Американскиот претседател Барак Обама изјави ноќта кон четвртокот по средноевропско време дека меѓународната коалиција против сунитската џихадистичка група Исламска држава (IS) напредува и оти оваа терористичка организација ќе биде победена, отстранувајќи ја можноста од копнена акција на Блискиот исток, но сепак признавајќи дека оваа борба може да му ја препушти на неговиот наследник.

Претходно во средата американскиот претседател Барак Обама го испрати до Конгресот текстот за одобрување за користење воена сила во борбата против Исламската држава (IS) којашто е на списокот на терористички организации на Обединетите нации, во кој операциите против исламските милитантни се ограничуваат на три години и забранува употреба на американски единци во „трајна офанзивна копнена борба“.

Обама, меѓутоа, и покрај тоа што ја отстрани евентуалноста за копнени воени операции на американски трупи во регионот, не го исклучи и распоредувањето на посебни сили против Исламската држава, доколку тоа биде потребно.

„За да се решат терористите е потребно време, особено во урбаните области. Меѓутоа, нашата коалиција е во офанзива. Исламската држава е во дефанзива и Исламската држава ќе биде победена“, изјави американскиот претседател.

Побара во својот настап во Белата куќа, исто така, од Конгресот да ја одобри војната против Исламската држава во Ирак и во Сирија на три години, без копнена интервенција којашто би траела подолго време.

Барак Обама, чиј претседателски мандат истекува на почетокот од 2017 година, сепак, признава дека проблемот со справувањето со сунитските џихадисти може да ја продолжи неговиот наследник во Белата куќа.

„Тоа не значи дека ние велиме дека мисијата ќе биде завршена во одреден конкретен рок. Во документот се зборува дека Конгресот треба да го преиспита тоа прашање на почетокот од мандатот на следниот претседател“, рече Обама.

„Мисијата, можеби, ќе заврши пред тоа, но можно е исто така дека по проучувањата, размислувањата и оцените во споменатата област да се решаваат дополнителни задачи“, додаде челникот на САД.

Според содржина на текстот која била на увид на агенцијата Reuters, американскиот претседател Барак Обама сака да ја укине мерката од 2002 година со којашто беше одобрена војната во Ирак. Истовремено, се зема предвид останувањето на сила на одобрувањето од 2001 година, донесено набрзо по терористичките напади врз САД на 11-ти септември истата година, а којашто се однесува на борбата против глобалната терористичка мрежа Ал Каеда и нејзините сојузници.

Обама останува и натаму доследен на соработката со Конгресот со цел за „прочистување и во крајна линија укинување“ на одобрувањето од 2001 година. Претседателот на САД тврди дека законската мерка за борбата против припадниците на Исламската дражва може да послужи како модел за промена на одобрувањето од 2001 година.

„Осмислив опсежна и трајна стратегија за слабеење и пораз на Исламската држава. Локалните единици имаат потреба од повеќе отколку од воени единици да бидат распоредени за спроведување на тие операции“, напишал Обама во писмото приложено со нацрт законот.

Предлогот на претседателот мора да го одобрат Сенатот и Претставничкиот дом, а се очекува дека ќе предизвика жестока расправа меѓу демократите на Обама, кои вообичаено стравуваат од уште една војна на Блискиот исток, и републиканците во чиишто редови многумина заговараат поостри мерки против милитантите.

Обама ја брани својата одлука да ја предводи меѓународната коалиција против Исламската држава од 8-ми август, кога американските борбени авиони започнаа да ги бомбардираат позициите на џихадистите во Ирак. Меѓутоа, американскиот претседател е изложен на критики, бидејќи на бара поддршка од Конгресот, во кој некои го обвинуваат и за кршење на уставните овластувања. Соочен со притисокот да го дозволи учеството на парламентарците во така важно прашање, како што е испраќањето единици и со резултатите од изборот по кои се зголеми влијанието на републиканците во Конгресот, Обама во ноември најави дека ќе бара формално одобрување за користење на воена познато по кратенката AUMF./крај/мф/сн

Извор: Reuters