Бројот починати од досега најтешката епидемија од хеморагиската треска ебола во западна Африка достигна 3.338 лица од 7.178 заразени, соопшти Светската здравствена организација (СЗО – WHO), а потврден е и првиот случај на дијагностицирана ебола во САД и првиот случај воопшто надвор од Африка.

Во соопштението на СЗО се додава дека бројот на новите регистрирани случаи опаднал втора седмица со ред, но се предупредува дека од тоа не смее да се читаат добри вести бидејќи е можно дека има и одреден број непријавени случаи. Споменатите бројки од 7.178 потврдени случаи на зараза со вирусот на еболата од кои 3.338 имале фатален исход се однесуваат на периодот до 28-ми септември.Светската здравствена организација додаде дека најмалку 1.500 експериментални дози вакцина против еболата е бидат подготвени за употреба во испитувањата на почетокот од следната година и се истакнува дека во тоа не смее да се доцни.„Ништо не смее да го забави тој процес. Тие вакцини мора да бидат достапни што е поскоро можно, во доволни количества, за да се заштитата на изложените здравствени работници и да се направи пресврт во текот на епидемијата“, се наведува уште во писмениот брифинг на светската здравствена организација.Иницијалните истражувања веќе почнале, а резултатите за сигурноста, ефикасноста и дозите се очекуваат во ноември или во декември. Пошироките студии во западноафриканските земји треба да започната меѓу јануари и февруари следната година.Во меѓувреме, како што беше соопштено во понеделникот навечер, регистрирано е првото лица со симптоми на ебола надвор од Африка, и тоа во САД. Мажот од Либерија во сојузната држава Тексас допатувал на 20-ти септември. Либериските власи веднаш објавија дека мажот не покажувал симптоми кога ден претходно отпатувал од таа земја. Белата куќа во средата се обиде да ја смири јавноста во САД, тврдејќи дека американските власти точно знаат што да сторат за да го спречат ширењето на вирусот. „Населението може да биде убедено дека во оваа земја имаме медицинска инфраструктура која ќе го спречи ширењето на еболата“, изјави за CNN портпаролот на Белата куќа Џош Ернес. Неговата убеденоста во изјавите за телевизијата ја споделија и гувернерот на Тексас и претставниците на националните здравствени служби.Пациентот е хоспитализиран во Далас, кој до САД патувал преку Брисел, и не претставувал опасноста за сопатниците бидејќи почнал да покажува симптоми дури по доаѓањето, тврдат американските власт. Меѓутоа, под надзор се ставени вкупно уште 18 луѓе, меѓу кои и неколку деца кои биел во контакт со човекот кој првпат бип прегледан во петокот, и вратен на домашно лекување со антибиотици, што се смета за клучна испуштена можноста која можела да спречи и други луѓе да бидат изложени на вирусот, сметаат инфектолозите во САД.Во болницата во Далас бил примен во неделата, во сериозна состојба. Клиниката „Presbyterian Hospital“ соопшти дека поради заштита на неговата приватност не сака да го објави името на пациентот. Меѓутоа, агенцијата Associated Press објави дека станува збор за Томас Ерик Данкан.Неколку воздухопловни компании од САД од средата се во постојан контакт со сојузните власти во врска со овој патник кој допатувал во татковината од Либерија преку Брисел. Компаниите „JetBlue Airways“ и „American Airlines“ соопштија дека ги следеле упатствата кои ги добиле од Американскиот центар за контрола и превенција на болестите (CDC). Центарот соработува и со царинските служби за да се идентификуваат потенцијалните жртви и да се предупредат другите патници за здравствените ризици.Светската банка во своето соопштените вели дека борбата против епидемијата на еболата е прашање на нееднаквоста, бидејќи луѓето во сиромашните земји имаат помалку знаења и инфраструктура за лекување на заболените и спречување на ширењто на смртоносниот вирус.„Илјадници луѓе умираат во тие три земји (Гвинеја, Либерија и Сиера Леоне), бидејќи лотаријата на животот им дала да се родат на погрешно место“, изјави претседателот на Светската банка, Јим Јонг Кин во своето излагање на Универзитетот Хауард во Вашингтон.Светската банка издвои 400 милиони долари за борбата против ширењето на еболата и подобрување на здравствените системи во земјите во западна Африка./крај/мф/сн

Извор: Макфакс