Актуелниот американски претседател Барак Обама предупреди во петокот дека во прашање е доведена „самата демократија“ на американските претседателски избори на 8-ми ноември, додека истовремено расте загриженоста на Белата куќа од лошиот ефект од кампањата на кандидатот на Републиканската партија, милијардерот Доналд Трамп.
 

Актуелниот американски претседател Барак Обама предупреди во петокот дека во прашање е доведена „самата демократија“ на американските претседателски избори на 8-ми ноември, додека истовремено расте загриженоста на Белата куќа од лошиот ефект од кампањата на кандидатот на Републиканската партија, милијардерот Доналд Трамп.

Учествувајќи во кампањата на кандидатката на својата Демократска партија, поранешната прва дама и државна секретарка Хилари Клинтон, во Кливленд во сојузната држава Охајо, претседателот Барак Обама го карактеризираше Доналд Трамп како потенцијален диктатор, но исто така изрази загриженост околу тоа на кој начин приврзаниците на републиканскиот кандидат би можеле да реагираат на неговиот изборен пораз.

Трамп минатата седмица се прогласи себеси „слободен“ во однос на стандардниот политички бонтон и упати низа многу жестоки и боли обвинувања на сметка на Хилари Клинтон и нејзиниот сопруг, поранешниот американски претседател Бил Клинтон, потврдувајќи ги со сведоштва.

„Цивилизираноста е доведена во прашање. Толеранцијата е доведена во прашање. Пристојноста. Чесноста. Еднаквоста. Љубезноста е доведена во прашање. Во прашање е доведено целиот напредок што го имаме остварено изминатите осум години, Самата демократија сега е доведена во прашање“, редеше Обама обраќајќи се на собир на млади приврзаници во Кливленд.

Според американските медиуми, кои и инаку не му се наклонети на републиканскиот кандидат, популарноста на Трамп паѓа а неговата кампања запаѓа во хаос поради инкриминирачкото видео од пред 11 години и обвинувањето на неговото непристојно вулгарно однесување кон жените, тие го поставуваат прашањето дали контроверзниот могул на недвижнините воопшто ќе го признае поразот на изборите, доколку се случи тоа.

Минатата седмица Трамп ја мина во континуирани обвинувања за медиумите и „глобалната елита“ дека работат против него. „Хилари Клинтон во тајност се среќава со меѓународните банки за со нив да направи заговор против американскиот суверенитет и со тоа да ги зајакне глобалните финансиски сили, своите лични пријатели од интерес и своите донатори“, изјави Трамп на собирот на Флорида.

Обама, пак, ова обвинување кусо го коментираше со „Ама ајде, човеку!“ и додаде „Тоа е тип кој го минува целото свое време одејќи наоколу и настојувајќи сите да ги увери дека тој е глобалната елита“.

„Тој е некој кој сугерира дека доколку изборите не минат како што тој сака, тоа нема да биде поради тоа што тој го изговорил, туку затоа што изборите се наместени и затоа што станува збор за измама“, рече Обама додавајќи дека Трамп изгледа како „некој кој среде играта цело време нуди извинувања поради тоа што би можел да загуби“. „Не почнувате да се жалите на арбитрите пред играта да заврши, туку само играте, зарем не?“, рече Обама.

Алудирајќи на повторното добивање на контролата на Демократската партија над Конгресот, бидејќи истиот ден со претседателските се одржуваат и изборите за сите 435 конгресмени, Обама во Кливленд, исто така, остро ги прозва републиканците поради нивниот кандидат за претседател.

„Многу избрани републикански функционери само набљудуваат. Дозволија многу небулозни работи да бидат искажани и потоа неброени пати да бидат повторувани“, рече Обама.

„Бројни членови на Претставничкиот дом, многу членови на Сенатот само стоеја и не кажаа ништо бидејќи тоа би ја потресло нивната база“, додаде Обама оценувајќи дека тоа го овозможило појавувањето на Доналд Трамп./крај/мф/сн

Извор: Hina