Откако во четвртокот потпретседателски кандидат Мајк Пенс изјави дека републиканскиот кандидат на американските претседателски избори Доналд Трамп се откажал од целосната забрана за влегување на муслиманите во САД, што претставува пресврт во најпровокативниот предлог на њујоршкиот милијардер, тој во саботата рано утрото се извини за вулгарните изјави за жените кои ги изговорил во 2005 година, а кои предизвикаа бран критики од членовите на Републиканската партија и повиците да се повлече од кампањата и да му го отстапи местото на својот потпретседателски кандидат Пенс кој покажа супериорност во телевизиската дебата со демократскиот потпретседателски кандидат.

Доналд Трамп во видеото од пред единаесет години кое во петокот го објави The Washington Post во продолжувањето на кампањата против кандидатот на Републиканската партија, вулгарно раскажува како неказнето ги фаќал жените меѓу нозете и „лажните гради“.

„Никогаш не зборував дека сум идеален човек и не се претставувам за таков каков што не сум. Кажував и правев работи за коишто жалам. И зборовите кои се изговорени во видеото се од пред една деценија, се една од тие. Секој којшто ме познава, знае дека овие зборови не покажуваат каков сум. Реков дека тоа не беше во ред и се извинувам. Ветувам дека ќе бидам подобра личност“, вели Трамп.

„Реков глупави работи, но има голема разлика меѓу зборовите и делата. Бил Клинтон ги вознемируваше жените, а Хилари ги заплашуваше, напаѓаше, ги засрамуваше и им се закануваше на неговите жртви. Ќе разговараме за ова следните денови“, вели Трамп во видео пораката.

Трамп е изложен на лавина осуди откако беше објавено видеото и ѝ овозможи на Хилари Клинтон нова „муниција“ обвинувајќи го за омраза кон жените пред втората претседателска дебата којашто ќе се одржи во недела во Сент Луис.

Меѓутоа, штетата е сторена и неколку влијателни републиканци веќе ја повлекоа поддршката за Трамп.

„Не можам повеќе во добра вера да ја поддржувам таа личност за претседател. Тоа е една од најодвратните и најнавредливи изјави кои може да замислите“, изјави конгресменот Џејсон Шефец од сојузната држава Јута.

Други републиканци меѓу кои и конгресмените Барбара Комсток и Мајк Кофмон и поранешниот гувернер од Јута, Џон Хантсман повикаа Трамп дека да се повлече од трката.

На триминутната снимка која инаку била емитувана на телевизија своевремено, Трамп за актерката која треба да ја сретне на снимањето на сапуницата „Days of Our Lives“ во која треба да се појави во камео улога.

„Треба да земам тик-так доколку почнам да ја бакнувам“, му вели Трамп на Били Буш, тогашен водител на шоуто „Access Hollywood“ посветено на холивудските ѕвезди.

„Знаете, автоматски ме привлекува убавото, Веднаш почнувам да банувам. Тоа е ко магнет.. Не чека, а кога сте ѕвезда тоа вие дозволено, можете се“, вели Трамп и кажува како се обидувал да има односи со мажени жени. „Навалив и не успеав. Признавам“, кажува Буш опишувајќи го обидот за однос со вулгарни зборови. „Навалив на неа како на кучка, но не успеав. Беше во брак“, вели милијардерот. Таа снимка е направена неколку месеци откако се венча со третата сопруга Словенката Меланија.

Претставникот на Пратеничкиот дом на Конгресот, републиканецот Пол Рајан рече дека му е „мачно од тоа што го слушнал“, порачувајќи дека го повлекол повикот за Трамп за политички собир во Висконсин.

Хилари Клинтон остро ја осуди снимката со Трамп нарекувајќи ја ужасна и порача дека таква личност не смее да биде претседател./крај/мф/сн

Извор: Макфакс