Американскиот претседател Барак Обама во неделата изјави дека билатералните разговори со кинескиот претседател Кси Џинпинг биле „извонредно продуктивни“, но медиумите го одбележуваат хаотичното пристигнување на челникот на САД во Хуангжу на самитот на Г20.

Американскиот претседател Барак Обама во Кина пристигна во саботата ноќта, а разговорот со кинескиот домаќин Кси Џинпинг се водел до длабоко во ноќта кон неделата. Обама побарал од Кина да се придржува до своите меѓународни правни обврски во водите на Јужното Кинеско Море и ја истакнал американската приврзаност за регионалните сојузници со кои Пекинг има спорови за суверенитетот на морските патишта.

„Билатералните разговори кои вчера ги одржавме беа изразено продуктивни и во нив се наведени големи области во кои можеме да соработуваме“, изјави во неделата Обама за новинарите,

Кси, пак, изјави дека порачал оти Кина ќе продолжи да ги заштитува својата сувереност и поморските права во Јужното Кинеско Море.

Обама особено не сакал да се осврне на хаотичниот прием во аеродромот во Хангжу каде неговиот персонал се спречкал со кинеското обезбедување околу третманот на новинарите. Обама за новинарите изјави дека „не би ги преувеличувал“ значењата на препирките на аеродромот.

По излегувањето од претседателскиот авион „ Air Force One“ Обама не го дочекале скалилата за да се симне од авионот, па персоналот се растрчал за да пронајде алтернативно решение, пренесува Reuters.

Меѓутоа, весникот South China Morning Post повикувајќи се на кинески дипломатски извори пишува проблемот настанал поради тоа што предлогот на Пекинг на американскиот претседател Барак Обама да му постави скалила со црвен тепих бил одбиен од страна на Вашингтон. Американскиот медиуми објавија во меѓувреме снимки како Обама се спушта по обичните скалила од својот авион. Сепак до неговото претседателско возило, дошол одејќи по црвен тепих, пренесува кинескиот весник.

„Кина обезбеди скалила за сите шефови на држави кои пристигнаа, но американската страна се пожали дека возачот не зборува англиски и не може да ги разбере инструкциите од американското обезбедување, поради што Кина предложи да биде доделен преведувач кој би седел до возачот, но САД го отфрлија предлогот. Тие, исто така, инсистираа на тоа дека нема потреба од скалила коишто ги обезбедува аеродромот“, изјави портпаролот на кинеското министерство за надворешни работи во неделата во врска со инцидентот, пренесе агенција Xinhua.

Претходно американската телевизија CBS News извести дека претставниците на кинескиот протокол на аеродромот во Хангжу го истуркале настрана американските новинари од претседателскиот пул, кога Обама чекорел по црвениот тепих и се ракувал со делегацијата која го пречекала. Според американските медиуми, сведоци биле советничката на претседателот за национална безбедност Сузан Рајс и нејзиниот заменик Бен Родс, Еден од претставниците на кинескиот протокол и упатил Рајс и претставникот на Белата куќа каде треба да застанат странските новинари, а во тоа време меѓу нив стоел агент на Тајната служба на САД.

Американските медиуми оценуваат, исто така, дека пристигнувањето на Обама бил хаотичен од самиот почеток. Додека персоналот на Белата куќа се обидувал да го репи проблемот со скалилата, кинески службеник наводно почнал да се дере на фотографите кои сакале да го снимат симнувањето на Обама, На тоа реагирал претставникот на Белата куча кој на домаќините им порачал дека правилата за снимањето на американскиот претседател ги доредуваат САД.

„Ова е наша земја, ова е наш аеродром“, наводно викал кинескиот службеник кој потоа и се обидел да ја спречи Рајс да влезе во возилото, па морала да реагира Тајната служба којашто го обезбедува Обама. Потоа неколку припадници на протоколот на Белата куќа биле оневозможени да влезат на местото каде што американскиот претседател требало да има состаноци,

„Своите вредности не ги иставам зад себе кога одиме на патувања. Ова не е првпат такво нешто да се случи. Тоа не се случува само во Кина“, изјави во неделата Обама.

Дополнително тензиите ги поткрена твитот на американската воена разузнавачка служба во кој пишуваше „Кина, префинета како и секогаш“, па потоа следуваше нов твит со извинување.

А на аеродромот двајца кинески службеници на крајот речиси се степале додека едниот се обидувал да го смири другиот, пишуваат американските медиуми./крај/мф/сн

Извор: Макфакс