Новиот советник за односи со јавноста на израелскиот премиер Бенјамин Нетанјаху, 42-годишниот професор по филозофија и историја и уредник на контроверзен политички портал Ран Барац, го обвини американскиот претседател Барак Обама за антисемитизам, а менталните способности на американскиот државен секретар Џон Кери ги спореди со дванаесетгодишник.

Како шеф на јавната дипломатија и медиумите, Ран Барац, кој на позицијата е именуван во средата, ќе биде задолжен за поправање на имиџот на Израел во светот. Меѓутоа, веднаш предизвика негативни реакции, со неговите постови на Facebook. Овој скандал доаѓа само неколку дена пред посетата на израелскиот премиер Бенјамин Нетанјаху на Вашингтон, каде што треба да ги ублажи тензиите предизвикани со склучувањето на нуклеарниот договор со Иран, за што се залагаше американскиот претседател Барак Обама, а жестоко се спротиставуваше Нетанјаху, а времето на носењето на таа одлука поставува голем број прашања.Само неколку часа по именувањето на Барац, израелскиот медиуми почнаа да објавуваат низа негови контроверзни коментари и написи, кои, како што се чини, од кабинетот на Нетанјаху не ги провериле.Неименуван функционер рекол за Reuters дека Барац во телефонски разговор и писмено му се извинил на Нетанјаху кој се дистанцирал од таквите изјави, но одлуката за неговото именување не ја повлекол. Функционерот додал и дека двајцата, на барање на Барац, ќе се сретнат по враќањето на израелскиот премиер од САД следната седмица.„Штотуку прочитав некои работи коишто д-р Ран Барац го објавил на интернет, вклучително и коментарите за израелскиот претседател, претседателот на САД и за други јавни личности тука и во САД. Тоа се непристојни изјави и тие не ги одразуваат моите ставови или владината политика“, изјави во соопштение Нетанјаху.Барац во март на Facebook објавил дека одговорот на Обама на говорот на Нетанјаху во американскиот Конгрес со кој го критикуваше и бараше да не се потпишува нуклеарниот договор со Иран, „беше она како модерниот антисемитизам изгледа во западните и либерални држави“.Ланскиот ноември, пак, за американскиот државен секретар Џон Кери напишал дека се „смешни“ неговите изјави по повод муслимански празник, кога рекол дека челниците од Блискиот исток му рекле дека емоциите предизвикани од израелско-палестинскиот судри се важен фактор во привлекувањето борци за екстремната сунитска организација Исламска држава.„Ова е време на државниот секретар да му посакаме успех и да го вратиме времето две години наназад со надеж дека некој во Стејт департментот тогаш ќе се разбуди и ќе почне да го гледа светот со очите на маж кој е на повисоко ментално ниво од 12-годишниј“, напишал тогаш Барац.Портпаролот на Белата куќа, Џошуа Ернест во Вашингтон го поздрави извинувањето на Барацц и додаде дека неговите коментари нема да им наштетат на настојувањата на Обама и Нетанјаху да работат во полза на заедничкиот интерес.  „Очигледно е дека неговото извинување е изнудено. Но премиерот Нетанјаху има право самиот да донесе одлука за тоа кој ќе работи во неговата влада, ќе го претставува него и неговата земја“, додаде Ернест./крај/мф/сн

Извор: Reuters