Пет мексикански војници се убиени а уште пет се ранети во напад врз воен конвој во петокот, кој е организиран најверојатно од синовите на затворениот нарко барон Хоакин „Ел Чапо“ Гузман, соопштија властите.
 

Пет мексикански војници се убиени а уште пет се ранети во напад врз воен конвој во петокот, кој е организиран најверојатно од синовите на затворениот нарко барон Хоакин „Ел Чапо“ Гузман, соопштија властите.

Нападот е извршен во Кулиакан на северозападот од Мексико, каде што доминира нарко картелот Синелоа, чиј поранешен шеф Гузман беше повторно уапсен по спектакуларното бегство од затворот. Мексиканските власти веруваат дека синовите на нарко баронот стојат во заднината на овој напад, кој бил насочен кон генералот Алфредо Дуарте Мухика.

Војниците биле во придружба на амбулантно возило во коешто во болница бил транспортиран член на картелот Синелоа, кој бил застрелан и уапсен, кога возилото со придружба паднало во заседата на напаѓачите Вооружените напаѓачи врз возилата и војниците пукале од автоматско оружје и фрлале рани гранати, пред да го запалат возилото и да го ослободат уапсениот, кој според медиумските написи, можеби е роднина на затворениот нарко барон.

Адвокатите на Гузман во моментов се борат против неговата Екстрадиција во САД, каде што ќе се соочи со обвинувања за убиство, криумчарење дроги, организиран криминал и перење пари. Се проценува дека постапката за екстрадирање на „кралот на наркомафијата“ Хоакин Ел Чапо Гузман на САД ќе трае најмалку една година, а може дури и четири или шест, доколку адвокатите посегнат по сите расположливи правни средства.

Официјалната постапка за екстрадиција на Ел Чапо во САД беше покрената во средината на јануари во Мексико, откако претставниците на Интерпол пристигнаа во затворот во Алтиплано и предадоа два „налози за апсење со цел за екстрадиција“. Адвокатите на Ел Чапо соопштија дека ќе влезат во „тешка“ правна битка и ќе одат до Врховниот суд за да ја спречат екстрадицијата.

Мексиканскиот наркобарон Хоакин Гузман Лоер, познат и како „Ел Чапо“ (Кусиот) поради неговата височина од само 152 сантиметри, водач на наркокартелот Синалоа, беше уапсен вна почетокот од 2016 година во истоимената сојузна мексиканска држава, шест месеци по романескното бегство од затвори со висока безбедност во Алтипплан, каде што повторно е вратен. Мексиканската влада не сака да ризикува негово ново бегство, бидејќи тоа ќе има многу негативни последици за перцепцијата на сериозноста на владата.

Гузман кон средината на ланскиот јули избега по вторпат од затворот со максимално обезбедување. Според очевидци, наркобосот последен пат бил виден во туш кабината во еден од затворските блокови. Сознанијата велат дека осуденикот бегството го извел со помош на наркокартелот Синалоа, една од најголемите злосторнички организации во Мексико.

Лоер беше уапсен и осуден на дваесетгодишна затворска казна уште во 1993 година, Потоа, откако мексиканските власти решија да им го предадат на САД, тој започнал да подготвува бегство од затворот. Гузман тогаш поткупил неколку затворски чувари и на 19-ти јануари 2001 година побегнал, сокривајќи се во комбе кое превезувало валкана облека. Во неговиот план за бегство, како што подоцна откри истрагата, биле вклучени речиси осумдесет луѓе.

Тогаш властите понудија награда од 2,3 милиони долари за информација што би овозможила ликвидација на Гузман. Наркобаронот беше уапсен повторно во февруари 2014 година, во еден од хотелите во градот Масатлан во западно Мексико.

Со статусот на легендарен и недофатлив мексикански крал на дрогата, се проценува во моментов на една милијарда американски долари. Ел Чапо неколку години се наоѓаше и на листата на најбогатите и највлијателни личност на светот во рејтинг листата на списанието Forbes.

Магазинот го нарече Ел Чапо тие години еден од највлијателните луѓе на планетата, бидејќи го контролирал речиси целиот американски пазар на кокаин, кој тогаш му донел 300 милиони долари. Поради тоа американските власти распишаа награда за негово апсење од 5 милиони долари.

Магазинот Forbes рангирајќи ги личностите според „четири димензии на моќ“: влијание врз други луѓе, контрола на богатства, разновидност на влијанијата и активно користење на моќта во 2009 година Хоакин Ел Чапо Гусман, наркобаронот кој тогаш беше во бегство во зафрлените планини на северот на Мексико, го рангираше како глобално помоќна личност од тогашниот руски претседател Дмитриј Медведев, од поранешниот француски Николас Саркози и од сега починатиот венецуелски претседател Уго Чавез

На тој список на „најмоќните луѓе на светот”, Гузман беше рангиран на 41 место, две места пред Медведев и дури 15 места повисоко од Саркози, и само четири места подолу на листата од најбараниот терорист Осама бин Ладен, сега ликвидираниот водач на Ал Каеда.

Кога во 2007 година 52-годишниот Гузман правеше свадба со 18-годишна убавица, банкетот беше толку добро обезбедуван што армијата не се ни обиде да го приведе младоженецот./крај/мф/сн

Извор: Макфакс