Повеќе од 70 припадници на радикалното нигериски исламистичко движење Боко Харам загинале во воздушен напад на нигериската армија, објави во вторникот дневниот весник Vanguard, додека агенциите јавуваат дека исламисите .

Нападот е изведен откако изминатите години Боко Харам изведе неколку напади врз села во близина на Чибока, град во кој оваа група кон средината на април грабна повеќе од 200 средношколки, а во кои беа убиени повеќе од 40 луѓе. Единици на нигериската војска ги стасала милитантите во неделата додека бегале од тоа подрачје, наведува весникот.

„Видовме многу мртви и осакатени тела на терористите, како лежат на земјата и висат на дрвјата и грмушките“, изјавил локален жител Џошуа Јакуби, пренесува агенцијата DPA. Портпаролот на армијата го потврдил нападот.

Истовремено AFP пренесува дека најмалку 30 луѓе се убиени а повеќе од 60 жени и девојки се грабнати во серијата напади во североисточниот дел од Нигерија, за кои претставниците на локалните власти и населението ја обвинуваат Боко Харам. Убиствата и нападите се случиле во текот на серијата напади врз селото Кумабазу во сојузната држава Борно во текот на последната седмица, рекле очевидци кои успеале да побегнат пред судирите.

Генералштабот на нигериската армија на својот акаунт на Twitter објави дека „се прават напори да се добие потврда за многуте информации за грабнување на девојки во Борно“, Портпаролот на вооружените сили Крис Олуколаде не сакал да коментира.

Функционер на локалната власт во местото Дамбоа кој барал да остане анонимен изјавил дека „терористите нападнале и со сила одвеле повеќе од 60 жени“. Челникот на локалната милиција Аџи Калил ја потврдил информацијата за грабнување на 60-те жени. Тој прецизирале дека насилно ги грабнале терористите од Боко Харам

Во меѓувреме од другата страна на границата, во Камерун, државната телевизија CRTV објави дека камерунската армија заробила 40 припадници на Боко Харам на место коешто е голем локален пазар во Маруи, во северниот дел од земјата. Во овој дел од земјата се испратени околу две илјади камерунски војници за да се справат со спорадичните судири од територијата на Нигерија. Друг соговорник на AFP, локален жител кој успеал да побегне во Маидагура, главниот град на сојузната држава Борно, кој исто така сакал да остане анонимен рекол дека „во текот на нападот кој траел речиси четири дена се убиени повеќе од 30 мажи“. Напаѓачите притоа три дена целото село го држеа во заложништво“. додал, .

Боко Харам само во текот на 2014 година, во северниот дел од Нигерија. Од почетокот на нападите на оваа исламистичка група во 2009 година главна цел на бунтовниците беа христијаните, а од средината на 2013 година, пак, најмногу ги напаѓаат владините сили, но продолжуваат и масакрите во христијанските средини, како и во муслиманските заедници кои не ја прифаќаат нивната идеологија.

Боко Харам, чиешто име на хауса јазикот значи „западното образование е грев“, е одговорна и за многу напади врз училишта и универзитетски кампуси, главно во североисточниот дел од земјата. Оваа екстремистичка група за која постои сомневање дека е директно поврзана со глобалната терористичка организација Ал Каеда, сака да создаде муслиманска држава во северниот дел од Нигерија во кој муслиманите се мнозинство.

Иако нигериската армија објави дека е ликвидиран лидерот на Боко Харам, Абубакар Шеку, веројатно во периодот меѓу 25-ти јули и 4-ти август 2013 година, од раните што ги здобил во размена на огнот со безбедносните сили, исламистите од оваа група не престануваат со нападите. Наводната смрт на Шеку не влијаеше позначително врз намалувањето на интензитетот на акциите на исламистите, но сепак Боко Харем дејствува помалку моќно откако претседателот Гудлак Џонатан минатата година прогласи вонредна состојба во три северни сојузни држави и во мај 2013 година покрена офанзива против групата. Бунтот во почетокот беше ослабен со овие операции, меѓутоа и натаму има спорадични герилски напади.

Во Нигерија последните месеци се разжестува бунтот на исламистите чии упоришта се во североисточниот дел од земјата, каде што е прогласена вонредна состојба. Судири меѓу муслиманските милитанти и нигериската војска се разгоруваат повремено во регионите Борно, Потискум и Јоба. Спорадични пресметки има и во провинцијата Вудилу, на околу 20 километри од Кано, најголем град во северниот дел од Нигерија, како и во Баучи, во една од 12-тe провинции во северна Нигерија со мнозинско муслиманско население. Таму пред девет години почна да спроведува шеријатско право, што предизвика судири меѓу муслиманите и припадниците на локалното христијанско малцинство, и оттогаш во судирите се убиени повеќе од илјада лица.

За нападите врз христијаните во Нигерија одговорноста редовно ја презема радикалната исламистичка група Боко Харам, основана во 2002 година која бара воведување на шеријатот (исламскиот закон) во Нигерија и искоренување на западниот секуларен модел на образование. Нејзините борци беа вклучени во неколку терористички напади во 2011 година, вклучително и врз седиштето на Обединетите нации во главниот град Абуџа. Боко Харам е обвинета за убиствата на повеќе од илјада луѓе во терористичките напади коишто ги интензивираше од 2009 година.

Нигерија е составена од вкупно 36 сојузни држави и има население од околу 160 милиони, кои речиси по половина се христијани на југот и муслимани на северот, но милиони од нив живеат и на север и на југ.

Според Меѓународната кризна група чие седиште е во Брисел, само во етничките и верските конфликти во Нигерија во периодот меѓу 1999 и 2009 година загинале повеќе до 14 илјади луѓе.

Претседателот Гудлaк Џонатан доаѓа од јужниот нафтоносен дел на земјата населен претежно со христијани. Неговиот тогашен главен противкандидат Бухари, потекнува од северниот муслимански дел на Нигерија.

Нигерија е најголемиот производител на нафта во Африка, и извезува околу 2,2 милиони барели нафта дневно. Меѓутоа, нафтената индустрија во земјата трпи загуби поради честите напади што ги изведуваат борците на Движењето за ослободување на делтата на Нигер и други вооружени групи, врз објекти на „Chevron”, „Shell” и други нафтени компании./крај/мф/сн

Извор: Макфакс