Американскиот претседател Барак Обама ќе го потпише законот што го прифати Конгресот и со кој се одобруваат нови санкции против Русија, соопшти во вторникот навечер Белата куќа истакнувајќи дека сепак текстот остава маневарски простор за натамошно постапување, а истовремено портпаролот на Пентагон изјави дека военото присуство на САД во регионот на руските граници е зголемено, истакнувајќи дека е САД и НАТО се обидуваат да дејствуваат „транспарентно“.

Заканата со нови американски санкции доаѓа во период кога Западот тврди дека руската економија е притисната од претходните западни санкции поради наводното нејзино мешање во украинската криза и падот на цената на нафтата што според аналитичарите токму има цел да му наштети на буџетот на Русија.

„Претседателот ќе го потпише, бидејќи содржи своја еластичност во врска со потреба воведувањето на новите санкции“, изјави Џош Ернест, портпаролот на Белата куќа, додаде дека текстот ќе биде потпишан до крајот на седмицата.

Американскиот претседател Барак Обама повеќепати изјави дека воведувањето на дополнителните американски санкции без соработка со Европската унија го смета за „контрапродуктивни“.

„Да се Европа и САД поделени, тоа би била стратешка победа (на рускиот претседател Владимир Путин). За да го спречиме тоа, мораме да водиме сметка за економското влијание на тие санкции врз Европа, мораме да бидеме умерени во нивната примена и да покажеме стратешко трпение“, изјави Обама минатата седмица.

Законот кој го донесе Конгресот на САД едногласно во саботата одобрува нови санкции против Русија и испорака на смртоносно оружје за Украина. Испораката на такво оружје од САД во Украина е можна од вторникот, но е во надлежноста на американскиот претседател кој засега се противи и одобри само помош во радари, возила, опрема за деминирање, ноќни визири, панцирни елеци и противминофрлачки радари.

Рускиот министер за надворешни работи, Сергеј Лавров, оцени во понеделникот дека носењето на тој закон во Конгреост претставува „непријателски“ акт кон Русија, иседувајќи ја „разулавената желба Русија да биде казнета за сите можни и невозможни престапи“. Притоа, Москва се закани со противмерки, доколку се пристапи кон нови санкции од страна на Вашингтон.

Истовремено во вторникот навечер американското министерство за одбрана, одговарајќи на тврдењата на Москва дека бројот на извидувачки летови на САД и НАТО над руските граници во 2014 година се зголемил за седум пати, а дека бројот на летовите на тактичката авијација на Алијансата двојно се зголемил и достигнал околу 3.000, соопшти дека американското воено присуство во регионот е чувствително зголемено.

„Актуелните напори на европската команда на САД во рамките на операциите ‘атлантска решителност’ претставува демонстрација на нашата посветеност на колективната безбедност на НАТО, кон долгорочниот мир и стабилноста во регионот, конкретно во светлината на руското мешање во Украина“, изјавил претставник на Пентагон за РИА Новости.

„Во почетокот на операцијата САД преземаа низа итни чекори за да ја покажат нашата солидарност со сојузниците во НАТО, вклучително и зголемување на воздушното, поморското и копненото присуство во регионот и проширување на планираните вежби“, додава.

Истакна дека во напорите и задачите ја повикуваат Русија да ја „прекрати дестабилизацијата“ во источна Украина, и да ја прекрати „окупацијата и анексијата“ на црноморскиот полуостров Крим каде што доминантното руско население на референдум во мар изгласа присоединување кон Русија, што западот го смета за руска нелегална анексија на украинска територија./крај/мф/сн

Извор: Reuters/РИА Новости