Никој од 217-те патници и седумте членови на екипажот од рускиот патнички авион кој се урна во саботата утрото во Египет не ја преживеал, несреќата, соопштија египетските власти.

„Нема преживеани во несреќата на рускиот авион на Синај“, се наведува во кусото соопштение на египетските власти.Ова соопштение следуваше откако агенцијата Reuters, повикувајќи се на извори во сласувачките служби пренесе дека наводно од под остатоците на авиони спасувачите наводно слушнале гласови на патници. Претходно спасувачките служби објавија дека се пронајдени повеќе од сто тела на загинатите, од кои 17 се деца. „Пред очите ми е трагична сцена. Има многу мртви и многу загинале на своите седишта врзани со појасите“, изјавил офицер на египетската служба за безбедност во телефонска изјава за Reuters.„Авионот се распаднал на два дела, малиот кај опашката кој изгорел и поголемиот дел кој се забил во карпа. Извлековме најмалку стотина мрви, а другите се уште внатре“, изјавил офицер кој сакал да остане анонимен.Според податоците на аеродромските власти во египетското летувалиште Шарм-ел-Шејк од каде што авионот „Airbus A321“ полетал кон Санкт-Петербург, на летото речиси сите се руски државјани, тројца се државјани на Украина и еден најверојатно на Белорусија.Засега не е позната причината за падот на авионот на руската воздухопловна компанија „Когалмавиа“ кој се урнал на откако 23 минути по полетувањето од Шарм-ел-Шејк во 5,51 часот по локално време полетал на летот KGL92698 за Санкт Петербург, во централниот дел од Синајскиот полуостров, во планинскиот предел меѓу областите ел-Кантала и ел-Лаксима, во близина на градо Хасана, 35 километри од местото ал-Ариша.Како што соопштија од аеродромот во Каиро, авионот бил на височина поголема од 9.000 метри, кога пилотот побарал слетување заради дефект на радио уредот. Потоа врската била прекината..Египетскиот министер за цивилно воздухопловство Мохамед Хосам Кемал изјави дека е прерано за утврдување на причините за несреќата. Според безбедносни извори, нема знаци дека авионот е урнат. Аеродромските власти соопштија дека пред полетувањето биле извршени сите вообичаени неопходни технички проверки. Итните служби и експерти веднаш започнаа со проверка на остатоците за да најдат оштетувања кои би можеле да укажат на причината за несреќата.Египетскиот премиер Шериф Исмаил се упати заедно со неколку министри на местото на несреќата.Порталот FlightRadar24, кој ги следи авионските летови во реално време наведува дека авионот  лесно полетал за да, откако се приближил на висината на летот на околу 9.400 метри, се затресол и набрзо започнал да ја губи висината. Авионот брзо се спуштал, околу 2.000 метри во минута пред да ја загуби врска со контролата на летањето.Руската новинска агенција РИА, повикувајќи се на извори на аеродромот во Шарм-ел-Шејк, пренесува дека „пилотот ја контактирала контролат ана летањето и пријавил технички проблеми, и побарал променат на рутата и слетување на аеродромот во Каиро, по што била прекината комуникацијата“.Воздухопловната компанија „Когалимавиа“ соопшти дека нема основи да е верува дека авионот паднал поради човечка грешка. Агенциите РИА и Интерфакс ја пренесуваат изјавата на портпаролката на компанија која рекла дека пилотот имал 12.000 часови летање, како и дека авионот бил редовно сервисиран. Од компанијата „Airbus“ објавија дека станува збор за авион од типот „А321-200“ стар 18 години, кој бил претходно во сопственост на неколку компании, вклучително и од арапски земји, и имал досега прелетано 56.000 часови.На Русија од сите страни ѝ пристигнуваат пораки со сочувство, меѓу првите и од американскиот државен секретар Џон Кери и од францускиот претседател Франсоа Оланд. Рускиот претседател Владимир Путин неделата ја прогласи за ден на жалост./крај/мф/сн

Извор: Макфакс