НАТО во четвртокот на својот самит во Њупорт во Велс силно го поддржа територијалниот интегритет и независноста на Украина и ја осуди, како што наведува, руската интервенција во оваа земја.
 
 

НАТО во четвртокот на својот самит во Њупорт во Велс силно го поддржа територијалниот интегритет и независноста на Украина и ја осуди, како што наведува, руската интервенција во оваа земја.

Челниците на 28-те земји членки на Северноатлантскиот воен сојуз на првиот ден од самитот одржаа разговори со украинскиот претседател Петро Порошенко, во рамките на Комисијата НАТО – Украина. „Ние, шефовите на државите и владите на земјите членки на Комисијата НАТО – Украина, сложно ја поддржуваме независноста и територијалниот интегритет на Украина во нејзините меѓународно признати граници“, се вели во заедничката изјава усвоена на состанокот. „Силно ја осудуваме руската, нелегална и нелегитимна самопрогласена анексија на Крим и континуираната и смислена дестабилизација на источна Украина, што е во спротивност со меѓународното право“, се додава во коминикето на Комисијата.„Ја повикуваме Русија да го повлече самопрогласеното ‘присоединување’ на Крин, кое не го признаваме ниту ќе го признаеме. Русија мора да престане со поддршка на милитантите во источна Украина, да и повлече своите сили и да престане со воени активности по должината на украинската граница, мора да и почитува правата на локалното население, вклучително и на кримските Татари и да се воздржи од натамошно агресивно дејствување против Украина“, се вели во изјавата.НАТО во декларацијата ѝ го признава правото на Украина да воспостави мир и ред и права на одбран на населението и територијата, односно употребата на армијата во југоисточните региони, но бара да покаже максимална воздржаност во своите сегашни операции за да се избегнат жртвите меѓу локалното население. Сојузниците во Алијансата се обврзаа и дека ќе формираат четири фонда за помош и модернизација на украинската армија во сферите на логистиката, командувањето, кибернетичката одбрана. Ден фонд ќе биде наменет за реедукација на украинските војници ранети во судирите.По состанокот на Комисијата НАТО – Украина, украинскиот претседател Петро Порошенко изјави дека земјите членки на Алијансата му ветиле доставување на „смртоносно и несмртоносно“ вооружување и опрема, покрај споменатите четири фонда, при што вети дека тој ќе стори сѐ за постигнување на прекин на огнот во заноата на конфликтот во неговата земја. Говорејќи на прес-конференцијата по состанокот на Комисијата, генералниот секретар на НАТО, Андерс фог Расмусен, изјави дека Алијансата ќе ѝ достави на Украина околу 15 милиони евра во рамките на помошта за зајакнување на нејзините безбедносни структури.„Сојузниците ќе ја помогнат Украина обезбедувајќи ѝ сума од околу 1 милиони евра. Независна и стабилна Украина, која го следи демократскиот пат и го поддржува владеењето на правото, е еден од клучните елементи на евроатлантската безбедност“, рече Расмусен, Исткна дека Алијансата ќе ѝ помогне на Украина да ги зајакне своите безбедносни структури во областите како што се логистиката, командувањето, кибернетичката сигурност, контролата и комуникациите, како и ранетите војници.Расмусен притоа уште еднаш истакна дека кризата околу Украина може да биде решена со политички средства и со зголемување на санкциите против Русија.„Веруваме дека најдобар начин е политичкото решение. За да се постигне такво политичко решение, смеам дека меѓународната заедница мора решително да одговори н, доколку Русија и натаму се меша во Украина, преку проширувањето и зајакнувањето на економските санкции, кои во голема мера ќе ѝ наштетат на руската економија и ќе ја изолираат Русија“, рече Расмусен.Според него, НАТО е подготвен да го прифати планот на рускиот претседател Владимир Путин  за решавање на ситуацијата во југоисточна Украина, доколку тој е искрен обид за политичко решение на конфликтот.„Доколку неодамнешната изјава на претседателот Путин преставува веродостоен обид да се изнајде политичко решение, би го прифатил. Зошто тоа е токму она што ни е неопходно – конструктивен политички процес“, порача Расмусен.„Морам да кажам дека и претходно бевме сведоци на вакви изјави и иницијативи, а тие служеа како превез за континуирано дестабилизирање од страна на Русија на ситуацијата во Украина. Мора да бидеме претпазливи во нашите процени, имајќи го предвид нашето искуство“, додаде генералниот секретар на НАТО на заминување.Порошенко од своја страна им се заблагодари на земјите членки на НАТО и повтори дека сојузниците ѝ понудија на Украина дополнителна поддршка преки фондовите и преку воена соработка. „Членките на НАТО понудија понатамошна соработка на билатерална основа – создавање наменски фондови како и воена соработка“, рече украинскиот претседател на заедничката прес-конференција со Расмусен.Сепак, што се однесува до доставувањето воена помош, клучна е забелешката дека таа ќе биде на билатерална основа, односно ќе важи за поединечните земји членки на НАТО, а нема да биде под покровителство на Алијансата.Претходно повеќе претставници на НАТО од различни нивоа појаснија дека организацијата не може да ѝ доставува оружје на Украина, од едноставна причина што таа не го поседува, туку оружјето им припаѓа на одделните земји и нивните влади одлучуваат за евентуална нивна испорака на конкретни земји./крај/мф/сн

Извор: Макфакс