус во таа ситуација, а тоа значи дека за вас уште понизно да се молиме. Драги браќа, ја сум со сето срце крај вас. Нега Господ во удели благост“, рекол папата во телефонскиот разговор, според италијанските католички медиуми.

Овој Божик е особено тежок за околу 150.000 христијани прогонети од Ирак коишто живеат во трагична ситуација, без никакво предлог кој во краток рок би ја решил нивната ситуација, потсети Папата. Во јасната алузија на Исламската држава, папата Франциск, ја изрази загриженоста пред „терористичката организација“ којашто брутално прогони многумина „од нивната сопствена земја во којашто христијаните се присутни од апостолските времиња“.

Божикниот период во Франција беше одбележан со серија напади, од кои најмалку еден е поврзан со исламскиот тероризам, при што загина едно лице а 25 беа повредени. САД, пак, се соочуваат со обновениот гнев, откако во вторникот, повторно во Сент Луис, бел полицаец уби црн тинејџер.

Иранскиот претседател Хасан Роухани им посака среќен Божик на Папата и другите светски челници, повикувајќи ги на соработка со којашто „би се ширел мирот и благосостојбата во светот“. На Куба, божикните прослави коишто со децении беа забранувани од страна натамошниот комунистички режим, се одвиваат во атмосферата на приближувањата на односите со САД.

Во Австралија утрото на Божик свештениците во храмовите ги споменуваа неколкуте трагедии кои ја потресоа земја, вклучително и последната заложничка драма во кафулето во Сиднеј, како и несреќите на малезиската воздухопловна компанија „Malaysia Airlines“ на летовите MH370 и MH17./крај/мф/сн

Извор: Макфакс