Вести
Обама на саудискиот крал му изразил загриженост за човековите права
Американскиот претседател Барак Обама и саудискиот крал Салман разговарале на двочасовната средба во средата за судирите на Блискиот исток, соопшти ноќта кон четвртокот Белата куќа, известувајќи и дека челникот на САД изразил загриженоста за состојбата со човековите права во монархијата која го форсира вехабитскиот облик на исламот, но не извести дали станало збор за актуелната криза во односите, откако во Конгресот се подготвува закон со кој Саудиска Арабија ќе биде делумно одговорна за терористичките напади на Ал Каеда од 11-ти септември 2001-та.
„Двајцата челници го потврдија историското пријателство и длабокото стратешко партнерство меѓу Соединетите држави и Саудиска Арабија“, соопшти Белата куќа.
Разговорите со 80-годишниот крал Салман се обид на Белата куќа да ги стивне тензиите со долгогодишниот регионален сојузник, коментираат американските медиуми. Одбивањето на администрацијата на Обама воено да интервенира во Сирија во полза на соборување на алавитскиот (шиитски) претседател Башар ал-Асад, кој е непријател на сунитската династија во Саудиска Арабија, преговорите со шиитски Иран, ги разгневија сунитските монархии во Персискиот залив.
Медиумите кои предвидуваа дека ќе се случи уште еден „стерилен“ состанок кој ќе се сведе на официјална фотографија, Белата куќа ги потсети дека Вашингтон и Ријад имаат цврст сојуз „долг повеќе од 70 години“.
„Односот секогаш беше сложен, но постои основа за соработка околу заедничките интереси, особено борбата против тероризмот“, тврди Бен Родс, поранешен прв советник за национална безбедност на претседателот Обама.
Обама ја пофалил „хуманитарната помош“ на Саудиска Арабија во соседен Јемен, иако таа во оваа земја изведува воздушна кампања против побунетите шитиски племиња и поранешниот претседател, зборувал за потребата повеќе да му се помогне на доминантно мнозинскиот шиитски Ирак во борбата со екстремната сунитска организација Исламска држава, а за судирот во Сирија изразила поддршка за политичката транзиција, соопшти Белата куќа.
Пред состанокот со кралот Саламан, американскиот претседател разговарал со престолонаследникот шеикот Мохамед бин Заед ал-Нахазџан за регионалните судири на Блискиот исток, известува, исто така, Белата куќа, во чие соопштение се додава дека се согласиле оти е неопходно да се запре судирот во Јемен и да се даде меѓународна поддршка за новата влада на национално единство на Либија.
Средбите на американскиот претседател со саудискиот монарх и престолонаследникот се одржаа ден пред самитот во четвртокот на Советот за соработка меѓу земјите на Персискиот залив (GCC). Монархиите, а освен Саудиска Арабија, тука се и Кувајт, Катар, Бахреин, Обединетите Арапски Емирати и Оман, очекуваат јакнење на американската воена помош, но и конкретна помош во борбата против дестабилизаторските кибернетички напади.
Генералниот секретар на GCC изјави дека овој блок и САД ќе одржуваат заеднички поморски патроли за да го запрат наводното криумчарење на оружје од Иран. Американски функционери, пак, велат дека такви патроли веќе се спроведуваат и оти тоа не е новина.
Повеќето сунитски монархии од Заливот се разочарани од Обама кој во двата мандата се држеше подалеку од регионот и со тоа сметаат дека му дал голем простор на нивниот голем ривал шиитски Иран. Обама пред патувањето изјави дека сака да ги увери заливските монархии во вредноста на „студениот мир“ со Техеран кој ќе ги смири секташките напнатости и ќе им овозможи на сите страни да се концентрираат на сузбивањето на најголемата закана за сите, џихадистичката Исламска држава.
Претседателот Обама во Ријад е придружуван од министерот за одбрана Ештон Картер и советничката за национална безбедност Сузан Рајс, како и директорот на Централната разузнавачка агенција (CIA), Џон Бренан, што јасно укажува дека во фокусот на посетата е безбедносната ситуација.
Во соопштението на Белата куќа не се споменува дали на двете средби било разговарано за законот кој го предложи американскиот Конгрес, а кој доколку биде прифатен, би овозможил Саудиска Арабија да биде во извесна мера сметана за одговорна за терористичките напади од 11-ти септември 2001 година, кои ги изведе Ал Каеда, со близу три илјади жртви.
Од минатиот петок, прво весникот The New York Times, а потоа и другите американски медиуми пишуваат дека саудискиот министер за надворешни работи Абдел ал-Џубери им порачал на претставниците на американскиот Конгрес дека неговата земја ќе биде принудена да ги продаде сопственостите во САД во износ од 750 милијарди долари во кои спаѓаат и американските државни обврзници, како одговор на изгласувањето на споменатиот закон според кој терористичката мрежа Ал Каеда и терористичките напади од 11-ти септември 2001 година биле финансирани со пари на Саудиска Арабија.
Портпаролот на Белата куќа, Џош Ернест, изјави дека претседателот Барак Обама не го поддржува тој закон, и дека нема да го потпише. Со законот би се овозможила тужба против саудиските власти пред американските судови за улогата на оваа земја во 11-септемвриските напади.
„Доколку ја отвориме можноста поединци во САД да можат да тужат други влади, тогаш ја отвораме и можноста поединци да ги тужат САД во други држави“, изјави Обама во интервјуто за телевизиската мрежа CBS во понеделникот.
Повеќето од 19-те напаѓачи од 11-ти септември 2001 година биле државјани на Саудиска Арабија, кои грабнаа четири патнички авиони и ги урнаа во њујоршките „Кули близначки“ на Светскиот трговски центар и зградата на Пентагон во Вашингтон, а еден беше соборен во Пенсилванија, наводно при обидот на патниците да го попречат киднапирањето на авионот.
Американската истрага досега децидно не тврдеше дека има вмешаност или поддршка на саудиската влада во овие терористички напади.
Меѓутоа, првиот заменик помошник на американскиот претседател за национална безбедност Бен Родс, во понеделникот вечерта изјави дека терористичката организација Ал Каеда била основана со пари од Саудиска Арабија, вклучително и од членови на нејзината влада.
Изјавата на Родс, дадена пред патувањето на Обама за Саудиска Арабија, само ја потврди крајната напрегнатост во односите меѓу двете земји.
„Не дека политиката на владата на Саудиска Арабија ја поддржувала Ал Каеда. Но имало многу богати луѓе во Саудиска Арабија, кои донирале, понекогаш и директно, на терористичките групи“, изјави Родс за поткастот кој го води поранешниот главен советник на Обама, Дејвид Акселрод. Родс додаде дека „многу пари во првата фаза од проектот Ал Каеда“ дошле токму од Саудиска Арабија.
Притоа, според него, меѓу оние коишто ги финансирале терористите, имало и функционери на саудиската влада и членови на нивните семејства. „Во крајна линија, недоволно внимание било посветено на тоа каде во текот на сите тие години одат парите од државниот апарат“, рече Родс./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Со 16 минути молк почна собирот во Скопје за настраданите во пожарот во Кочани
Со 16 минути молк, солзи во очите, наведнати глави и огромна тага почна собирот во Скопје, по трагедијата со настраданите...
Пожарите во ноќни клубови од кои светот не научи лекција: заеднички им се пиротехника, пренатрупаност и изоставени безбедносни проверки
Трагичниот пожар во дискотеката „Пулс“ во Кочани уште еднаш ги истакна смртоносните последици од неправилната употреба на пиротехничките средства во...
Митева: Во Скопје само 2 објекти од вкупно 13 имаат важечка лиценца за кабаре
Имало 22 лиценци за вршење угостителка дејност, а 15 со истечена важност. Во Скопје има само 2 објекти за кабаре...
Резервоарот со нафта во Кочани бил празен и не е поврзан со дискотеката, рече Тошковски
Министерот за внатрешни работи, Панче Тошковски, потврди дека во близина на дискотеката „Пулс“ е пронајден резервоар за нафта, но вели...
Незаконито и паушално биле изготвувани круцијални документи за работа на дискотеката во Кочани, информирше Тошковски
Досега за случајот со пожрот во Кочани се приведени 18 лица во СВР Штип и СВР Скопје, а задржани се...
Осуммина пациенти од КАРИЛ денес заминуваат на лекување во странство, Мерџаноски вели дека не се во тешка состојба, но има влошување
Лекарите утрово известија дека состојбата на пациентите повредени во пожарот во Кочани сместени во нивните клиники е под контрола, но...
Жалам што за 15 минути за одредена сума се давани овие лиценци: Мицкоски најави голема акција и затворање и санкционирање на сите што не ги исполнуваат условите за работа
Како држава во рекордно време ги преземавме сите мерки и протоколи што требаше да бидат преземени како никогаш досега, изјави...
Умре колега на кој треба да му се издигне споменик, а возач на Итната помош е најпонижуваната и неплатена професија, вели колега на Иле Гоцевски, кој почина по кобната ноќ
Стефан Бурназов работел кобната ноќ и следниот ден заедно со возачот на Итната медицинска помош, Иле Гоцевски, кој трагично почина...
Да не се шират дезинформации во врска со бројот на загинатите бидејќи дополнително се зголемува вознемиреноста во јавноста, порачуваат од Владата
Во врска со трагедијата во Кочани, Владата изразува најдлабоко сочувство до семејствата на загинатите и повредените. „Ова се моменти на...
Таравари: Сите хоспитализирани пациенти во Солун во моментот се во стабилна состојба
Министерот за здравство, д-р Арбен Таравари, денеска во раните утрински часови, заедно со министерот за надворешни работи, Тимчо Муцунски, и...
Клиничкиот центар во Србија ја соопшти состојбата на пациентите од пожарот во Кочани
Вчера, на Ургентниот центар на КЦС, од пожарот што избувна во дискотеката во Кочани, пристигнаа осум посериозно повредени пациенти, што...
(Видео) Македонската амбасадорка во Бугарија: Немилосрдна борба против сите коруптивни практики мора да има
„Промената во Република Македонија е неизбежна. Општеството сака чистење на системот и одговорност“. Ова го истакна амбасадорката на Република Македонија...
Ден на жалост во Србија поради трагедијата во Македонија – знамињата на половина копје
59 лица загинаа, а повеќе од 150 се повредени во пожарот во дискотеката „Пулс“ во Кочани, што избувна на 16...
Таравари ќе ги посети повредените во пожарот во Кочани, кои се лекуваат во Софија
Посетата на македонскиот министер за здравство Арбен Таравари на Софија е најавена за денеска во периодот од 14 до 15...
Ден на жалост во Бугарија поради трагедијата во Кочани
Министерскиот совет на Бугарија донесе одлука со која 18 март 2025 година е прогласен за Ден на национална жалост во...
„Не чувствувам вина, јас ги спасив сите што можев“, кажа Столе Боев обезбедување на дискотеката „Пулс“
Столе Боев, обезбедување на дискотеката „Пулс“ изјави вечерва дека не чувствува вина. „Јас ги спасив сите што можев и многу...
Тага, болка и гнев – Кочани ден по трагедијата низ фотографии
Во Кочани, градот во кој се запали нелегалната дискотека „Пулс“, голем број семејства се завија во црно. Во пожарот, животот...
Обвинителството досега најде 14 одговорни за трагедијата во Кочани, се бара краткотраен притвор за сите
Четиринаесет лица се прцесуирани и за нив Обвинителството ќе бара краткротраен притвор, а меѓу нив е и ексминистерот за економија,...
На протестот во Кочани демолирано кафулето на сопственикот на дискотекта „Пулс”
Ескалира протестот во Кочани на кој се бара правда за загинатите во пожарот во дискотеката „Пулс“. Во еден момент, дел...
Иле Гоцевски беше на првата линија, некои болки се преголеми, некои загуби се претешки за да се носат, рече Таравари за смртта на возачот на Итната помош
Министерот за здравство, Арбен Таравари, на социјалните мрежи се огласи за смртта на возачот на Итната помош во Кочани, Иле...
