Руското министерство за одбрана потврди во саботата дека во петокот испратило борбен авион за да го пресретне американскиот авион кој се приближувал кон руската граница над Балтичкото Море, бидејќи тој го исклучил својот транспордер кој е неопходен за идентификација.

Пентагон во петокот повторно ги обвини руските воздушни сили дека нивен авион ловец од типот „Су-27“ на „опасен и непрофесионален начин“ пресретнал американски авион од типот „RC-135U“, кој наводно летал на рутинска рута во меѓународен простор. Телевизиската мрежа CNN извести дека рускиот ловец, како и во претходните случаи, дошол на оддалеченост од само 30 метри од американскиот и извел „салто“.

Вашингтон предупреди дека ваквите маневри може да доведат до ескалација на напнатоста меѓу САД и Русија, но притоа не прецизира кои маневри ги смета за „опасни“

„Сите летови на руските авиони се изведуваат во согласност со меѓународните правила за користење на воздушниот простор“, изјави во саботата портпаролот на руското министерство за одбрана, генерал-мајор Игор Конашенков, пренесува агенцијата ТАСС.,

„Американските воздушни сили имаат две решенија: да не летаат во близина на нашите граници или да ги вклучат транспордерите поради идентификација“, порача Конашенков.

Според него, во руското министерство за одбрана веќе навикнале на обвинувањата за наводните „непрофесионални“ маневри на руските пилоти при пресретнувањето на американските извидувачки и разузнавачки авиони во близина на границите на Русија.

„Сакаме да обратиме внимание на тоа дека извидувачките авиони ‘RC-135U’ секогаш се обидуваат да ѝ се прикрадат на руската граница со исклучен транспоредер и поради тоа воздушните сили мора да испраќаат борбен авион за визуелно да го идентификува типот на авионот и ознаките на него“, додаде Конашенков.

Воениот руски портпарол, исто така, истакна дека „друг разузнавачки авиони од типот ‘Boeing OC-135B’ во рамките на меѓународниот договор за Отворено небо во саботата се приземјил на рускиот аеродром Улан-Уде, и оти во таа прилика не бил испратен авион за негова идентификација“.

Во последниот период зачестени се случаите кога руските борбени авиони ги пресретнуваат американските летала, особено над Балтичко Море и во близина на руските граници.

Последниот ваков инцидент се случи на 21-ви април над брегот на полуостровот Камчатка кога, како што соопшти Пентагон руски ловец „МиГ-31“ пресретнал американски протвиподморнички авион од типот „P-8 Poseidon“. Порталот Washington Free Beacon, ПОВИКУВАЈЌИ СЕ на воени извори, пишуваше дека целта на овој авион „P-8 Poseidon“ била да го шпионира новите руски подморници од проектот „955 Бореј“.

Инцидент во кој повторно беа инволвирани рускиот повеќенаменски борбен авион од типот „Су-27“ на американскиот шпионски авион „RC-135U“ над Балтичкото Море беше регистриран на 14-ти април. Телевизијата CNN тогаш објави дека рускиот авион „Су-27“ наводно го следел американскиот разузнавачки авион „RC-135“ на растојание од само 15 метри.

Неколку дена претходно, пак, Пентагон исто така како „небезбедни“ ги оценија „контактот на руските воздухоплови со американскиот разурнувач „Donald Cook“, исто така во Балтикот. Европската командата на американската армија објави видео од приближувањето на авиони „Су-24“ на „помалку од двете метри“ и хеликоптер „Ка-27“ покрај американскиот разурнувач „USS Donald Cook“ и обвини дека руската страна извела ткн „симулиран напад“ врз американскиот брод. .

Пред дестина дена претставник на Пентагон изјави дека „минатата година повеќепати се случија инциденти кога руски воени авиони премногу блиску им се доближија на (американските) авиони и бродови, што предизвикува сериозна загриженост за безбедноста“ и оти „Ние сме многу загрижени за секое такво однесување“./крај/мф/сн

Извор: Макфакс