Благодарејќи на зголемените финансирања од САД, НАТО го планира најголемото трупање на воена моќ во источна Европа од Втората светска војна за да ја одврати Русија, но ќе го отфрли барањето на Полска за основање постојани бази на нејзината територија.

Загрижени дека откако во март 2014 година црноморскиот полуостров Крим преку референдум се отцепи од Украина и се присоедини на Русија, што Западот го смета за руска анексија на украинска територија, дека Русија наводно би можела да ја нападне Полска или балтичките земји од нејасни причини, НАТО сака да ја го засили своите источни граници на самата руска граница, но сепак не сака со стационирање на постојани сили да го предизвикува Кремљ.

Министрите за одбрана на НАТО ќе започнат следната седмица со изработка на планови за сложената мрежа на помали позиции на истокот, ротациите на силите, редовните речиси континуирани воени вежби и поставувањето опрема за силите за брзо дејствување. Тие сили вклучуваат воздушни, поморски и единици за специјални операции до 40.000 припадници.

Се очекува дека сојузниците од алијансата ќе ѝ понудат на Русија обновување на дијалогот во рамките на Советот НАТО – Русија кој не се состана од 2014 годна поради меѓусебните обвинувања за украинската криза, за да се избегнат ненадејни инциденти, изјавил за Reuters неименуван висок дипломат од НАТО.

Плановите на САД се четири пати да го зголемат износот за одбрана во Европа, на 3,4 милијарди долари во 2017 година се центарот на оваа стратегија, која се оправдува како одговор на присоединувањето на мнозински руско и рускојазичниот Крим на Руската Федерација.

Според коментаторите оваа мерка е потврда на говорот на американскиот претседател Барак Обама во Естонија во 2014 година кога изјави дека НАТО ќе помогне да се заштити независноста на трите балтички земји, кои со децении беа дел од поранешниот Советски сојуз, но каде што основниот проблем е што живеат големи заедници на руското малцинство кое во овие земји не ги ужива сите граѓански права.

Литванија, Латвија и Естонија, кои по Втората светска војна поради нивната улога се присоединети кон поранешниот СССР до 1991 година, стравуваат дека Русија ќе ги дестабилизира и бараат постојано присуство на силите на НАТО на нивните територии

Трите балтички држави членки на НАТО, Латвија, Литванија и Естонија, се многу зависни од руските енергенси, а Латвија и Естонија имаат и големи руски малцинства додека на рускојазичните граѓани им го одредуваат статусот „недржавјани“ со кои им се ограничуваат некои права поради што се често критикувани од ОН и ЕУ. Во Латвија живеат 26 отсто Руси, во Литванија околу 6 проценти, а во Естонија тие сочинуваат 25 отсто од населението.

Литванскиот министер за одбрана, Јуозас Олекас, отворено ја нарече Русија закана за неговата земја, но многу од европските сојузници во НАТО воопшто не сакаат да влегуваат во продлабочени заострени односи со Русија, којашто во моментов е најголем нивен снабдувач со енергија.

Поради таквата загриженост, дипломатите во НАТО велат дека Алијансата нема да се залага за основање на постојани бази во Полска, која има историски конфронтирачки односи со Русија.

„Јас сум голем поборник ан одвраќањето и јакнењето на флексибилност, но мислам дека тоа е најдобро да се стори на рационален начин“, изјави холандската министерка за одбрана Жанин Хенис-Пласшаерт. И генералниот секретар на Алијансата, Јенс Столтенберг, истакна дека „нема да дозволи да биде вовлечен во трката на вооружување.

Москва, пак, одамна јасно даде до знаење дека секој таков потег, за кој тврди дека е надвор од договорот по распадот на Варшавскиот пакт, со кој инфраструктурата на НАТО ќе се приближува кон руските граници, ќе го смета за закана и најави „реципрочни мерки, како што е насочување на својот стратешки потенцијал кон таквите закани./крај/мф/сн

Извор: Reuters