Вести
Москва: Изјавите од САД за шверцот на нафтата личат на директно покровителство
Русија е изненадена од изјавите дека САД не гледаат како се одвива шверцот на нафтата од терористите во Турција, и смета дека тоа наликува на директно покровителство на таквите активности, изјави во саботата портпаролот на руското министерство за одбрана, генерал-мајорот Игор Конашенков.
Реакцијата се однесува на претходните соопштенија на портпаролите на американскиот Стејт департмент дека се автентични снимките коишто ги објави во текот на изминатата седмица руското министерство за одбрана на кои се прикажани колони од стотици цистерни и камиони со нафта којашто терористичката група Исламска држава ја краде од нафтоносните полиња и рафинерии од Сирија и Ирак на територијата на Турција. Меѓутоа, од американска страна беше нагласено дека „на снимките не се гледаат пограничните премини, на кои цистерните ја минуваат границата“.
„На крајот, нашите колеги од Стејт департментот и од Пентагон потврдија дека фото доказите коишто ги претставивме на брифингот, од каде и на каде тече украдената нафта од регионите кои ги контролира меѓународниот тероризам, се автентични. Сепак, со нивните изјави дека тие не гледаат погранични премини со цистерни кои ја минуваат границата, предизвикуваат смеа, бидејќи станува збор за фотографии – тоа се статични снимки“, толкуваше Конашенков.
Истакна дека руското министерство за одбрана покрај сателитските снимки приложи и видео докази обезбедени со ткн средства за објективна контрола, кои регистрираат како камионите цистерни не само што минуваат преку пограничните пунктови на границата со Турција, но тоа го прават без воопшто да запрат.
„Кога американските функционери велат дека не гледаат како терористите ја транспортираат нафтата во Турција, тоа не е итроштина, тоа потсетува на директно покровителство“, истакна портпаролот на руското министерство за одбрана.
Руската страна, исто така, смета дека САД ги поседуваат сите технички средства и можности кои се потребни за регистрирање на шверцот на нафтата од терористите во Турција. „Доколку фото и видео материјалите не им се недоволни на нашите американски колеги, им советувам да ги погледнат видео материјалите снимени од нивните беспилотни летала, чијашто активност над сириско-турската граница и нафтоносните региони кои се под контрола на терористите во последниот период е трипати зголемена“, порача Конашенков.
Притоа додаде дека на Москва многу добро ѝ е познато дека американските дронови и беспилотни авиони кои се активни над териториите на Сирија и Ирак постојано се користат од воздухопловната база Инџирлик во Турција.
„Имајте предвид дека тоа не се едрилици од иверка, туку современи системи за оптичко разузнавање, коешто овозможува прецизно да се одреди дали нешто е цистерна, па дури и бројот на автоматот кој лежи на совозачкото седиште од цистерната која минува преку турската граница. А треба да се има и предвид и разузнавањето од космосот, коешто, како што повеќепати истакнаа нашите американски колеги, гледа сé, но тие сепак ништо не знаат“, потсети Конашенков.
Тој изјави и дека во Москва се изненадени и од изјавата на челниците на Пентагон, дека воздухопловните сили на САД во текот на последниот месец уништуваат само профитабилни нафтоносни инфраструктури на терористите во Сирија и во Ирак.
Претходно американскиот министер за одбрана, Ештон Картер, на сослушувањето во Сенатот изјави дека американската авијација и сојузниците „не се обидуваат да ја уништат целата нафтена инфраструктура во Ирак и во Сирија“, дури и во оние области коишто ги контролира Исламската држава. „Ние нанесуваме удари само врз оние објекти коишто тие ги користат за обезбедување профит“, рече Картер.
„Како да се разбере изјавата на челникот на Пентагон, дека американските воздухопловни сили последниот месец уништуваат само профитабилни претпријатија на терористите?“, запраша Конашенков на саботниот брифинг и заклучи „Произлегува дека година и половина Американците уништувале само неупотребливи објекти на милитантите“.
„Со тоа се дознава од каде бандитите имаат пари да купуваат оружје, да врбуваат нови борци, да извршуваат крвави терористички напади и зошто територијата под контрола на исламската држава за тоа време се зголеми за сто пати“, истакна портпаролот на руската одбрана./крај/мф/сн
Извор: ТАСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
