Американската сојузна агенција за цивилно воздухопловство (FAA) ја укина во четвртокот забраната за авиокомпаниите за летовите за Израел, но предупреди на „многу нестабилната локална ситуација“, додека Палестинците бележат нови жртви, а дипломатијата вложува напори за прекина на огнот.

„FAA ги укина ограничувањата на американските летови кон и од аеродромот ’Бен Гурион’ во Тел Авив“, се вели во соопштението на американската Сојузна агенција за цивилно воздухопловство. Првпат оваа забран абеше воведена во вторникот на 24 часа по падот на палестинската ракета во близина на меѓународниот аеродром при што беа повредени две лица, а веднаш потоа следуваше и новата забрана за средата.Повеќето светски авиопревозници ги укинаа летовите за Израел до четврток, ставајќи го на прво место безбедноста на патниците, меѓутоа нискотарифната компанија „Eeasyjet“ ја продолжи таа забрана и во наредните 24 часа. Компанијата лета од Тел Авив од Велика Британија, Швајцарија, Германија и Италија. Палестинските безбедносни служби соопштија дека во четвртокот дека 18 Палестинци, меѓу кои имало и деца, се убиени во четвртокот наутро во бомбардирањето на Газа, со што бројот на загинатите од почетокот на израелската офанзива пред 16 дена се зголеми на 718 жртви. Во истиот период загинаа 34 Израелци, од кои 32 се војници. Израелската армија соопшти, пак, дека во текот на ноќта кон четвртокот не е истрелана Додека генералниот секретар на Обединетите нации, Бан Ки-мун ја продолжува мисијата во обидот да се воспостави примирје, исламистичкото палестинско движење Хамас го повтори барањето за укинување на израелската блокада на Газа. Водачот во егзил на Хамас, Халед Машал, соопшти дека неговите борци на терен оствариле некои успеси и додаде дека го поддржува хуманитарното право, но под услов на населението на палестинската енклава на Појасот Газа да му биде олеснета блокадата.„Прво да се договориме за барањата и нивната примена и тогаш ќе можеме да се согласиме на прекин на огнот…. Нема да прифатиме никаков предлог кој не би подразбирал укинување на блокадата… не сакаме војна и не сакаме да биде продолжена, но тоа нема да нé скрши“, порачи Мешал. Во Женева, Советот за човекови права на Обединетите нации одлучи да ја исплати на Блискиот исток мисијата која треба да утврди дали израелската војска во својата офанзива врз Газа сторила воени злосторства осудувајќи ги истовремено ракетирањето од страна на Хамас врз цивилните зони на територијата на Израел. Борбите во Газа во средата беа многу жестоки, и предизвикаа нов бран од повеќе илјади Палестинци кои се принудени да ги напуштат своите домови.. Високата комесарка на ОН за човекови права Нави Пуилај предупреди дека постои „голема можност“ во Газа израелската армија да извршила воени злосторства. Израел негира какво и да е пречекорување на меѓународните правила на војувањето или воени злосторства, а министерката за правосудство Ципи Ливни, којашто инаку важи за најмирољубивиот член на потесниот кабинет на премиерот Бенјамин Нетанјаху, на својата официјална страница на Facebook на најавените истражители им порача „Губете се!“ .Американскиот државен секретар Џон Кери се состана во средата со генералниот секретар на ОН, Бан Ки-мун и со израелскиот премиер Бенјамин Нетанјаху. По враќањето во Египет, кој предложи мировна иницијатива и треба да посредува во преговорите со Хамас, соопшти дека дошло до напредок во обидите за да постигне примирје меѓу Израел и исламистичко палестинско движење. „Направивме некои чекори нанапред, но имаме уште многу работа“, порача Кери./крај/мф/сн

Извор: Reuters/AFP