Еден од челните луѓе на НАТО изјави во потокот дека сега е погрешен момент за разговори за поправање на односите со Русија, но шефот на Европската дипломатија беше помирлив и изјави дека Европа мора да се врати на комуницирањето со Русија во областите во кои имаат заеднички интерес.
 

Еден од челните луѓе на НАТО изјави во потокот дека сега е погрешен момент за разговори за поправање на односите со Русија, но шефот на Европската дипломатија беше помирлив и изјави дека Европа мора да се врати на комуницирањето со Русија во областите во кои имаат заеднички интерес.

Овие изјави упатуваат на различен пристап на двете најглавни западни организации за тоа како ќе се однесуваат кон Русија, десет месеци откако црмоморскиот полуостров Крим, на кој е мнозинско руското етничко население, преку референдум си ја поврати автономијата и изгласа присоединување на Руската Федерација, што Западот го смета за нелегално руско анектирање на украинска територија и тоа ја предизвика најтешката криза меѓу Истокот и Западот уште од времето на Студената војна.

Заменикот на генералниот секретар на НАТО, Американецот Александер Вершбоу изјави дека ситуацијата во Украина се влошува, како и дека Русија и рускојзаичните бунтовници не се подготвени во целост да го применат договорот за прекин на огнот постигнат ланскиот септември во белоруската престолнина Минск.

Во разговорот за Reuters воден во литванската престолнина Вилнус, Вершбоу изјави дека „општо мислење е меѓу сојузниците“ е дека НАТО треба да истрае на минатогодишната одлука за прекинување на сите практични соработки со Русија во знак на протест против „московското заземање на Крим“. „Бараме целосна примена на договорот од Минск, што е предуслов за напредување во односите со Русија. Мислам дека сега не вистинскиот момент ниту за нагаѓање за таков напредок“, додаде.

Од друга страна, пак, Москва ги обвинува САД и НАТО дека ги „поттикнуваат воинствените повици во Киев“ и сметаат дека со испраќањето на нови воени сили во југоисточните побунети региони на Украина, како и со најавените пет мобилизации оваа година, прозападните киевски власти покажуваат дека немаат намера мирно да ја решат кризата.

За разлика од американските сојузници, претседателот на Европската комисија, Жан-Клод Јункер во француската престолнина Париз помирливо изјави дека тој не учествува во „вербалните напади врз Русија“,

„Таа денес е стратешки проблем, но сакам повторно да стане стратешки партнер. Мораме да пронајдеме точки кои се од заеднички интерес и да ги негуваме, а не постојано да зборуваме за Крим. Нема да оди ако се задржиме исклучиво на прашањето на Крим, па колку тоа и да е важно. Колку и да де неприфатливо руското кршење на меѓународното право, мораме да најдеме и нешто друго за разговор“, изјави Јункер.

Истовремено во Вашингтон, американскиот претседател Барак Обама заедно со британскиот премиер Дејвид Камерон се заземаа за продолжување на „острите санкции“ против Русија поради „поддршката на проруските сепаратисти“ во источна Украина.

„Согласни сме дека треба да ги продолжиме острите санкции за Русија се’ додека не ја прекине агресијата во Украина и да ја поддржи Украина во спроведувањето на важните демократски и економски реформи“, изјави Обама на заедничката прес-конференција во Белата куќа.

Камерон, пак, оцени дека „Русија одлучи да го погази суверенитетот на една држава. Тоа претставува закана за нашата стабилност и благосостојба“. „Затоа и во иднина ќе вршиме притисок врз Русија за да се реши таа дипломатска криза. Воедно ќе продолжиме да ѝ даваме помош на Украина на нејзиниот пат на реформите, па и преку финансиска помош“, изјави британскиот челник.

Претходно, шефот на руската дипломатија Сергеј Лаворов, во петокот предупреди дека Москва е загрижена поради одлуката на Киев да направи ротација на борбените единици во источна Украина затоа што тоа може да и поткопа мировните напори.

„Кава и да е акција поврзана со воени подготовки не му помага на мировниот процес. Се надевам дека сето тоа нема да доведе до обновување на воениот судир“, порача Лавров од прес-конференцијата во Москва.

Украинскиот парламент гласаше во четвртокот за обновување на своите воен исили на боиштето и за продолжување на регрутирањето и мобилизацијата, под изговор дека има информации оти руските сили ја засилиле воената активност./крај/мф/сн

Извор: Макфакс