Американскиот претседател Барак Обама во средата во својот говор пред Генералното собрание на Обединетите нации изјави дека ќе продолжи со притисокот врз џихадистите од Исламската држава (IS) истовремено како глобални фактори на ризиците по безбедноста во светот истакнувајќи ги епидемијата на вирусот ебола во западна Африка, „руската агресија во Европа“, „жестокоста на терористите во Сирија и во Ирак“, и Кина која „мора да го ублажи притисокот“.
 

Американскиот претседател Барак Обама во средата во својот говор пред Генералното собрание на Обединетите нации изјави дека ќе продолжи со притисокот врз џихадистите од Исламската држава (IS) истовремено како глобални фактори на ризиците по безбедноста во светот истакнувајќи ги епидемијата на вирусот ебола во западна Африка, „руската агресија во Европа“, „жестокоста на терористите во Сирија и во Ирак“, и Кина која „мора да го ублажи притисокот“.

„И во денешниот свет се шири вознемиреност, чувството дека силите кои не збилижја, создадоа нови закани и предизвици за сите нации кои се оградиле до светските сили“, изјави американскиот претседател Барак Обама во својот речиси 40 минутен говор.

„Додека ние сме собрани тука, вирусот на еболата поразително влијае врз здравствениот систем во Западна Африка, и се заканува со брзо проширување. Агресијата на Русија во Европа потсетува на деновите која големите нации ги загрозуваа малите, следејќи ги своите територијални амбиции“ Суровоста на терористите во Сирија и Ирак не тера да гледаме во срцето на темнината“, рече Обама.

Меѓу другото, Обама рече дека Исламската држава мора да биде уништена и испрати глобален повик до сите држави да и’ се придружат на коалицијата предводена од САД. Непосредно пред неговиот говор, американската авијација по третпат изврши удари врз цели во Сирија и во Ирак.

„Единствениот јазик што тие убијци го разбираат е јазикот на силата. И затоа САД со широката коалиција ќе работат на разбивање на таа мрежа на смртта“, рече Обама

„Денес го повикувам светот да им се придржи на тие напор, а оние кои се придружија на Исламската држава треба да го напуштат боиштето додека уште можат. Нема да им подлегнеме на заканите“, додаде Обама.

Обама истакна дека IS ги тероризира сите на својот пат во Ирак и во Сирија. „Ниеден конфликт не ги оправдува таквите дејствија. Тука нема никакви оправдувања, никакви преговори со овој вид на злото. Единствениот јазик кој тие го разбираат е јазикот на силата“, порача претседателот на САД.

Порача и дека во борбата против терористите САД нема да дејствуваат сами. „Немаме намера да ги испратиме американските војници да окупираат странски земји. Наместо тоа, ќе ги поддржиме Ирачаните и Сиријците кои се орат за обновување на нивните општества. Ќе ги опремиме и обучиме нивните сили да се спротистават на IS. Покрај тоа,, САД ќе работат да го ги пресечат финансирањето на терористите“, рече Обама.

Американскиот претседател потврдувајќи дека САД ќе ја спроведат „програмата“ за обука и вооружување на таканречените „умерени“ сили од сириската сунитска опозиција повика да се даде отпора на терористите од Исламската држава, како и на „жестокоста на режимот на (сирискиот претседател Башар ал-) Асад“.

Што се однесува до изралеско-палестинскиот спор, Обама оцени дека поради насилството што го зафатило регионот „премногу Израелци се подготвени да се откажат од тешката работа на пронаоѓањето мир и дека Израел за тоа мора да размисли“. „Но едно мора да биде јасно, стаусквото на Западниот Брег и во Газ е неодржливо“, порача Обама и додаде дека не може „да дозволиме да се откажеме од напорот на тој план“.

Своето обраќање Обама го искористи и да и упати пораки на Русија дека мировниот договор потпишан во минска на 5-ти септември, инаку претходно договорен меѓу рускиот претседател Владимир Путин и украинскиот Петро Порошенко, дава шанса за „патот на дипломатијата“. „Доколку Русија го избере тој пат… тогаш ние ќе го отповикаме нашите санкции и ќе ја поздравиме улогата на Русија во решавањето на заедничките предизвици. САД и Русија можеа тоа да го сторат во минатото, почнувајќи од намалувањето на своите нуклеарни арсенали. До соработката во елиминирањето на декларираното хемиско оружје во Сирија“, истакна Обама. „Тоа е вид соработка која сме подготвени да ја следиме доколку Русија го промени својот став’, рече Обама.

Истовремено американскиот претседател го изнесе ставот дека Русија преземајќи ги дејствијата во Украина „го загрозува (светскиот поредок), воспоставен по (Втората светска) војна“. Русија „внесува оружје на истокот од Украина, провоцирајќи го насилството на сепаратистите во конфликтот, кое однесе илјадници живот“, обвини Обама.

Земјите од азиско-пацифичкиот регион, без директно да ја спомене Кина, ги повика да ги разрешат своите спорови во регионот на мирољубив начин и според стандардите на меѓународното право.

Во однос на Иран, Обама истакна дека „мојата порака до водството и народот е едноставна: не ја испуштајте оваа можност Можеме да договориме решение кое ќе ги задоволува вашите енергетски потреби и истовремено да го смири светот дека вашата (нуклеарна) програма е мирољубива“./крај/мф/сн

Извор: Reuters