Потребно е да се одржува дијалог меѓу воените функционери на НАТО и Русија за да се избегне „каков и да е инцидент“ во време додека траат тензиите околу Украина, е ставот кој во средата го усогласија земјите членки на Алијансата, додека Москва смета дека во Брисел не се подготвени за градење рамноправна соработка за реагирање на реалните закани за безбедноста во евроаталантскиот регион.
 

Потребно е да се одржува дијалог меѓу воените функционери на НАТО и Русија за да се избегне „каков и да е инцидент“ во време додека траат тензиите околу Украина, е ставот кој во средата го усогласија земјите членки на Алијансата, додека Москва смета дека во Брисел не се подготвени за градење рамноправна соработка за реагирање на реалните закани за безбедноста во евроаталантскиот регион.

„Министрите од главниот секретар (на НАТО, Јенс Столтенберг) побараа да ги испита начините за обновување на контактите на ниво на воени експерти“, изјави за AFP германскиот министер за надворешни работи Франк-Валтер Штајнмаер.

НАТО во април ја прекина секоја практична соработка со Русија, откако црноморскиот полуостров Крим се присоедини на Руската Федерација, што за Западот е нелегално руско анектирање на украинска територија.

Штајнмаер во вторникот пред колегите министри за надворешни работи од земјите членки на НАТО собрани на дводневниот состанок во Брисел инсистираше на неопходноста од обновување на дијалогот со Москва, којшто, како што тврди, е на пониско ниво отколку во периодот на Студената војна.

Во соопштението на службата за односи со јавноста на НАТО од средата навечер, се наведува дека 28-те земји членки „се согласија во процената дека во периодот на напнатост е неопходен континуиран дијалог меѓу воените функционери на НАТО и на Русија за да се избегне каков и да е инцидент“.

Истовремено, руското министерство за надворешни работи на својата интернет страница објави дека „НАТО уште е во заложништво на сопствените политизирани пристапи и не е подготвен за градење рамноправна соработка со Русија за одговори на реалните, а не имагинарните закани за безбедноста во европатлантскиот регион“.

Според руската дипломатија, кризата во севкупниот систем на евроатлантската безбедноста е резултат на постојаното спроведување на политиката на проширување на НАТО кон истокот, пренесува агенцијата ТАСС.

„Подготвените во НАТО факти за ткн проблематични прашања во односите со Русија, претставува уште еден обид да ѝ се наметне сопствениот пристап на меѓународната заедница како единствено вистинскиот, кој ќе ги оправда чекорите на алијансата за зајакнување на своето воено присуство на руските граници“, се истакнува во документот на руската страна.

Руската страна забележува дека се покажува не само неуспехот на НАТО да ги анализира и да ги сфати „заблудите спроведени во текот на изминатите две децении“ со проширувањето на Алијансата кон Истокот, туку и обидот да се префрли одговорноста врз Москва за таа да се „промовира во геополитички противник што ќе го оправда сопственото постоење“.

Руското министерство за надворешни работи вели дека тоа го покажувале „тонот и содржината на завршниот документ“ од состанокот на 2-ри декември на Советот на министрите за надворешни работи на НАТО и на Комисијата Украина –НАТО, во кои биле изнесени „сериозни конфронтирачки обвинувања“ против Русија и предизвикуваат „тензии и создавање нови линии на раздвојувањето на европскиот континент“.

„Не ги прифаќаме таквите пристапи. Сличните псевдообјективни информативни прашања, прилагодени единствено за агендата на НАТО, не можат да предизвикаат недоумица и загриженост. Принципиелната и аргументирана позиција на Русија за сите прашања што ги обремени Алијансата повеќепати беше истакнувана на многу различни нивоа“./крај/мф/сн

Извор: Макфакс