Северна Кореја истрела во средата две балистички ракети, а едната од нив експлодирала веднаш по лансирањето, објави американската стратешка команда.

Втората ракета паднала во водените пред севернокорејскиот источен брег, а според јапонскиот премиер Шинзо Абе, паднала во територијата на јапонската Ексклузивна економска зона.

Абе ова лансирање го нарече „невидено дело и голема закана за националната безбедност на земјата“. „Тоа е јасно кршење на резолуцијата на Советот за безбедност на Обединетите нации. Врачивме силен протест на Северна Кореја“, раче јапонскиот премиер за новинарите.

Станува збор за балистички ракети од среден дострел од типот „Редонг“ кои се лансирани истовремено од местото во близина ан северокорејскиот град Хвангџу, јави јужнокорејската новинска агенција Yonhap повикувајќи се на јужнокорејски функционер. Овие ракети прелетуваат околу 1.000 километри оддалеченост.

Американскиот Стејт департмент соопшти во средата дека има извештај за севернокорејско лансирање на ракета, истакнувајќи дека силно ги осудува најновите лансирања кои ги извела оваа изолирана комунистичка земја,

„Подготвени сме да работиме со нашите сојузници и партнери ширум светот за да одговориме на провокациите на Северна Кореја, и исто така да се одбраниме себеси и своите сојузници од каков и да е напад или провокација“, изјави портпаролката на Стејт департментот, Џулија Мејсон.

Ракетата којашто рано во средата ја лансирала Северна Кореја, а заврши во или близина на прогласените јапонски води, е „јасен знак дека Северна Кореја има амбиции да ги нападне соседните земји“, изјавил функционер на јужнокорејскиот здружен штаба на армијата.

Во јули Јужна Кореја договорија да распоредат напреден ракетен систем во јунокорејскиот округ Сенгџу, за да одговорат на заканите од Пјонгјанг во развојот на балистичките ракети. Распоредувањето на THAAD (Terminal High Altitude Area Defence), кој се смета за еден од најнапредните во светот, е предвидено за крајот од 2017 година.

Системот THAAD истрелува ракети кои се дизајнирани да пресретнат и уништат балистички проектили додека се уште надвор од атмосферата или само што влегле во неа, во текот на последната фаза од нивниот лет.

Русија уште во февруари предупреди на многу веројатно трка во вооружување на Корејскиот полуостров доколку САД го распоредат антиракетниот штит THAAD.

Кина кон средината на јули ги повика САД и Јужна Кореја да ги изменат својот курс во однос на разместувањето на системот за противракетна одбрана THAAD на територијата на Јужна Кореја. Распоредувањето на системот THAAD ќе го наруши стратешкиот баланс во регионот, според Пекинг, кој предупредува дека доколку овој антиракетен систем биде поставен Кина „ќе примени соодветни мерки“.

„Поглобално, таа мерка би можела да го зајакне разорното влијание на американскиот глобален систем за противракетна одбрана врз меѓународната безбедност и стабилност“, оцени тогаш руската дипломатија.

Во својата реакција на февраурското лансирање на балистичкиот проектил со сателит, Москва истакна дека Пјонгјанг не ги послушал повиците на меѓународната заедница, уште еднаш демонстрирајќи пркосно непочитување на меѓународното право, но индиректно предупреди дека таквите севернокорејски активности ќе бидат во полза на политиките на САД во регионот.

„Очигледно дека таквите активности ќе доведат до сериозно влошување на ситуацијата на Корејскиот полуостров и во североисточна Азија во целина, одејќи им на рака на оние кои се фокусираат на политиката на блокови и на зголемување на воените конфронтации, нанесувајќи им сериозни штети на безбедноста на земјите во регионот, во прв ред на самата Северна Кореја“, беше истакнато во соопштението објавено на официјалната страница на руското министерство за надворешни работи./крај/мф/сн

Извор: Макфакс