Добитниците за Нобелова награда за мир, кои се собраа во неделата во италијанската престолнина Рим, на 14-от самит во својата вообичаена декларација ја осудија тенденцијата за користење сила како основно средство за решавање на несогласувањата во конфликтите во Украина, Сирија, Јужен Судан, Ирак и на други места, и ја истакнаа „големата загриженоста“ поради заканите на „некои велесили“ кои ја користат силата ризикувајќи „нова и уште поопасна Студена војна“.
 

Добитниците за Нобелова награда за мир, кои се собраа во неделата во италијанската престолнина Рим, на 14-от самит во својата вообичаена декларација ја осудија тенденцијата за користење сила како основно средство за решавање на несогласувањата во конфликтите во Украина, Сирија, Јужен Судан, Ирак и на други места, и ја истакнаа „големата загриженоста“ поради заканите на „некои велесили“ кои ја користат силата ризикувајќи „нова и уште поопасна Студена војна“.

„Постои универзално правило според кое должни сме да се однесуваме кон другите како што би сакале тие да се однесуваат кон нас. Така и државите се должни да се однесуваат кон другите нации, како што тие би сакале да се однесуваат кон нив. Доколку не се прави тоа, ќе има хаос и насилства“, се вели во декларацијата од самитот на лауреатите на Нобеловата награда за мир коишто од петокот се собраа во Рим.

Потписниците на изјавата, исто така, истакнуваат дека „судирот во Украина ѝ се заканува на стабилноста на Европа и ја поткопува нејзината способност да игра позитивна улога во светот“.

„Ја осудуваме сегашната тенденција за употреба на силата како основно средство за решавање на недоразбирањата. За Сирија, Конго, Јужен Судан, Украина, Ирак, Палестина и Израел, Кашмир и за другите конфликти нема воено решение“, истакнуваат учесниците на самитот.

Според нив, една од најголемите закани за светот во сегашниот момент е убеденоста на некои од „големите сили“ за тоа дека тие можат да ги постигнат своите цели со помош на воена сила, но притоа не се наведуваат на кои земји се мисли.

„Таквиот стави може да создаде нова криза. Доколку таквата тенденција не се стивне, неизбежно ќе доведе до голем воен судир и нова и уште поопасна Студена војна“, предупредуваат лауреатите на Нобеловата награда за мир.

Учесниците на самитот, исто така, сериозно се загрижени од опасностите од војна, вклучително и нуклеарна, меѓу големите сили и истакнуваат дека денеска таквата закана е поголема од кога и да е од крајот на идеолошката блоковска Студена војна. Поради тоа, тие апелираат до државите што е можно поскоро да ги започнат преговорите за договорот за забрана на нуклеарното оружје и да го склучат таквиот договор во рок од две години.

Покрај тоа, добитниците на Нобеловата награда за мир ја нагласуваат и важноста од заштитата на сеопштото природно наследство, повикувајќи ги земјите на заеднична универзална ратификација и примена на Конвенцијата за правата на детето, како и усвојувања на практични решенија за сиромашните во светот.

На самитот на Нобеловците за мир во Рим, се собраа тибетскиот духовен водач Далај-лама, Михаил Горбачев од Русија последниот комунистички челник на поранешниот Советски сојуз, Лех Валенса поранешниот водач на синдикалното движење Солидарност кој ја започна антикомунистичката револуција во Полска чиј претседател стана подоцна, Ширин Ебади од Иран, Лејман Гбове од Либерија, Тавакол Карман од Јемен, Бети Вилијамс, Мејрид Кориган Мегваер и Дејвид Тримбл од Северна Ирска, Хозе Рамос-Хорта од Источен тимор и Џоди Вилијамс од САД. Јужноафриканскиот надбискуп Дезмонд Туту беше спречен поради болест./крај/мф/сн

Извор: Макфакс