Прекинот на огнот во Украина е можен само доколку Русија престане да се „преправа“ дека не се вмешува во судирот и доколку престане таму да испраќа свои војници и оружје, изјави американскиот претседател Барак Обама во средата во естонската престолнина Талин, а на оваа земја членка на НАТО и’ порача дека „нема да биде препуштена самата на себе“, алудирајќи на наводната зголемена руска закана за земјите во регионот.

Киев во средата објави дека украинскиот претседател Петро Порошенко со рускиот колега Владимир Путин договорил „прекин на огнот“ во судирот меѓу украинската армија лојална на прозападните киевски власти и проруските бунтовници во југоисточните региони на земјата. Кремљ тоа го демантираше со пораката дека Путин и Порошенко разговарале за можните начини за запирање на крвопролевањата во Украина, но дека не станало збор за прекин на огнот, бидејќи Русија не е страна која е вклучена во конфликтот и смета дека тоа е внатрешно украинско прашање.

„Реалното политичко решение не може да виде постигнато доколку Русија каже дека нема да продолжи да испраќа тенкови и војници и оружје и советници прикривајќи ги како сепаратисти (проруските бутновници), и доколку за нив (Москва) е единственото можно решение е на Украина да го препушти својата територија или суверенитет“, изјави американскиот претседател Барак Обама на прес-конференцијата во Талин, пренесува Reuters.

Москва упорно ги отфрла ваквите обвинувања од Западот дека испраќа помош во војници и оружје во југоисточна Украина, каде што доминантното рускојазично население се крена на бунт сметајќи ги за нелегитимни новите прозападни власти во Киев кои дојдоа на власт во февруари по безредијата со кои беше соборен претседателот Виктор Јанукович и откако го укинаа Законот за јазици со кој рускиот го загуби статусот на службен, по што бунтот во април годинава доби сецесионистички карактер.

Покрај тоа, активистите на американското движење „Ветерани на разузнавањето за разумност“(Veteran Intelligence Professionals for Sanity, VIPS) ѝ напишаа во вторникот отворено писмо на германската канцеларка Ангела Мекел објавено на страницата warisacrime.org. и во други американски медиуми, во коешто ја предупредуваат дека информациите на НАТО за наводно навлегување на руски воени единици на територијата на Украина не се веродостојни.

Посетата на Обама на Талит пред започнувањето на дводневниот самит на НАТО во четврток во Велс, треба јасно да им демонстрира на трите блатички земји членки н Алијансата, поранешни републики во Советскиот сојуз, дека Североатлантскиот сојуз стои зад нив и дека САД се обврзуваат да ги штитат источните граници на Сојузот истовремено предизвикувајќи ја Русија со своето зголемено присуство на нејзините граници, со што според Москва се крши договорот меѓу НАТО и Русија од 1997 година. Од Брисел тоа, пак, го оправдуваат со зголемената опасност од можна руска инвазија, според алијансата, како и во Украина.

Трите балтички држави, Латвија, Литванија и Естонија, се многу зависни од руските енергенси, а Латвија и Естонија имаат и големи руски малцинства додека на рускојазичните граѓани им го одредуваат статусот „недржавјани“ со кои им се ограничуваат некои права поради што се често критикувани од ОН и ЕУ. Во Латвија живеат 26 отсто Руси, во Литванија околу 6 процнети, а во Естонија тие сочинуваат 25 отсто од населението.

„Естонија никогаш нема да биде сама. Во прв ред дојдов овде да ја изразам нашата обврска кон Естонија којашто е нераскинлива“, изјави Обама на заедничката прес-конференција со естонскиот колега Томас Хендрик, потврдувајќи ја важноста на членот 5 од Северноатлантскиот договор со кој нападот врз некоја земја членка се смета за напад врз целиот Сојуз кој е обврзан да пружи помош.

„Русија веќе го трпи товарот од американските и европските санкции со кои е казнета поради однесувањето во Украина“, рече Обама појаснувајќи дека капиталот веќе бега од Русија, дека рубљата остро паднала и дека тоа е можност Русија нешто да стори.

Американскиот претседател, исто така, порача дека сите членки НАТО мораат да ги подмируваат своите финансиски обврски за заедничката одбрана. Имено само четири од 28-те земји членки на НАТО издвојуваат по два и повеќе отсто од бруто домашниот производ (БДП) за одбраната, а тоа се САД, Велика Британија, Грција и Естонија, што е и една од причините зашто Обама го одбра токму Талин за посета пред почетокот на самитот./крај/мф/сн

Извор: Макфакс