Руските борбени авиони кои дејствуваат во Сирија во изминатото деноноќие извршиле 30 борбени летови во кои биле нападнати 49 цели на терористите од Исламската држава во сириските покраини Алепо, Дамаск, Идлиб, Латакија и Хама, при што се уништени командни центри, бункери и борбени позиции, а забележано е масовно напуштање на позициите на екстремните исламистички борци во покраината на главниот град Дамаск, објави во понеделникот руското министерство за одбрана.

Операциите на руските воздухопловни сили во Сирија започнаа на 30-ти септември, и нивна цел е да се поддржа копнените операции на армијата на владата на претседателот Башар ал-Асад. За тој период, до понеделникот, руските бомбардери од типот „Су-24М“ и „Су-34“, како и ловците бомбардери од типот „Су-25СМ“ извршиле речиси 690 воздушни удари врз позициите на Исламската држава, во прв ред командни пунктови, кампови за обука, магацини со оружје, муниција и гориво, комуникациски центри и работилници за производство на експлозивни направ, објави руското министерство за одбрана на својата интернет страница.

На редовниот брифинг во понеделникот, портпаролот на руската одбрана генерал-мајорот Игор Конашенков истакна дека борците на Исламската дражва во областа на сириската престолнина Дамаск масовно ги напуштиле позициите по жестоките удари на руската авијација.

„Прецизните напади на руската борбена авијација во покраината Дамаск доведе до фундаментална промена на оперативната ситуација во оваа област. Борците на групацијата на Исламската држава, кои имаат сериозен недостиг од муниција, масовно ги напуштаат своите позиции“, тврди Конашенков.

Според него, разузнавачките летови извршени ноќта кон понеделникот регистрирале напуштени борбени позиции и движење на терористите кон селото Марџ-Султан во неколку поголеми единици со по неколку стотици борци.

Конашенков во дневниот билтен за руските операции на сириското боиште прецизира дека во текот на ноќта кон понеделникот биле уништени два командни пункта, три магацини со муниција и оружје, два подземни бункера, 32 огнени позиции во планинските области, девет утврдени борбени позиции на терористичката групација, како и работилница за производство на лансери и ракетни проектили.

Меѓу уништените штабови, според портпаролот на руското министерство за одбрана е и команден центар на исламистичката групација Џебхат ан-Нусра, сириското крило на Ал Каеда. Во истиот напад биле погодени и две товарни возила кои биле опремени со ракетни системи од типот „ЗУ-23“.

Ви јужната покраина Латакија, продолжи Конашенков, е нападнат голем терористички камп за обука на Исламската држава. Во централната провинција Хама, во близина на местото Џуб-ез- Зарус во била бомбардирана широка подземна мрежа која ја користеле џихадстите, кои биле гаѓани со наведувани проектили според податоци добиени од разузнавањето. Според него, „благодарејќи на прецизните удари, комплексот од подземни структури користен од терористите е уништен“.

Руската авијација бомбардирала и работилница на Исламската држава за производство на импровизирани проектили во северната провинција Алепо, во близина на местото Џдајида, кој во серијата последователни експлозии бил целосно уништен. Според сознанијата на руското министерство за одбрана, во тој објект биле изработувани еднократни лансери и проектили со кои џихдистите вршеле напади врз позициите на сириските копнени сили и населените места по нивна контрола./крај/мф/сн

Извор: РИА Новости