Москва во средата оцени дека американските санкции против неа се „деструктивни и кусогледи“, и само дополнително ќе ги влошат односите меѓу двете земји кои поради украинската криза на најниска точка од времето на Студената војна, а исто така е разочарана од несамостојноста на ЕУ во меѓународните односи, оценувајќи дека е „срамно за Европската унија која зборува со јазикот на Вашингтон“.
 

Москва во средата оцени дека американските санкции против неа се „деструктивни и кусогледи“, и само дополнително ќе ги влошат односите меѓу двете земји кои поради украинската криза на најниска точка од времето на Студената војна, а исто така е разочарана од несамостојноста на ЕУ во меѓународните односи, оценувајќи дека е „срамно за Европската унија која зборува со јазикот на Вашингтон“.

„Овие мерки на Вашингтон не можат да донесат ништо освен натамошно влошување на руско-американските односи и да создадат неповолна атмосфера во меѓународните односи во кои односите меѓу нашите земји често играат клучна улога. Вистинските штети поради деструктивната и кусогледа политика ќе бидат многу конкретни за Вашингтон“, се вели во изјавата на руското министерство за надворешни работи. Во својата прва реакција на најавата за новиот круг американски санкции коишто во вторникот навечер ги најави американскиот претседател Барак Обама.

САД во вторникот воведе нов круг санкции против руски банки, енергетски и воени компании, што се оценува како досега најсериозен чекор на Западот против Русија којашто ја обвинува дека им дава поддршка на бунтовниците во источна Украина кои не ги признаваат новите власти во Киев кои дојдоа на власт откако со поддршка на западните земји го соборија претседателот Виктор Јанукович, а ја обвинува Русија и за вмешаноста во падот на малезискиот патнички авион во областите коишто ги контролираат проруските бунтовници.

Американскиот претседател изјави дека санкциите ќе имаат „поголемо влијание врз руската економија отколку досега“, а се донесени з ада ја присилат Москва „да престане да ги поддржува проруските бунтовници“. САД ќе ги сопрат извозните кредити за Русија за да го отежнат финансирањето на нејзиниот економски развој, а ќе го блокираат и извозот на технологии за рускито енергетски екстро. Новите американски санкции го прошируваат и листата на руски банки под санкции на речиси сите најголеми банки во кои руската држава има удел над 50 отсто, освен „Сбербанк“. Целени се банките ВТБ, „Московска банка“ и „Руска земјоделска банка“, како и Руската обединета бродаградежна корпорација.

Руската дипломатија овие санкции ги осуди како „нелегитимно антируски“ потег на САД. Додека, пак, за санкциите што синхронизирано со Вашингтон ги објави Брисел, Москва објави дека е разочарана од неспособноста на Европската унија да игра самостојна ролја во светските односи, и оти е срамно за ЕУ која „зборува со гласот на Вашингтон“.

Комитетот на постојаните амбасадори на земјите членки на ЕУ (Coreper) во вторникот објави дека постигнал согласност за воведување економски санкции против Русија,со коишто долго време се закануваа европските челници но не можеа да постигнат внатрешен консензус при носењето на оваа одлука. Веќе од петок за руските банки во доминантна сопственост ќе биде ограничено финансирањето од европските инвестициски институции, на производителите од ЕУ им се забранува испорака на опрема за енергетскиот сектор , а на сила ќе стапи и ембаргото за увоз и извоз на воена опрема и технологија за двојна намена од ЕУ во Русија.

„Срамно е за Европската унија, којашто по долго трагање по својот ’единствен глас’, прозбори со јазикот на Вашингтон, практично напуштајќи ги основните европски вредности, вклучително и пресумпцијата на невиност“, се наведува во одделната реакција на руската дипломатија на одлуката на Унијата првпат да воведе економски секторски насочени санкции против Русија.

Од руското министерство за надворешни работи, исто така, истакнуваат дека „политиката на ЕУ во моментов не се заснова на проверени факти, туку е пишувана по диктат на Вашингтон во прв ред меѓу сомнителните видеа на YouTube“. „Во Москва се разочарани до неспособноста на ЕУ да има самостојна улога во светските односи“, заклучува руската страна./крај/мф/сн

Извор: Макфакс