Американскиот претседател Барак Обама изјави дека падот на ирачкиот град Рамади во рацете на сунитската џихадистичка група Исламска држава (IS), претставува „тактички неуспех, и потсети на своите зборови дека борбата против екстремните исламисти ќе „трае со години“. 

„Несомнено е дека во сунитските области ќе мораме да ја зајакнеме не само обуката, туку и решителноста, а мораме да ги активираме и сунитските племиња повеќе отколку досега“, изјави американскиот претседател Барак Обама во интервјуто коешто во вторникот го дал за списанието Atlantic, а го пренесува во четвртокот Reuters.

Ви Ирак околу 33 отсто се сунити, кои ја водеа земјата во времето на диктаторот Садам Хусеин, чии офицери ги организираат сунитските бунтови по неговото соборување и ликвидација, користејќи го чувството на потиснатост откако мнозинските шиити (66 отсто), доминираат во државните институции.

На САД не им се заканува пораз од исламистите, тврди Обама. „Не, не мислам дека губиме“, одговара американскиот претседател на новинарско прашање.

„Станува збор за тактички пораз, тоа не може да се негира, иако Рамади веќе е долго ранлив“, вели Обама, Исламската држава во неделата го освои Рамади, кој е главен град на покраината Анбар.

Обама ова интервју го даде во вторникот, кога Исламската држава го зазема и древниот сириски град Палмира, што претставува втора важна победа на џихадистите кои го шират своето влијание од двете страни на ирачко-сириската граница на коишто летото 2014 година прогласија свој калифат.

Сепак американскиот претседател смета дека Исламската држава слабее, „Исламската држава значително ослабела ширум земјата вели Обама и додава дека има „напредок на северот и во областите (во Ирак) каде што учествуваат (курдските борци) пешмергите. Тие не напредуваат во деловите кои доминираат шиитите“, додава.

Обама најави продолжување на помошта на ирачкиот премиер Хајдер ал-Абади. „Мислам дека премиерот Абади искрено сака ирачка држава сои сите и нашата војска ќе продолжи на ирачките безбедносни сили да им дава секаква помош. Ќе пружиме и дипломатска и економска помош за земјата да се стабилизира“, рече претседателот на САД.

Во средата Обама се сретна со своите советници за национална безбедност кои го информираа за ситуацијата во Ирак и за стратегијата во борбата против Исламската држава.

На средбата Обама „повтори дека САД силно го поддржува ирачкиот премиер ал-Абади“, се вели во соопштението што го објави Белата куќа по средбата, пренесе AFP. Беше истакнато дека на состанокот учествувале 25 советници, меѓу другите и потпретседателот Џо Бајден, државниот секретар Џон Кери, министерот за одбрана Еш Картер, и генералот Лојд Остин од главниот штаб на американската армија.

САД се загрижени поради опасноста од секташко насилство во Рамади, во кој сунитите се мнозинство, бидејќи неопходно е да се употребат шиитските милиции во обидот градот да биде преземен од Исламската држава. Белата куќа објави дека Обама ја поздравил одлуката на ирачкиот совет на министри да се забрза обуката и опремата на локалните сунитски племиња во координација со властите покраината Анбар./крај/мф/сн

Извор: Макфакс