САД во моментов обучуваат околу стотина борци од сириската вооружена опозиција којашто Вашингтон на именува како „умерена“, изјави на сослушувањето пред сенатскиот комитет, заменичката министерка за одбрана, Кристин Вормут.

„На 15-ти септември во рамките на постојната програма за обука и опремување, ние тренираме 100 борци, и имаме дополнителни регрути кои чекаат на ред“, изјави Вормут.

Претходно пензионираниот генерал Џон Ален, координатор на борбата со терористичката групација Исламска држава, изјави дека САД планираат да обучат до 15.000 опозициски борци во Сирија.

САД повторно ја разгледуваат стратегијата за борба против Исламската држава (IS) во Сирија, и Пентагон ја истражува можноста од разместување на сириските опозициски борци во побезбедните зони, давање подобри разузнавачки податоци и подобрување на вештините на бунтовниците коишто ги обучува, пишуваше весникот The New York Times

Опциите, коишто се доверливи, циркулираат меѓу највисоките функционери во американското министерство за одбрана, пишува весникот повикувајќи се на извори кои сакале да останат анонимни.На почетокот од септрември американските медиум обајвија дека САД ќе ја преиспитуваат стратегијата за справување со џихадистичките групи, што вклучува зголемување на групите обучени умерени сириски сунитски бунтовници кои ќе бидат вратени во Сирија и распоредување на оние локации каде што за нив е поголема поддршката од локалното населени.

Нагласувајќи ја неуспешноста на напорите предводени од САД за обуката на илјадници членови на сунтската вооружена опозиција којашто ја поддржува Западот, групацијата Џебхат ан-Нусра, која е сириско крило на Ал Каеда, во јули соопшти дека заробила повеќе од половината од 54-те обучени бунтовници за малку повеќе од една седмица откако тие беа распоредени во Сирија.

САД потврдија на почетокот од август дека го изведоа првиот воздушен напад во Сирија за да ја одбранат бунтовничка група Нова Сирија, која ја обучуваше американската војска, бидејќи ваквите сили кои Вашингтон ги смета за умерени, веднаш претрпеле загуби во судирите со исламистите. Овие американски воздушни напади врз позициите на екстремните исламисти се должеа на загубите што ги претрпеле сириските бунтовници обучувани и вооружени од САД кон крајот на јули. Веќе во првите операции оваа група изгубила десетина борци во судирот со борците на Џебхат ан-Нусра во северна Сирија.

Тогаш портпаролот на Белата куќа, Џош Ернест, изјави и дека не е исклучено САД да ги бомбардираат и силите на сирискиот претседател Башар ал-Асад, доколку бидат „принудени да ги заштити бунтовниците кои ги обучуваа“.

Како што претходно објавија САД, за речиси два месеца обучиле 60-ина борци на опозицијата, како што првично беше најавено, за борба против Исламската држава. Вкупно проверката според американските стандарди, вклучително и разузнавачките проверки, ги минале околу седум илјади доброволци. Вашингтон има намера да обучува пет илјади сириски опозициски борци годишно во базите во Турција, Катар, Јордан и Саудиска Арабија.

Во најавата на програмата на обуката, Вашингтон наведе дека му е цел да обучува по 5.000 борци годишно. Тие, како што стравува Дамаск, ќе бидат употребувани и во судирите со силите на сириската влада.

Американските воени власти задолжени за спроведување на оваа програма се соочуваат со тешкотии при селекцијата на кандидатите, бидејќи САД сакаат да ја ограничат опасноста меѓу нив да се инфилтрирани припадници на повеќе сунитски радикални исламистички организации коишто се активни на сириското боиште, кои потоа би се свртиле кон нив. Според најновите податоци коишто ги објави Пентагон, се пријавиле 3.750 сириски кандидати, од кои 400 ја минале подготвителната фаза.

Американскиот Конгрес, кој силно ја поттикнуваше администрацијата на претседателот Барак Обама на воена операција во Сирија и особено на споменатата програма, издвои 500 милиони долари за нејзиното финансирање.

САД најавија дека околу 1.000 американски војници ќе бидат распоредени за оваа програма на формирање сириски опозициски сили коишто ќе бидат способни да им се спротистават на добро вооружените и обучени екстремистички групи коишто ги потиснаа од многу покраини, особено од страна на Исламската држава. Засега 450 американски војници пристигнале на самото место, велат американски извори.

Некои од главните партнери на САД во регионот му забележуваат на Вашингтон што сака да ја води акцијата на сириската вооружена опозиција против џихадистите од Исламската држава, а ќе ја занемари борбата против силите на претседателот Асад.

Во февруари, Турција и САД потпишаа договор за обука на борците на сунитската опозициска Слободна сириска армија (FSA) за справување со Исламската држава. Притоа САД претпоставуваат дека во следните три години ќе обучат 15 илјади борци на FSA. Почетокот на програмата, кој беше планиран за 1-ви март, беше одложен поради барањето на Анкара за рамноправно учество на турските и на американските инструктори за обука на сириските бунтовници, како и за формирање заедничка комисија којашто ќе ги избира кандидатите./крај/мф/сн

Извор: Макфакс