Вести
Најмалку 25 луѓе убиени во напад врз шиитска џамија во Кувајт

Најмалку 25 луѓе се убиени а 202 се ранети во петокот во над врз шиитска џамија во Кувајт, соопшти тамошното министерство за внатрешни работи.
„Дваесет и пет луѓе загинаа, а 202 се повредени во експлозијата на имамот ал-Садик“, се вели во соопштението на кувајтското министерство за надворешни работи, кое го пренесе државната агенција KUNA.
Експлозијата се случила во внатрешноста на храмот во квартот ал-Савабер, недалеку од центарот на престолнината ел-Кувајт. Очевидци за локалните медиуми изјавија дека нападот го извршил бомбаш самоубиец.
Одговорноста за нападот ја презема сунитската џихадистичка група Исламска држава, којашто претходно повика во текот на светиот за муслиманите месец Рамазан, на напади врз „неверниците“, меѓу кои ги смета и шиитските муслимани. Џихадистите во петокот преку социјалните мрежи објавија дека нападнале „храм на неверниците“.
Станува збор за прв напад врз шиитите во Кувајт, земја богата со нафта, во која сунитите и шиитите главно живеат без тензии, по сличните два напада коишто ги извршија припадниците на Исламската држава во Саудиска Арабија, а претходно и во Јемен, во коишто имаше десетици загинати.
Нападот се случил во џамијата Ал-Имам ал-Садек, во градот Кувајт, во текот на големата петочна молитва Според очевидци, во моментот на нападот во џамијата имало околу две илјади верници. Очевидци, исто така, велат дека напаѓачот бил помлад од 30 години и по експлозијата, којашто одекнала веднаш по молитвата, во џамијата виделе неколку безживотни тела на подот.
Кон крајот на мај, кувајтскиот емир ги повика муслиманските земји на поинтензивна борба против екстремизмот, во текот на панисламската конференција којашто беше посветена на координацијата на борбата против џихадистичките групи, во прв ред против терористичката организација Исламска држава.
Кувајтската државна телевизија емитуваше прилог во петокот од посетата на шеикот Сабах ал-Ахмед ал-Сабах на оштетената џамија. Премиерот шеикот Шеик Џабер ал-Мубарак ал-Сабах, кој ги посети повредените во болница, го осуди нападот како обид да се загрози националното единство на Кувајт. „Целта на нападот е нашето национално единство. Но, тоа тешко ќе им се оствари, ние сме многу посилни од тоа“, истакна, шеикот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.