Вести
Најмалку 16 мртви, од кои шест деца и бебе, во училиште на ОН во Газа

Најмалку 16 лица, од кои седум деца меѓу кои и едно бебе, се убиени а околу 200 се ранети кога гранати од израелски тенкови погодиле училиште на Обединетите нации во Газа, изјави портпаролот на министерството за здравство во палестинската енклава Појасот Газа, Ашраф ал-Кудра.
Очевидци кои биле во училиштето со кое раководат агенцијата на ОН за помош и вработување – UNRWA, велат дека тенковите истрелале четири гранати. „Бевме во училиштето, некои во училниците, а другите надвор на игралиштето и одеднаш нé погодија гранати“, изјави Собеја ал-Кафарна, жена којашто е ранета во нападот но преживеала, пренесува DPA.
„Побегнавме од домовите, бидејќи ни рекоа да се евакуираме и да се засолнеме во училиштето, за и таму да нé погодат гранатите“, додала.Портпаролот на палестинското исламистичко движење Хамас кое управува со Појасот Газа, Фавзи Барум оцени дека овој случај претставува „страшен масакр“ и „големо воено злосторство“, и повика на одмазда велејќи дека „Израел ќе плати многу голема цена“.
Станува збор за нов напад на израелските сили врз училишта и болници во палестинската енклава, додека бројот на веќе 17-дневната офанзива чија цел е да се сопре ракетирањето на милитантите на Хамас врз израелска територија се искачи на повеќе од 770 жртви. „Прецизните координати на засолништето на UNRWA во местото Беит Ханун (во северниот дел на Газа) беа формално дадени на израелската армија“, објави на Twitter Крис Ганес, од организацијата.
Дописникот на AFP јави дека видел девет тела, меѓу кои биле и на едногодишно бебе и на неговата мајка во мртовечницата во местото Беит Лахија, каде биле пренесени останките на жртвите во нападот на училиштето. Според него, во средината на училишниот двор направен е кратер од граната околу која има локви крв. Претставник на ОН за AFP вели дека гранати паднале „во или во близина“ на училиштето, додавајќи дека волонтерите на UNRWA се обиделе да ги повикаат луѓето да го напуштат објектот стравувајќи дека може да биде цел.
Ганес, пак, за агенцијата изјави дека откако претходно неколку гранати паднале околу училишниот комплекс, побарале од израелската армија време за да ги евакуираат цивилите. „Поголем дел од денот се обидовме да преговараме или да се координираме за коридор за цивилите, вклучително и за нашиот персонал, за да ја напуштат областа. Тоа не заврши, и се чини последиците се трагични“, додал во изјавата за AFP./крај/мф/сн
Извор: AFP/DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.