Американскиот претседател Барак Обама во петокот најави дека САД ќе ѝ одговорат на Северна Кореја којашто ја обвинуваат за големиот кибернетички напад врз корпорацијата „Sony Pictures Entertainmen“ кон крајот на ноември, во кој хакерите успеаја да дојдат до голем број податоци за сите вработени и за првите челниците на корпорацијата, до сценарија, како и до тајни потсмешливи и навредливи забелешки на компанијата за многу холивудски ѕвезди но и за политичари, а за Куба, со којашто претходно седмицава постигна историски договор по половина век да размени затвореници и да се отворат амбасади, рече дека меѓусебните односи со Хавана „сигурно ќе се променат“, но дека тоа нема да се случи преку „ноќ“.
 

Американскиот претседател Барак Обама во петокот најави дека САД ќе ѝ одговорат на Северна Кореја којашто ја обвинуваат за големиот кибернетички напад врз корпорацијата „Sony Pictures Entertainmen“ кон крајот на ноември, во кој хакерите успеаја да дојдат до голем број податоци за сите вработени и за првите челниците на корпорацијата, до сценарија, како и до тајни потсмешливи и навредливи забелешки на компанијата за многу холивудски ѕвезди но и за политичари, а за Куба, со којашто претходно седмицава постигна историски договор по половина век да размени затвореници и да се отворат амбасади, рече дека меѓусебните односи со Хавана „сигурно ќе се променат“, но дека тоа нема да се случи преку „ноќ“.

„Предизвикаа голема штета и ние на тоа ќе одговориме. Нашиот одговор ќе биде сразмерен на нивниот напад, а ќе се случи тогаш и таму каде што ние ќе избереме“, изјави американскиот претседател Барак Обама на традиционалната конференција за новинарите на крајот од годината во Белата куќа.

Обама, исто така, напомна дека Пјогнјанг сам го извел споменатиот кибернетички напад. Северна Кореја уште на почетокот од декември ја отфрли својата вмешаност во нападот врз компјутерскиот систем на студијата Sony, за што хакерите кои ја преземаа одговорноста рекоа дека е поради филмот сатиричната комедија „Интервју….“ во кој се зборува за атентат врз младиот севернокорејски челник Ким Јонг-Ун и се исмејува тамошниот комунистички режим.

„Немаме никакви знаци дека Северна Кореја дејствувала во соработка со некоја друга земја“, истакна Обама.

Тој упати критики и за студијата „Sony“ коишто, според него, згрешиле откако се откажаа од прикажувањето на филмот „Интервју коешто убива“ поради заканите на хакерите со нови напади, и по откажувањето на компанијата којашто го има во сопственост најголемиот синџир кино сали во САД.

„Да сметам дека згрешија. Не смееме да станеме општество во коешто некој диктатор кој се наоѓа таму некаде може да наметне цензура тука во САД“, одговори Обама на новинарско прашање за откажувањето на компанијата за прикажување на филмот откако и многу телевизиски станици се откажаа од неговото прикажување.

„Кума ќе се промени, тоа не може да се спречи, но не предвидувам дека тие промени ќе се случат преку ноќ“, изјави Обама во врска со попуштањето на непријателствата со Хавана, додавајќи дека со „целата сила“ ќе настојува во американскиот Конгрес да се постигне укинување на полувековното ембарго кон комунистичката карипска земја.

„Не можеме еднострано да го укинеме ембаргото, бидејќи тоа е одредено со закон, Треба да се спроведе целата постапка во којашто тоа Конгресот ќе успее да го проголта. Постои поддршка за нашиот нов пристап во двете партии, но исто така има и противници на двете страни“, рече Обама.

Американскиот претседател нагласи дека засега не е во план ниту негова посета на Куба, ниту посета на кубанскиот претседател Раул Кастро на САД./крај/мф/сн

Извор: Reuters