Поглаварот на Римокатоличката црква, папата Франциск, во сабота на вториот ден од својата посета на Турција, во текот на средбата со претставниците на католичката заедница во Истанбул ги повика загрозените католици на Блискиот исток да не се исклучуваат меѓусебно со заживувањето на старите поделби и контроверзии, откако претходно на кусо се помоли во познатата Сина џамија, во рамките на неговите настојувања за промовирање на меѓуверскиот дијалог во сунитската муслиманска земја во чиешто соседство, во Ирак и во Сирија беснее секташката војна во којашто страдаат и тамошните христијански заедници.
 

Поглаварот на Римокатоличката црква, папата Франциск, во сабота на вториот ден од својата посета на Турција, во текот на средбата со претставниците на католичката заедница во Истанбул ги повика загрозените католици на Блискиот исток да не се исклучуваат меѓусебно со заживувањето на старите поделби и контроверзии, откако претходно на кусо се помоли во познатата Сина џамија, во рамките на неговите настојувања за промовирање на меѓуверскиот дијалог во сунитската муслиманска земја во чиешто соседство, во Ирак и во Сирија беснее секташката војна во којашто страдаат и тамошните христијански заедници.

„Нашата одрана може да се манифестира со претерано вкопување во сопствените идеи. Бидејќи секогаш е поедноставно и попријатно да се вкопува во сопствените ставови кои не се менуваат“, рече папата Франциск.

„Инсистирањето на нашите посебности и исклучивости не’ доведуваат до поделби“, посочи папата пред неколку стотина католички верници во малата катедрала на Светиот дух на литургија на којашто присуствуваа и православни верници од Истанбул.

Откако во саботата наутро ги посети Сината џамија и црквата Света Софија, папата Франциск во просториите на истанбулскиот нунцијат се сретнал со католиците од различни обреди, како што се сирискиот, ерменскиот, калдејскиот и латинскиот.

Подоцна папата Франциск ќе се сретне со патријархот на Цариградската патријаршија Вароломеј Први, со кого треба да ги приближат двете цркви кои се оддалечија по расколот во 1054 година.

Светиот отец, како и неговиот претходник Бенедикт Шеснаесетти пред осум години, ја заврши својата посета на џамијата на султанот Ахмед Први попозната како Сината џамија, изградена во XVII век со „клањање во молк“, објави Ватикан. Папата во придружба на големиот истанбулски муфтија Рами Јаран кој се молеше, кусо контемплираше со затворени очи и преклопени раце, според соопштението на Светата столица.

Беше тоа убав момент на меѓуверски дијалог. Се случи истата работа како и пред осум години со Бенедикт Шеснаесетти“, изјави портпаролот на Ватикан, монсињор Федерико Ломбарди.

Папата пред двата храма денес споменици на културата го дочекаа одвај илјада луѓе, што според медиумите покажува за строгите безбедносни мерки што ги преземаа турските власти како и за малиот интерес за папската посета од страна на Турците коишто се сунитски муслимани. Во Турција живеат речиси 80 илјади христијани меѓу 75 милиони муслимани.

Папата Франциск веднаш по пристигнувањето во петокот ги истакна „пламените напори“ на турските власти коишто примија речиси два милиона бегалци од Ирак и од Сирија, меѓу кои и неколку илјади христијани коишто претежно се засоленти во Истанбул пред војната и џихадистичката закана. Првиот ден од посетата на Турција, челникот на католиците изрази жалење поради „жестокиот прогон“ и „нечовечните постапки“ кон христијаните во споменатите земји, осудувајќи го тероризмот и фундаментализмот од која и да страна да доаѓаат.

Притоа потсети дека властите се должни да ги штитат верските слободи „давајќи има исти права“ на сите граѓани, без оглед на верската припадност./крај/мф/сн

Извор: Макфакс