Северна Кореја во вторникот објави дека повторно ги покренала активностите во нуклеарниот Јонгбјон кој се смета за главен извор за плутониум со воен квалитет, што претставува нов сигнал за аларм по нејзината најава за лансирање нуклеарна и балистички ракети.

Повикувајќи се на севернокорејскиот Институт за атомска енергија (AEI) и државната новинска агенција KCNA, јужнокорејската новинска агенција Yonhap пишува дека станува збор за реактор од 5 мегавати кој бил повеќепати надоградуван и прилагодуван. Последните активности во комплексот американските сателити ги регистрираа на крајот од април годинава.

Реакторот од пет мегавати со којшто располага Северна Кореја во нуклеарниот комплекс Јонгбјон може да произведе околу шест килограми плутониум годишно, односно количество доволно за изработка на нуклеарна бомба, оценуваат западните експерти.

Медиумите нагаѓаат дека Пјонгјанг на 10-ти октомври по повод одбележувањето на 70-годишнината од основањето на владејачката Работничка партија, би можел да лансира проектил со долг дострел.

Пјонгјанг во понеделникот објави дека со помош на проектил лансирал во орбитата сателит и дека „светот јасно на небото ќе види верига од сателити кои полетуваат високо кон небото“, а дека за времето на лансирањата и локации ќе одлучи Комунистичката партија. Севернокорејските функционери потврдиле дека Пјонгјанг да достигнал „завршната фаза“ во развојот на новиот опсервациски сателит

Јужнокорејското министерство за одбрана веднаш порача дека лансирањето би претставувало „сериозна провокација, воена закана и кршење на резолуцијата на ОН“. Исто така, Сеул истакна дека тоа би претставувало закана и за одржувањето на долгоочекуваниот состанок на семејствата раздвоени со Корејската вој,а од 1950 до 1953 година.

Пјонгјанг досега изведе три нуклеарни тестирања, а последниот во низата беше изведен во февруари 2013 година, но неодамна се закани дека ќе го изведе и четвртиот.

Пренебрегнувајќи ги меѓународните предупредувања, Северна Кореја во февруари 2013 година ја изврши својата трета нуклеарна проба, детонирајќи направа со поголема ударна моќ од употребената претходно при втората нуклеарна проба од 2009 година.

Исто така, тврди дека остварила напредок и во минијатуризирањето на атомската бомба, што е клучен предуслов при изработка на боева глава за балистичките проектили. Во текот на 2014 година, пак, Пјонгјанг изврши лансирање на стотици проектили со краток и среден дострел, што предизвика вознемиреност на американските сојузници во регионот.

Институтот за наука и меѓународна безбедност (ISIS, со седиште во Вашингтон, минатата 2014 година објави дека се чини оти севернокорејскиот нуклеарен реактор е ставен во мирување. Меѓутоа, токму ISIS во четвртокот тврди дека сателитското надзирање спроведено изминатава зима открило „знаци“ на активност со слаб интензитет, како што е топењето на снегот на ѕидовите од реакторот и турбините. Институтот споменува и истекување млаз топла вода од реакторот, како и појава којашто наликува на пареа која се подига од зградата во којашто се наоѓа турбината.

Реакторот Јонгбјон беше затворен во 2007 година во рамките на договорот за разоружување во замена за помош во храна., но Северна Кореја започна работи на реновирање по последниот нуклеарен тест во 2013 година.

Северна Кореја, којашто повремено се заканува со нуклеарен напад врз САД и редовно го обвинува Вашингтон дека ги користат воените вежби во соседна Јужна Кореја како провокација за започнување нуклеарна војна и во 2013 година објави дека се повлекува од примирјето со Вашингтон, со кое беа завршени непријателствата во Корејската војна која траеше од 1950 до 1953 година.

Двете Кореи технички и натаму се во војна, бидејќи нивната тригодишна војна заврши со примирје а не со формален мировен договор./крај/мф/сн

Извор: Макфакс