Вести
Обама е убеден дека Клинтон ќе биде „прекрасен“ претседател кој ќе ги брани САД
Американски претседател Барак Обама изјави во вторникот дека Хилари Клинтон била одличен државен секретар и таква ќе биде како шеф на држава и истовремено упати порака дека таа, доколку е неопходно, може да примени сила за заштита на својата земја и нејзините сојузници, откако на почетокот од јуни актуелниот челник на САД објави дека ќе се приклучи на кампањата на најверојатната претседателска кандидатка на нивната Демократска партија за негова наследничка во Белата куќа на изборите кои ќе се одржат на 8-ми ноември, пренесуваат агенциите.
„Тука сум бидејќи верувам во Клинтон и сакам да ѝ помогнете таа да биде следниот претседател на САД“, изјавил Обама говорејќи на предизборниот собир на Клинтон во Шарлот, во сојузната држава Северна Каролина.
Обама истакнал дека „Клинтон била прекрасна државна секретарка“. „Тоа не е само мое лично мислење, тоа е мнение на американскиот народ. (Во нејзино време) политичката машина почна да се движи напред. Таа направи прекрасната работа“, рекол актуелниот претседател на САД.
Обама рекол и дека уште во претседателската трка од 2008 година, кога таа му беше противкандидатка, видел колку Клинтон е паметна и подготвена, и додал дека таа како државната секретарка била вклучена во носењето тешки одлуки. „Немаше поквалификувана личност, ниту жена ниту маж, за таа должност од Хилари Клинтон“, рекол Обама.
„На овие избори, гласачите во ноември ќе имаат очигледен избор, меѓу минатото и иднината, меѓу Америка за некои и Америка за сите“, порачал Обама. Притоа изразил уверување дека „Клинтон ќе работи на иднината“.
Говорот на Обама, пренесуваат медиумите, постојано бил прекинуван со извиците „Хилари“. Притоа примерот го дал самиот претседател кој го почнал своето обраќање неколкупати извикувајќи го името на Клинтон.
Во продолжение на говорот актуелниот претседател изразил уверување дека Клинтон „нуди паметен пристап кон политиката, кој подразбира примена на силата на САД за својот народ и нивните сојузници“. „Таа ќе ја користи дипломатијата“, рекол Обама.
„Но таа, исто така, знае што е да си врховен командант. И таа нема да се притеснува да примени сила доколку е потребно да нé заштити. И затоа сакам Хилари Клинтон да биде следниот претседател на САД“, рекол Обама пред возбудениот до овации аудиториум.
Во вторникот по американско време Обама го имаше својот прв настап на предизборните митинзи на Клинтон, кој го пренесуваа директно многу американски телевизиски канали.
Сојузната држава Северна Каролина не е избрана случајно за првиот настап на претседателот Барак Обама во кампањата на кандидатката за негов наследник Хиалри Клинтон. Станува збор за една од државите каде што се израмнети позициите на републиканците и демократите пред претстојните ноемвриски избори. Според анкетите, во повеќето од нив сепак во предност се демократите.
Обама со настапот во Шарлот ѝ возвраќа на Клинтон којашто го поддржа на изборите за неговиот прв мандат. Тој годинава чекаше и го следеше резултатот од нејзиниот дуел со главниот ривал во Демократската партија, сенаторот Берни Сандерс, но сепак имаше некои потези кои навестуваа дека ѝ го чисти теренот во партијата, а на 9-ти јуни јавно истапи со поддршката за Клинтон, откако стана извесно дека таа ќе биде париски претседателски кандидат.
Американските медиуми коментираат дека првото појавување на Обама и Клинтон на предизборен митинг ќе го затвори кругот на нивните односи кој започна срдечно во времето кога и двајцата беа сенатори, потоа стана напнат кога беа ривали за демократската претседателска номинација во 2008-та, и повторно стана близок кога Клинтон беше именувана од Обама за државана секретарка во неговиот прв претседателски мандат, за потоа да се повлече за да се подготвува за сегашната номинација.
Треба да се одбележи и дека Обама отворено ја поддржа Клинтон токму на денот кога шефот на Федералното биро за истраги (FBI), Џејмс Коми изјави дека ќе му предложи на државното обвинителство да не подигнува обвинение против поранешната државна секретарка по едногодишната истрага за користењето на приватната електронска пошта за доверлива службена коресподенција, со што ја загрозила безбедноста.
Клинтон беше истражувана дали го прекршила сојузниот закон за службена комуникација во периодот од 2009 до 2013 година, водена од својот приватен сервер во нејзиниот дом во Њујорк и од приватната електронска пошта, при што стотици службени доверливи белешки останале незаштитени од хакирање./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
Грабнале жена, ја тепале, па откако се онесвестила, ја силувале во напуштен објект во Струга
Две лица од дебарско се осомничени дека на 6 ноември околу 19 часот грабнале 30-годишна жена која потоа едниот од...
Остатоци од човечко тело најдени во кавадаречко Сопот
Во ОВР – Кавадарци било пријавено дека во атар на кавадаречкото село Сопот биле пронајдени остатоци од човечко тело, информираа...
Полицијата ги најде децата кои тепаа малолетник во Струмица и го снимаа за на Тик Ток
Случајот во кој четворица малолетници насилно се однесувале кон малолетник во Струмица, а потоа настанот го објавиле на социјалната мрежа...
Таен ринг за борби со кучиња разоткриен во битолско, заработувале од мачење животни
Грчки државјанин сопственик на куче, пит бул, косовски државјанин сопственик на куче од расата американски стафорд, како и двајца македонски...
(Фото) Русите пак ја нападнаа Украина, има загинати
Украина пријави нов руски напад врз нејзината енергетска инфраструктура во текот на ноќта, во кој едно лице загина, а неколку...
Руската воздушна одбрана соборила 79 украински дронови
Руската воздушна одбрана соборила 79 украински дронови во текот на ноќта, соопшти руското Министерство за одбрана. – Во текот на...
САД ги укинаа санкциите против сирискиот претседател
САД денес ги укинаа санкциите врз сирискиот претседател Ахмед ал-Шариа, само неколку дена пред неговата средба со американскиот претседател Доналд...
(Видео) Околу 50 маскирани лица дојдоа пред Српскиот културен центар во Загреб
Педесетина маскирани мажи, претежно млади луѓе, пристигнаа пред Српскиот културен центар во Загреб, каде што се одржува изложба. Таму беа...
Министрите на Трамп: Обновливите извори на енергија се бескорисни, ЕУ треба да купува наша нафта
Глобалните инвестиции во обновлива енергија се покажаа како залудни и светот треба да се фокусира на сигурно снабдување со фосилни...
Германски министер: Дроновите во Белгија се порака да не се допираат замрзнатите руски средства
Германскиот министер за одбрана Борис Писториус денес посочи врска помеѓу неодамнешните инциденти со беспилотни летала во Белгија и дебатата за...
Кривична против полициски службеник од СВР Тетово: Ја заменил урината за да спаси син на колега кој бил уапсен за дрога
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
За подарок од 50.000 евра, директорот на Платежната агенција му доделил на апликант финансиска помош од ИПАРД-програмата
Полицијата уапси пет лица, меѓу кои и директорот на Агенцијата за финансиска поддршка во земјоделството и рурален развој во најновиот коруптивен...
Скопјанец репетирал пиштол во угостителски објект во Центар, кај него била пронајдена дрога
Скопјанец извадил пиштол и го репетирал во угостителски објект во Центар, а полицијата кај него пронајде и дрога. Според информациите...
За најмногу шест месеци, од Зелениково до Центар за 25 минути ќе се патува со градскиот воз, сосе застанувања
Од Зелениково до централната железничка станица во Скопје со градскиот воз ќе се патува за 25 минути. Возот, кој ќе...
Ѓорѓиевски за акцијата за чистење: Ова што вчера го почнавме не е маркетинг
Ова што вчера го почнавме не е маркетинг, туку да покажеме дека кога се сака – сè се може, вели...
Турчин фатен со злато вредно половина милион денари на аеродром, Македонец од Лондон шверцувал уреди „епл“
Царински службеници и мобилни царински тимови запленија 92 грама златни плочки и монети, „Епл“ уреди, 37.500 евра, цигари, парфеми и...
Откриен еден од убијците во Чашка, по вториот се трага – жртвата намамена, застрелана во главата и оставена покрај патот
Велешкото Обвинителство донесе Наредба за истражна постапка против едно лице за кое постои основано сомнение дека бил соизвршител за убиство....
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да...
„Влен“: Почна вистинското чистење на Скопје од ѓубрето и старата политика
По месеци на давење на градот во лоша миризба, ѓубре, запуштеност и пропаганда, од коалицијата „Влен“ велат дека почнало вистинското...
