Одлуката на претседателката на Комисијата за разузнавање на американскиот Сенат, Дајан Фајнстајн, да го објави извештајот за примената на ткн засилени техники на испрашување на осомничените за тероризам од страна на Централната разузнавачка агенција (CIA), ќе треба „да се плати со животите на Американците“, смета поранешниот висок соработник на агенцијата, Гари Бернтсен, пишува во неделата порталот The Hill.
 

Одлуката на претседателката на Комисијата за разузнавање на американскиот Сенат, Дајан Фајнстајн, да го објави извештајот за примената на ткн засилени техники на испрашување на осомничените за тероризам од страна на Централната разузнавачка агенција (CIA), ќе треба „да се плати со животите на Американците“, смета поранешниот висок соработник на агенцијата, Гари Бернтсен, пишува во неделата порталот The Hill.

„Се одлучувате да им дадете на Исламската држава и на Фронтот ан-Нусра големо количество информации и ефикасни операции (…) На крајот, тоа ќе мора да се плати со животите на Американците“, изјавил во радио интервју Бернтсен, поранешен шеф во CIA одговарајќи на прашањето на што би ја предупредил Фајнстајн пред изработката и објавувањето на извештајот во јавноста.

Поранешниот припадник на CIA, исто така, остро ја напаѓа демократската сенаторка Фајнстајн од Калифорнија, велејќи дека нејзината одлука за објавување на извештајот силно го поткопува угледот на Агенцијата во целиот свет.

„Овој извештај е деструктивен, бидејќи ги изложува сите ‘валкани алишта’ на Агенцијата (…) Немаше избалансиран пристап кон извештајот. Тоа ќе им наштети на нашите односи со странските разузнавачки служби во целиот свет“, заклучува Бернстен.

За Бернтсен порталот наведува дека помогнал во одговорот на CIA по терористичките напади врз САД од 11-ти септември 2011 година. Своите забелешки ги изнел во отворена радио емисија во неделата како реакција на сличните коментари на ветераните од CIA, како на пример, поранешниот директор Макл Хајден или поранешниот потпретседател Дик Чејни.

Во понеделникот сенатската комисија објави извештај на 525 страници, што е всушност прочистен материјал од вкупно 6.000 страници сведоштва за свирепите методи на испрашување на осомничените во периодот од 2002 до 2009 година, за грабнувања во странство на осомничените и нивно испрашување во тајни затвори во странство, во кој се заклучува дека CIA ги лажела властите и јавноста. Притоа се заклучува дека таквите методи не успеале да доведат до сознанија со коишто би била спречена некоја подоцнежна реална закана.

Во неделата по оваа тема се огласи во медиумите и поранешниот американски потпретседател Дик Чејни, кој застана во одбрана на техниките на измачување над осомничените припадници на глобалната терористичка мрежа Ал Каеда, фалејќи ги агентите на CIA кои ги спроведувале таквите испрашувања нарекувајќи ги „херои“.

„Мојата совест е сосема мирна: тие (агентите) треба да бидат фалени, тие би требало да бидат одликувани“, изјави за телевизиската мрежа NBC News, дик Чејни, кој на должност беше во периодот од 2001 до 2009 година за време на републиканскиот претседател Џорџ В. Буш, кога биле спроведувани тие испрашувања.

И покрај заклучоците од извештајот за неефикасноста на преземените методи, за Чејни тие испрашувања под мачење „совршено функционирале“.

Поранешниот потпретседател на САД и претходно го изрази своето несогласување со заклучоците, изјавувајќи во средата дека извештајот е „полн со глупости“. „Мислам дека извештајот е жалосен. Ми изгледа нецелосен. Не се потрудиле да ги испитаат клучните луѓе вмешани во таа програма“, вели Чејни.

Актуелниот директор на CIA, Џон Бренан, именуван во мандатот на демократскиот претседател Барак Обама, исто така, во четвртокот изјави дека не се согласува со сенатскиот извештај. Призна дека агентите по 11-ти септември користеле „грозни“ методи, но истакна дека е невозможно да се зборува за тоа дали тие биел корисни за собирање информации. Нагласи, исто така, оти биле спроведени многу реформи за да се избегне тоа да се повтори./крај/мф/сн

Извор: Макфакс