Американскиот претседател Барак Обама изјави дека уривањето на малезискиот патнички авион во источна Украина на границата со Русија треба да биде „сигнал за будење“ на Западот и во прв ред на Европа за просудувањето дека Русија е одговорна за кризата којашто, според него, дошла до пресвртница.

Додека запре со обвинувањата на сметка на Русија за падот на малезискиот авион во кој загинаа 298 луѓе, американскиот претседател Барак Обама ја обвини Москва дека пропуштила да го запре насилството што овозможило да дојде до уривањето на авионот. САД сметаат дека авионот е погоден со ракета земја-воздух истрелана од територија којашто е под контрола на проруските бунтовници кои тврдат дека не поседуваат ракетен систем кој може да погоди цел на височина од 10.600 метри на којашто летал малезискиот авион на линијата од Амстердам кон Куала Лумпур. Руското министерство за одбрана, пак, објави дека има докази оти во времето на прелетот на авионот во близина на границата со Русија бил активен ракетен систем „Бук М1“ на украинската армија кој може да собори летало на големи височини. „Ова сигурно ќе биде повик за будење за Европа и светот врзано со последиците од ескалацијата на судирите во источна Украина, дека тие нам да бидат локализирани, дека нема да бидат сопрени“, изјави Обама пред новинарите во Белата куќа.Mногу американски пoлитичари сметаат дека би било многу корисно европските држави да се приклучат на американска иницијатива за заострување на економските санкции  иизолација на Русија. Меѓутоа, Европската унија многу помалку од САД е наклонета ко засилени економски санкции за Русија којашто Западот ја смета за одговорна за конфликтот во Украина меѓу прозападните власти дојдени со превратот во март во Киев и проруското население во југоисточните региони. Европа инаку има многу поголема трговска размена со Русија, отколку САД којашто е речиси незначителна, и десетици илјадни западноевропски компании се присутни на големиот руски пазар, покрај делумната зависност на континентот од руските енергенси.Американскиот претседател ја заострил пораката за рускиот претседател Владимир Путин, ден откако во телефонскиот разговор со Обама наводно му се пожалил на новите американски санкции насочени кон рускиот енергетски сектор. Во текот на телефонскиот разговор кој требаше да испрати сигнали дека Обама и Путин и натаму можат да комуницираат и покрај драстичните разлики во ставовите последните месеци, беше објавено дека Обама дознал од Путин за падот на малезискиот авион. Тврдејќи дека авионот е урнат и нарекувајќи го „глобална трагедија“ Обама во петокот на прес-конференцијата, уште еднаш правејќи притисок врз Москва, изјави дека „насилството коешто таму се одвива, во голем дел е овозможено со руска поддршка“, „Ако господин Путин одлучи дека нема да дозволиме тешкото вооружување и приливот на борци од Украина преку руско-украинската граница, тогаш тоа ќе престане“, изјави американскиот претседател.„Тој ја има најголемата контрола над ситуацијата“, изјави Обама за Путин додавајќи дека „досега, во најмала рака, не ја практикуваше“.Американската претседателка при Обединетите нации, Саманта Пауер, на итната седница на Советот за безбедност во петокот доцна навечер. Ја обвини Москва дека последните неколку седмици го зголемила бројот на тенкови, борени возила и ракетни фрлачи во југозападна Русија, а биле распоредени и напредни системи на противвоздушна одбрана. „Оваа војна мора да биде завршена, Русија може и мора да ја заврши“, изјави Пауер./крај/мф/сн

Извор: Reuters