Милиони шиити во светот, а повеќе стотици илјади аџии во ирачкиот свет град Кербала во вторникот ја прославуваат Ашура, најважниот шиитски верски празник кога на годишната церемонија која низ вековите го симболизира вечниот и непоколеблив став на вистината против лагата и борбата на човекот против неправдата, тиранијата и угнетувањето, поради што и имамот Хусен, третиот шиитски имам, го положил животот.
 

Милиони шиити во светот, а повеќе стотици илјади аџии во ирачкиот свет град Кербала во вторникот ја прославуваат Ашура, најважниот шиитски верски празник кога на годишната церемонија која низ вековите го симболизира вечниот и непоколеблив став на вистината против лагата и борбата на човекот против неправдата, тиранијата и угнетувањето, поради што и имамот Хусен, третиот шиитски имам, го положил животот.

Во градот Кербала, 110 километри јужно од ирачката престолнина Багдад, ирачките безбедносни сили се масовно распоредени за да ги заштитат „стотиците илјади верници кои дојдоа од цел Ирак, Иран, арапските и други земји да учествуваат во прославите“, изјави гувернерот на покраината Акли ал-Турахи.

Во вторникот од утрото не е забележан ниеден посериозен инцидент во Кербала. Прославата кулминира во вторникот, а во минатото беа одбележани со смртоносни напади врз шиитските верници. Претходните денови процесиите на овие верници беа цел на напади со бројни жртви од страна на екстремните сунитски групи во цел Ирак, вклучително и главниот град Багдад, во Нигерија и во Саудиска Арабија.

Годинава заканата е уште поголема бидејќи сунитските џихадисти од Исламската држава, коишто шиитите ги сметаат за еретици, заземаа големи области од ирачката територија, меѓу кои е и областа јужно од Багдад, недалеку од автопатот кој главниот град го поврзува со Кербала.

Аџилакот годинава претставува годинава и голем тест за владата на новиот ирачки премиер Хајдар ал-Абади, како и за безбедносните сили кои тешко ги враќаат областите кои ги загубија во судирите со џихадистите.

На крајот од ноември или почетокот од декември шиитските муслимански верници почнуваат со славењето на празникот Ашура, годишнината од смртта на имамот Хусеин, внукот на пророкот Мухамед. Во муслиманската традиција, на денот на Ашура верниците се потсетуваат на најзначајните настани од религиозната историја на муслиманите: создавањето на небесата, земјата и морето, раѓањето на Адем (Адам); излегувањето на пророкот Нух (Ное) од ковчегот; одлуката на пророкот Ибрахим (Авраам) да го жртвува својот син Исмаил (во библиска традиција – Исак), ставање крај на страдањето на пророкот Ајуб (Јов); спасението на Муса (Мојсеј). На овој ден, шиитите организираат процесии во кои учесниците се удираат со тупаници во градите како и нанесувајќи си повреди со удари со синџири и со остри предмети. Самоказнувањето е персонификација на посветување на верните, еден вид барање искупување за вината за неуспехот да се заштити од смртта имамот Хусеин.

Имамот Хусеин и неговиот брат Абаз и нивните 72 приврзаници се убиени во 680 година во Карбала во битка со војниците на Омајадскиот калиф Јазид. Жените и сестрите на убиените од војниците на Јазид биле земени со нив во Дамаск. Таму, на калифот заедно со нив му била донесена и главата на Хусеин. На 40-от ден по смртта на имамот Хусеин, неговата сестра Зејинаб се вратила во Карбала од Дамаск, носејќи ја со себе главата на нејзиниот брат која ја закопала во неговиот гроб./крај/мф/сн

Извор: Макфакс