На поранешниот бразилски претседател Луис Инасио Лула да Силва ќе му се суди за корупција, објави сојузниот државен обвинител Серхио Моро, откако обвинителството го обвини популарниот левичарски политичар дека бил „врховен водач“ на организирана корупциска мрежав во нафтената јавна компанија „Petrobras“ 

Сега 70-годишнот Луис Инасио Лула да Силва, кој беше претседател на Бразил во периодот меѓу 2003 и 2011 година, и повеќе од две децении беше сметан за политичка икона, обвинет е дека примил 1,11 милиони долари мито во скандалот кој земјата ја турна во политички хаос, а обвинети се највлијателните лидер и партии дека „длабоко заграбиле“ во фондовите на нафтената компанија.

Дилма Русеф, којашто го наследи Лула на претседателската должност, на крајот од август бразилскиот Сенат ја прогласи виновна за кршење на буџетските прописи и ја отповика од функцијата.

Лула да Силва минатата седмица, кога првпат во јавноста се огласи по поднесувањето на обвиненијата, изјави дека државните обвинители кои го обвинуваат за корупција во рамките на големиот скандал во јавната енергетска компанија „Petrobras“, сакаат да му ја уништат политичката кариера.

„Како во телевизиска сапуница, ја направија последната епизода: го избраа Мишел Темер, ја сменија Дилма Русеф (…) и сега сакаат да ја уништат политичката кариера на Лула“, рече Лула да Силва. Сенатот ја смени Русеф и го именуваше Мишел Тамер, нејзин поранешен потпретседател кој доаѓа од партија на десниот центар.

Со одлуката пред судот да биде изведен поранешниот претседател, државниот обвинител Серхио Моро, би можел да го оневозможи враќањето на Лула да Силва на политичката сцена во 2018 година, кога ќе се води претседателската кампања.

Меѓутоа, и покрај обвиненијата за корупцијата, неодамнешните анкети покажуваат дека Лула и натаму е водечкиот кандидат за претседателските избори во 2018 година.

Судењето на Лула, иконата на социјалната држава и на економскиот бум на Бразил во првата деценија од 2000-те години, и можело да ги уништи надежите на Работничката партија (PT) да се врати на власта, па дури и доколку политички преживее, оценуваат локалните политички коментатори. Лула е еден од основачите на Работничката партија чии 13 години на власт завршија со отповикувањето на Дилма Русеф.

Обвинувањата против Русеф не се поврзани со „Petrobras“, но тие обвинувања во комбинација со најголемата рецесија во последните години во земјата, придонесоа за нејзиниот пад.

Лула се товари за корупција, за што казната затвор е од 16 години по секоја точка, потоа за перење пари, за што може да добие 10 години затвор. Доколку биде прогласен за виновен, конечната одлука за казната ја одредува судијата,

Изминатиот викенд на самитот на Движењето на неврзаните земји во Венецуела, левите челници на Куба, Венецуела, Еквадор и Боливија, го осудија неодамнешното отповикување на бразилската претседателка Дилма Русеф во контекстот на обвиненијата дека некои земји од Латинска Америка се погодени од американската економска војна чијашто цел е да бидат соборени со цел да бидат „колонизирани“ нивните економии./крај/мф/сн

Извор: Макфакс