Американскиот претседател Барак Обама ја пофали работата на полицајците и им оддаде почест на убиените петмина на комеморацијата во Далас, повикувајќи ги Американците да го отфрлат очајот, бидејќи „не сме толку поделени, како што се чини“ во обидот да ги обедини САД кои се потресени од новиот бран расни насилства.
 

Американскиот претседател Барак Обама ја пофали работата на полицајците и им оддаде почест на убиените петмина на комеморацијата во Далас, повикувајќи ги Американците да го отфрлат очајот, бидејќи „не сме толку поделени, како што се чини“ во обидот да ги обедини САД кои се потресени од новиот бран расни насилства.

Американскиот претседател Барак Обама и првата дама Мишел Обама, присуствуваа во вторникот вечерта по средноевропско време на екуменскиот обред заедно со потпретседателот Џозеф Бајден, и претходниот станар на Белата куќа, Џорџ В. Буш.

Убиецот на полицајците, а притоа рани уште седум од нив, 25-годишниот воен ветеран од Авганистан, Михај Ксавиер Џонсон, тврдел во двочасовните преговори пред да биде убиени, со полицајците за кои барал да бидат црнци, дека е гневен поради полициските убиства на двајцата афроамериканци од минатата седмица во сојузните држави Луизијана и Минесота и оти сака да се одмаздува „убивајќи белци, особено полицајци“, што ги шокираше САД изминатите две години потресувани од низата расни инциденти и насилни протести кои следеа.

„Тука сум денеска за да ви кажам дека мораме да го отфрлиме очајот. Тука сум за да истраам на фактот дека не сме толку поделени како што изгледа“, рече Обама.

Претседателот на САД, кој постојано бара рамнотежа меѓу поддршката за силите за спроведување на редот и поддршката на активистите за граѓански права, ја пофали ангажираноста на полицајците, особено на петтемина убиени минатиот четврток вечерта во Далас на крајот од мирниот протест против полициското насилство врз припадниците на афроамериканската заедница.

„Знаеме дека големо мнозинство од полицајците извршува неверојатно тешка и опасна работа чесно и професионално. Тие го заслужуваат нашето почитување, а не презир. И кога некој, без оглед на мотивите, ја прикажува целата полиција како пристрасна или нетрпелива, со тоа ја намалуваме вредноста на трудот на оние полицајци од кои зависи нашата сигурност“, истакна Обама.

И поранешниот претседател Буш инсистираше во својот говор на блискост, а не на поделеност. „Понекогаш изгледа дека силите кои нé раздвојуваат се посилни од оние кои нé поврзуваат (…) Не сакаме единство во оплакувањето, ниту во стравот. Сакаме единство во надеж, во љубов, во повисоки цели“, рече.

Градоначалникот на Далас, Мајк Роулинс, ги повика граѓаните да не ѝ подлегнат на паниката или на фаталистичката визија за американското општество порачувајќи дека „Тагата на Далас е тага на целата земја“, и повика на „единство меѓу полицијата и граѓаните, единство меѓу политиките“.

Во текот на летот со претседателскиот авион кон Далас, Обама им телефонирал на семејствата на Алтон Стерлинг, кого го уби полицијата во Батон Руж, во Луизијана, и на семејството на Филандо Кастиле, кој полицаец го уби во Сен Паул во Минесота.

Двајцата црнци кои се убиени до куршуми на бели полицајци се „симбол на тешкиот проблем во американското општество“, рече Обама во петокот во Варшава каде присуствуваше на самитот на НАТО, пред да биде известен за масакрот во Далас.

Истакнувајќи дека неговата земја доживеале веќе премногу вакви трагедии, Обама ја повика полицијата да преземе реформи.

Тој во среда во Белата куќа ќе ги собере претставниците на силите на редот, активистите за граѓански права, универзитетската заедница и локалните претставници, за да пронајдат конкретни решенија.

Американскиот претседател ќе се сретне и со Дејвид Браун, шефот на полицијата во Далас, црнец чијашто порака која повикува на единство одекна и надвор од Тексас.

Браун, имено, во 1980-те го доживеал смртните случаи на свој поранешен колега, на братот и на синот, сите убиени со огнено оружје. Браун повикуваше на отстранување на пречките меѓу полицајците и воспоставување дијалог.

Американскиот претседател Обама и пред една година беше во слична незавидна ситуација во Чарлстон во Јужна Каролина, по маскарот кој во црква го изврши поборник на супериорноста на белците кој уби девет црнци./крај/мф/сн

Извор: Reuters