Израелскиот премиер Бенјамин Нетанјаху во понеделникот вечерта во италијанската престолнина Рим три часа разговараше со американскиот државен секретар Џон Кери, откако без размислување одби секаков палестински „ултиматум“ во Обединетите нации.
 

Израелскиот премиер Бенјамин Нетанјаху во понеделникот вечерта во италијанската престолнина Рим три часа разговараше со американскиот државен секретар Џон Кери, откако без размислување одби секаков палестински „ултиматум“ во Обединетите нации.

„Нема да се согласиме со обидите во зададен временски рок да нѝ се наметнат еднострани мерки, додека низ светот се шири радикалниот ислам“, изјави израелскиот на премиер Бенјамин Нетанјаху во понеделникот пред да допатува во Рим.

Палестинското раководство претходно во неделата навечер најави дека веќе во среда ќе му предложи на Советот за безбедност при ОН резолуција со којашто ќе се бара до ноември 2016 година Израел „целосно да се повлече од областите окупирани во 1967 година“. Претходно имаше информација дека текст на ваква нацрт резолуција до 15-те постојани и непостојани членки на Советот за бебедност поднел Јордан, и дека израелската страна инсистира САД како постојана членка на Советот да го употреби своето право на вето и да ја блокира.

Франција, пак, пред повеќе седмици ги започна консултациите со Велика Британија и со Германија, а потоа и со САД и со Јемен, за да се изработи предлог кој би ја добила поддршката на сите 15членки на Советот за безбедност на ОН.

Во тој текст се повикува на брзо обновување на изралеско-палестинските преговори кои се закочија летовот, врз основа на неколку темелни принципи, како што е мирната коегзистенција меѓу Израел и Палестинската држава, но без наведување на рокот за повлекување од палестинските територии коишто меѓународната заедница ги смета окупирани од Израел, односно Западниот брег (на реката Јордан) и источен Ерусалим.

„Во време кога изостанува мировниот процес, поради што владее напнатост на теренот, неопходно е брзо да се напредува во врска со нацртот на резолуцијата во Советот за безбедност на ОН“, соопшти во понеделникот портпаролот на министерството за надворешни работи на Франција. Париз, покрај тоа, не сака Вашингтон сам да го решава тоа прашање, соопштија за AFP француски дипломатски извори.

Американците досега беа сомничави кон споменатата француска иницијатива. САД се’ уште не донеле одлука дали ќе го поддржат тој предлог резолуција кој го заговара Париз или ќе вложат вето, рекле американски функционери за новинарите кои ја следат посетата на државниот секретар Џон Кери на Европа.

Според неименувани дипломатски извори, Париз сака да ги придобие Палестинците за спогодба, но изгледа дека тие се поделени на оние коишто сакаат брзо напредување, па и по цена на американско вето, и оние коишто даваат впечаток дека се поконструктивни.

Меѓутоа, се оценува дека според се’ судејќи неизбежно е американското вето за нацрт резолуцијата за којашто се залагаат Палестинците со којашто во ОН се сака да се постигне признавање на палестинската држава. САД сметаат дека тоа мора да биде резултат на преговори.

Нетанјаху во неделата одлучно ја одби замислата за повлекување од Западниот брег и од источен Ерусалим во текот на следните две години, особено што Израел уште минатата година објави дека Ерусалим го смета за своја „историска и неделива престолнина“. „Ни се заканува дипломатски скандал, со други зборови обид преку одлуките на ОН да ни се наметне повлекување од границите од 1967 година во рок од две години“, рече израелскиот премиер.

Американскиот државен секретар Кери во Европа ќе има серија разговори во обидот да го поттикна израелско-палестинскиот мировен процес. Во рамките на тие обиди во неделата навечер во Рим разговараше и со шефот на руската дипломатија Сергеј Лавров. Кери од Рим отпатува за Париз, каде што во понеделникот доцна вечерта имаше тешки разговори со францускиот, британскиот и германскиот колега, од кои се’ уште нема соопштение. Во вторник во Лондон, пак, ќе се сретне со главниот палестински преговарач Саеб Ерекат и со генералниот секретар на Арапската лига, Набил ел-Араби./крај/мф/сн

Извор: Reuters/AFP