Тетката на челникот на изолираната комунистичка Северна Кореја, Ким Џонг-Ун, живее анонимно во Њујорк каде што управува со фирма за хемиско чистење откако побегнала во 1998 година пишува весникот The Washington Post за кого таа првпат се согласи да прозбори.

Шеесетгодишната Ко Јонг-Сук, која живее со сопругот Ри Ганг и нивните три деца, два сина и ќерка кои добиле солидно универзитетско образование и градат сопствени кариери под нови имиња, е сестра на Ко Џонг-Хуи, една од сопругите на покојниот севернокорејски челник Ким Џонг-Ил и мајка на Ким Џонг-Ун. Двојката која била блиска на комунистичкото раководство на Северна Кореја била испратена во Швајцарија да се грижи за членовите на семејството на севернокорејскиот челни, меѓи кои и Ким Џонг-Ун, во текот на нивното образование во оваа европска земја.

„Не правеше проблеми, но лесно се лутеше и имаше недостиг од толеранција. Кога неговата мајка се обидуваше да го прекорува, бидејќи премногу игра и малку учи, не возвраќаше, но протестираше на други начини, како на пример со одбивање да јаде“, вели Ко.

Според Ко, Ким Џонг-Ун е роден во 1984 година, а не во 1982 или 1983 година, кога и нејзиниот најстар син, како што се смета. Што значи дека имал само 27 години кога во 2011 година го наследи својот татко Кон Џонг-Ил на чело на Северна Кореја, продолжувајќи го владеењето комунистичката династија Ким.

Таа и нејзиното семејство одат во Швајцарија кога внукот е запишан во еден од тамошните интернати, на 12-годишна возраст.

Според описот на Ко, Ким Џонг-Ун може да се претстави како „човек кој е воспитуван така што знаел дека еден ден ќе стане владетел“. Ким уште во 1992 година знаел дека е замислено да го наследи својот татко на чело на земјата. Сигналот стигнал уште на неговиот осми роденден кога како подарок добил генералска униформа, а високата севернокорејска воена хиерархија му се поклонувала и од тогаш постојано му искажувала почит, вели тетката.

„Живеевме во нормален дом, и имавме нормално семејство. Им бев (на Ким Џонг-Ун и на неговиот постар брат Ким Џонг-Чол) како мајка. Го поддржував во тоа дома да го носи другарите, бидејќи сакавме тие да живеат со нормален живот. Им готвев, тие јадеа колачи и играа со „Лего“ коцки“, ја цитира WP Кон Јонг-Сук.,

Тетката раскажува како со својот внук патувала во паркот „Дизниленд“ во Париз, а пред тоа Ким Џонг-Ун со мајка си го посетил токискиот „Дизниленд“. Покрај тоа, идниот севернокорејски лидер со семејството скијал на Алпите, ги минувал летните одмори на француската Ривиера, и обожувал италијански ресторани.

Според Ко, младиот Ким обожувал да игри и го интересирала техниката обидувајќи се да дознае „зошто бродовите пловат а авионите летаат“. Покрај тоа, во текот на образованието „почна да игра кошарка и стана опседнат со неа“. Негов идол бил славниот американски кошаркар Мајкл Џордан. Во текот на летата Ким Џонг-Ун сакал да ја посетува татковината, пишува натаму весникот.

Не е познато кога Ко точно дезертирала во САД, каде што пристигнала со сопругот откако биле претставени во американската амбасада во Берн. Весникот забележува дека тие „паднале во продолжената рака на CIA“, и оти и по 18 години остануваат „вреден извор на информации“ за Северна Кореја.

По неколкумесечно испитување, повторно се сместени во САД „неколку часа возење далеку од Њујорк“ каде започнале нов живот под нови имиња и отвориле компанија со финансиска помош на CIA од 200.000 долари. Ко и сопругот биле интервјуирани од новинари на The Washington Post во „нивната куќа во сојузната држава Њујорк“ и тоа е првпат да проговорат за некој медиуми по доаѓањето во САД пред дваесет години.

Иако двојката соработувала со CIA, сопругот Ри Ганг, тврди дека не издале ниедна тајна доаѓајќи во САД. „Мислеа дека мораме да знаеме тајни, но ништо не знаевме, Ние се грижевме само за децата и им помагавме во учењето“, вели Ри./крај/мф/сн

Извор: Макфакс