Вести
Никој не сака да настапи на инаугурацијата на Трамп
![](https://makfax.com.mk/wp-content/uploads/2016/12/tramp-1.jpg)
Иако победи на претседателските избори во САД на Доналд Трамп очигледно му недостигаат поддржувачи од музичкиот свет, бидејќи републиканците сеуште не можат да најдат музичка ѕвезда која ќе настапи на инугурацијата 20 јануари.
Ова е целосно спротивна ситуација од онаа кога Барак Обама беше избран прв пат за претседател на САД, кога успеа да ја ангажира Арета Френклин, додека на неговата втора инаугурација настапи Бијонсе.
Ова е уште една потврда дека Трамп не е толку популарен кај славните музичари.
Луѓето од транзицискиот тим на Трамп пред неколку дена рекоа дека на церемонијата ќе настапи Елтон Џон, но се чини дека никој не го прашал и не разговарал со славниот пејач во врска со тоа, пишуваат американските медиуми.
Покрај тоа, Metro го постави прашањето дали избраниот претседател наеднаш го промени ставот и стана заговорник на LGBT правата.
Претставниците на Елтон Џон набрзо демантираа дека тој ќе настапи. „Неточно. Нема да настапи,“ порачале од тимот на славниот музичар.
Се чини дека музичките проблеми на Трамп породолжуваат имајќи предвид дека и славните Ролингстонси се исклучија од листата кандидати, што многу го вознемири Трамп бидејќи и нивни фан. Во текот на неговиот победнички говор во позадината се слушаше нивната “You Can’t Always Get What You Want” (Не може секогаш да добиеш тоа што сакаш).
Можеби песната е напишана во 60-тите, во периодот на љубов и дрога но Трамп ја користеше да испрати порака на сите кои гласаа против него индиректно порачувајќи им на Американците дека сега немаат избор.
Набрзо уследи саркастичен твит на Мик Џегер: „Само што гледав вести…можеби ке побараат од мене да пејам „Не можеш секогаш да добиеш она што сакаш на инаугурација, Ха!“
Трамп исто така се замери и со застапникот на правата на Џорџ Харисон кога на конвенција во предизборната кампања ја искористи песната на Битлси “Here Comes the Sun” додека влегуваше неговата ќерка Иванка.
Ова ги испровоцира застапниците на правата на Џорџ Харисон и тие порачаа: Неовластеното користење на „Here Comes the Sun“ е навредливо и е против желбата на застапничките права на Џорџ Харисон. крај/мф/вс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Вести
“Во основа е пекол на земјата”: Градот Газа оставен тотално без здравствената заштита
![](https://makfax.com.mk/wp-content/uploads/2023/11/gaza32.jpg)
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
![](https://makfax.com.mk/wp-content/uploads/2022/09/борел-миа.jpg)
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
![](https://makfax.com.mk/wp-content/uploads/2023/10/антонио-гутереш.jpg)
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.